Sii yɔrɔ-bɔlen 11:27 - LAWA A BOO SONBORE

²⁷ Ma á ke, ma sii baraa zɛnaa wa. N din nə sii baraa zɛnɛɛ masɛ nɛ, n nə́ zia biɛ masɛ ganaa. Dɛnaa Lawa mɛn bɛ́ kiri kuri, bɛ die a kɛ yɔrɔ bɔ Izirayeli tɔrɔn lɛn laanka Amɔn tɔrɔn kɛn bii pelo.»

LAWA A BOO SONBORE 2011

²⁷ Ma á ke, ma sii baraa zɛnaa wa. N din nə sii baraa zɛnɛɛ masɛ nɛ, n nə́ zia biɛ masɛ ganaa. Dɛnaa Lawa mɛn bɛ́ kiri kuri, bɛ die a kɛ yɔrɔ bɔ Izirayeli tɔrɔn lɛn laanka Amɔn tɔrɔn kɛn bii pelo.»

Sii yɔrɔ-bɔlen 11:27 ပူးပေါင်းရင်းမြစ်များ

Siin Giala 16:5

Sarayii tɔ́n pɛ Abramu ni: «N din nə ń toa, sɔ kɛ tá n koe masɛ ganaa. Hiĩ, ma din ni má maa bɛ̀rɛlɔ kũ má kɔ n la! A bɛ́ á dɔ̃, mà asɛ á nɔ̀ nɛ ǹ mɛn waáraa, masɛ dinmaa ba màn kɔ́n lɛa a yii li doo wa! Dɛnaa die a bɛ yɔrɔ bɔ masɛ laanka Abramu bii ni!»

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Siin Giala 31:53

Abrahamu laanka Nahɔɔrɔ a Lawa, ka digolon lɛn Lawa lɛ die a kiri kuru wɔ bii.» Zakɔba nə́ n liɛ ka Lawa nɛ, ǹ di Izaaki bɛ́ nyɛ́ɛ biɛ Lawa mɛn lɛ nɛ.

KZS2 20:12

Wɔa Lawa, n din ba re bɛa kiri kuri wɔa lɛa wa? Wɔ pàã á kiɛɛrɛ sɔraasi kuru damata kɛ ganaa die wɔ gialaa ka zia nɛ. Wɔ bɛ́ re n biɛ lɔn, wɔ a doɛ̃ wa. Bɛ lɛ nɛ, wɔ yii n doa nɛ n din la.

Zɔbu 23:7

Bɛ̀ a na á bɛ lɛ baa, bɛ̀ min pepere n die n bɔlɔ pii a yɔrɔ-a, bɛ̀ a n die maa sii kɛ siɛ a bɔ ma mìi-n duduu.

Zɔbu 9:15

Ta sonbore din nə ma lon, ma a re a lɛ sii wa. Man die makara nyankoe maa kiri-kuruli lon.

Loen 50:6

Lon mànan tá a peperebaa kɛ kalɛɛ, kiri-kuruli n ka Lawa nɛ. *Doa.

Loen 7:11

Ma tamaali n ka Lawa nɛ, a din nə min peperen kirisibiɛ.

Loen 75:7

Ka dɔ̃ mà golebaa bie boe lɛ̀giala-n wa, a bie boe lɛ̀nyɛɛn wa, a bie boe don gɔ́ɔ̃ dɔ din ni wa,

Loen 82:8

Lawa! Yoo, n kanaa minin lɛn kiri kuru, a giala, mà n din nə kanaa a tɔrɔn tumaa mìi la.

Loen 94:2

N din mɛn bɛ́ kiri kuri kanaa tumaa la, yoo. Dɔlɔ bɔ din gole-kɔlen kɛn ganaa, a kɔnpɛ ǹ nya ǹ dí ni.

Loen 98:9

Dɛnaa Lawa lɛ yɔrɔ-a, a giala mà á die. A n die, a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ, a n zɛnɛɛ a kɔnpɛ ka sonbore ne.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Boo-laakalaali 12:14

Sonbore, Lawa tá re nya ǹ dí tumaa a kiri we, ka sii mɛn tumaa bɛ́ durii ni, ta bǐɛ̃ nɛ, hinlaa baraa nɛ.

Korɛnti2 11:11

Bɛ giala mà wàa? Man ma a ka narɛ wa? Lawa din tá doɛ̃ mà ma á ka narɛ.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Timote2 4:8

Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.

Ebrəə 12:23

Ka n ká n mɔrɔ zaman kɛ ganaa zɔ́n zɛnɛɛ, bɛn man ka Lawa a nɛgiĩ bibinaan bɛ́ lɔn, ǹ tɔn nə́ kiɛ̃ nɛ lon gɔ́ɔ̃ nɛ. Ká n mɔrɔ Lawa ganaa, a din mɛn bɛ́ min tumaa a kiri-kuruli lɛa. Ká n mɔrɔ min sonboren telenboenən ganaa, min mɛnɛn lɛn lɛ bɛ́ piɛ̃ nɛ.

Sii yɔrɔ-bɔlen 11:28

Sɛnɛ, Zɛftee boon mɛnɛn dia Amɔn tɔrɔn kii lɛ la, a ǹ baa boo lɛa wa.

Samayeli1 2:10

Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»

Samayeli1 24:12

Maa díi, ga koɛ, ga n dɔnkɛ lɛkoro ganaa ma gɔn. Màn mɛn toa, má boo la má n dɔnkɛ lɛkoro kuru, má n ma n dɛ dɔn wa, a yɛ n dɔ̃ foaãnɛ, piã laanka sii baraa zɛnaa ba masɛ gɔ́ɔ̃-n wa. A yɛ n dɔ̃ dɔn, mà masɛ sii la n la wa. N din ni zoɛ̃ masɛ nyin li, mà n bɔ.

Samayeli1 24:13

Dɛnaa Lawa die a sii lɛ kuru wɔ biin ni! Dɛnaa Lawa die a masɛ a dòo bɔ n ganaa! Sɛnɛ, masɛ gɔn ba re miɛ n ganaa wa.

Samayeli1 24:15

Nsɛ, Izirayeli a kii, ma nə n soo woe die gialaa? Ma n die kio lui? Masɛ din kooro kɛ lɛ. Ma a soɛ gin gere-n wa, ma a soɛ dìwi dɔ-n wa.

Samayeli1 24:16

Dɛnaa Lawa á die bɛa kiri kuri. Dɛnaa Lawa die a wɔ waa kɔn. Dɛnaa Lawa die a n yii wɔ maa sii ni, a yɔ bɔ maa lɛa. A die a sonbore kɔ masɛ la, a ma si Sayulu la, a ma da.