Sii yɔrɔ-bɔlen 11:24 - LAWA A BOO SONBORE

²⁴ N lawa Kemɔɔsi kɛ bɛ́ á màn mɛn kɔ n la, bɛ ba n gɔn wa? Dɛnaa Lawa mɛn bɛ́ wɔsɛn Lawa lɛa, bɛ̀ bɛ́ màn mɛn tumaa kɔ wɔsɛn la, bɛa goɛ̃ wɔsɛn gɔn wa?

LAWA A BOO SONBORE 2011

²⁴ N lawa Kemɔɔsi kɛ bɛ́ á màn mɛn kɔ n la, bɛ ba n gɔn wa? Dɛnaa Lawa mɛn bɛ́ wɔsɛn Lawa lɛa, bɛ̀ bɛ́ màn mɛn tumaa kɔ wɔsɛn la, bɛa goɛ̃ wɔsɛn gɔn wa?

Sii yɔrɔ-bɔlen 11:24 ပူးပေါင်းရင်းမြစ်များ

Kiin1 11:7

Bɛ lɛ n ke, kele mɛn bɛ́ Zeruzalɛmu yɔrɔ-a, Salomɔn guguru kɔ ǹ bǎã dɔ walan, Moabu tɔrɔn dì bɔbɔnɛɛ Kemɔɔsi wɔ lɛa. Á kɔsɔ dɔ dɔ, Amɔn tɔrɔn dì bɔbɔnɛɛ Molɛki wɔ lɛa.

Loen 44:2

Ee Lawa, n sii dadaran mɛnɛn zɛnaa lɛlɛ, wɔ digolon wɔa biikoo li, wɔ din ná a laakalaa wɔ nɛ, wɔ́ ma ka wɔ too ne.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Zeremii 48:13

Ka bɛ-n kəni, Moabu á re sìi koe dì Kemɔɔsi ganaa ka Izirayeli zaman bɛ́ á sìi kɔ Betɛli ganaa lɔn, a n foo doa ǹ mɛn lɛ la.

Zeremii 48:46

Wàa koe n ka kɛ nɛ n ganaa Moabu! Dì Kemɔɔsi minin, á ke ka papaã! Ǹ nə́ n nɛgiĩn laanka n nɛlɔn kũ kòso nɛn lɛa.

Zeremii 48:7

Moabu, ma nə́ ń goã n foo doɛ n sii zɛnaan laanka n naforon ganaa. Sɛnɛ, ǹ tá re n dɔ kuĩ, ǹ wo n ne. N dì Kemɔɔsi kɛ á re woe gùli kɔ ǹ bǎã nɛ kun ka n wúlu-bɔlen laanka n kiãn tumaa nɛ.

Misee 4:5

Tɔrɔn kɛn tumaa gogoonmaa n koe ǹ dìn lɛ. Sɛnɛ, wɔsɛn man koe wɔa Lawa, Dɛnaa Lawa lɛ yǎa duduu.

Minin nimi 21:29

Moabu gána, koe bɔ n ganaa! Dì Kemɔɔsi guguru-kɔlen, kaa wɔ nya! Ǹ nə́ baa da kaa nɛgiĩn gòã li. Ǹ nə́ kaa nɛlɔn baa kii Sihɔn, Amɔɔrɔ tɔrɔ kɛa bɛ̀rɛn lɛa.

Timəə dí-pɛn 18:12

A giala, min mɛn tumaa bɛ́ bɛa siin kɛn lɛn zɛnɛɛ, ǹ tìĩ n boe-n Dɛnaa Lawa nyin ni. Bɛa sii bɔbɔnɛɛn lɛn lɛa nɛ, kaa Lawa, Dɛnaa Lawa tá re tɔrɔ kɔsɔn lɛn lui a ǹ bɔ ka nyɛɛnɛ.

Zozoe 21:43

Dɛnaa Lawa gána lɛ tumaa kɔ Izirayeli minin lɛn la. A giala, á goã á n lɛ kɔ ǹ digolon la, mà asɛ á re koe ǹ la. Izirayeli minin nə́ gána lɛ si, ǹ nə́ giã a nɛ.

Zozoe 3:10

Zozoe wusoo á pɛ ǹ nɛ: «Ka á re doɛ̃ kɛ li, mà Lawa Yiikoonaa lɛ tá ka bii. A din dɔ n die Kanaan minin laanka Ɛti tɔrɔn kɛn lui sonbore a ǹ bɔ ka nyɛɛnɛ, ka Evii tɔrɔn laanka Perɛzi tɔrɔn nɛ, ka Girgazi minin ni ka Amɔɔrɔ tɔrɔn laanka Zebuzu minin ni.

Sii yɔrɔ-bɔlen 10:6

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo, ǹ ná a giala kɔ, ǹ nə́ bɛ zɛnaa. Ǹ nə́ dí nya dìn manɛ: Bɛn man ka *Baali laanka *Asitartee ne. Ǹ nə́ tɔrɔ kɔsɔn lawan guguru kɔ: Aramu minin wɔn manɛ, Sidɔn minin wɔn nɛ, Moabu tɔrɔn wɔn nɛ, Amɔn tɔrɔn wɔn nɛ ka Filisiti minin wɔn nɛ.

Sii yɔrɔ-bɔlen 11:23

Dɛnaa Lawa lɛ, Izirayeli minin Lawa lɛa, bɛ bɛ́ á Amɔɔrɔ minin gána lɛ si á kɔ wɔsɛn la, n dɔ Sihɔn nə giɛ li kanna kəni n si wɔsɛn la?

Sii yɔrɔ-bɔlen 2:1

Dɛnaa Lawa a lon a dia dí-a wole nə́ n toa Gilgaali, á woo Bokimu á pɛ: – Ma din ni má ka waa Ezipti má soo ka nɛ. Man má woo ka kaa gána kɛ nɛ, ǹ mɛn lɛ bɛ́ má n lɛ kɔ ka digolon la ka a sii ni. Má n liɛ má pɛ: «Ma lɛ kɔ kɔn la mɛn wɔ ka ka nɛ, ma a re bɛ toɛ̃ duduu wa.»

Uruti 1:15

Naomii tɔ́n pɛ Uruti ni: «N miã lɛ bɛ́ ke á wusoo á woo a tɔrɔ minin li, á woo a dìn kio, n dɔ wusoo n na a kio saa.»