Sii yɔrɔ-bɔlen 10:7 - LAWA A BOO SONBORE

⁷ Ǹ nə́ Dɛnaa Lawa din toa walan, ǹ dí nya nɛ doo wa. Bɛ lɛ nɛ, Dɛnaa Lawa foo yoo Izirayeli minin lɛn li, á tɔ́n nə ǹ wɔ Filisiti minin laanka Amɔn tɔrɔn lɛn gɔn.

LAWA A BOO SONBORE 2011

⁷ Ǹ nə́ Dɛnaa Lawa din toa walan, ǹ dí nya nɛ doo wa. Bɛ lɛ nɛ, Dɛnaa Lawa foo yoo Izirayeli minin lɛn li, á tɔ́n nə ǹ wɔ Filisiti minin laanka Amɔn tɔrɔn lɛn gɔn.

Sii yɔrɔ-bɔlen 10:7 ပူးပေါင်းရင်းမြစ်များ

Loen 44:12

N din nə́ ń wɔ kɔ, ka tɔɔn bɛ́ lɔn, ǹ nə́ woe ǹ dii. Ń wɔ loo, ń wɔ pɛsɛ̃ bǎã tumaa nɛ, tɔrɔn bii.

Loen 74:1

Asaafu a loe mɛn bɛ́ daraa koe minin la. Lawa, wàa na á baa, ń wɔ daa kɛnɛn ka lenlen? Wɔsɛn man ka tɔɔ kuru bɛ́ lɔn, n din nə wɔ lɛduə̃li lɛa, wàa na á baa, n foo á goɛ̃ yoo-n wɔ li kɛnɛn?

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Nahumu 1:2

Lawa a sii á kaka. Min mɛnɛn bɛ́ n piɛ̃ nɛ, Dɛnaa Lawa n dɔlɔ boe bɛn ganaa, a foo-yoo á baraa. Dɛnaa Lawa na a gɛ̀ dòo boe a zɔ́ɔn ganaa, a foo-yoo á kiɛ̃ wa.

Nahumu 1:6

A foo-yoo gɔ́ɔ̃ nɛ, die n boe la a gole a yɔrɔ-a? Die yii n boe la a goã koo a foo-yoo baraa kɛ gɔ́ɔ̃ nɛ? A foo-yoo n ka tɛ bɛ́ lɔn, wɔlɔ tumaa kuĩ, haalɛ gɛ̀fu din nə yɔyɔrɛ a nyɛɛnɛ.

Sii yɔrɔ-bɔlen 10:8

Bɛa lɛ̀ kɛ lɛ-a, bɛn nə́ bɔ Izirayeli minin lɛn yii ni, ǹ nə́ fuu nyaa ǹ nɛ. Izirayeli minin mɛnɛn tumaa goã Zurdɛ̃ tà kio, Amɔɔrɔ tɔrɔn gána kɛ nɛ Galaati, ǹ nə́ bɔ bɛn dɔn yii ni, lɛ̀ fulukiwisi gɔ́ɔ̃ nɛ.

Sii yɔrɔ-bɔlen 13:1

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo ǹ ná a giala kɔ, ǹ nə́ bɛ zɛnaa. Bɛ lɛ nɛ, Dɛnaa Lawa nə́ ǹ wɔ Filisiti minin gɔn lɛ̀ pusi gɔ́ɔ̃ nɛ.

Sii yɔrɔ-bɔlen 2:14

Dɛnaa Lawa foo yoo Izirayeli minin lɛn li. Á ǹ wɔ basaã-kɔlen gɔn, ǹ nə́ basaã kɔ ǹ nɛ. Ǹ zɔ́ɔn mɛnɛn nə goã ǹ lɛnpɛnɛ, á ǹ kɔ bɛn la. Ǹ boo la ǹ nə́ golee ǹ zɔ́ɔn lɛn yɔrɔ-a doo wa.

Sii yɔrɔ-bɔlen 4:2

Bɛ lɛ nɛ, Dɛnaa Lawa nə́ ǹ wɔ Kanaan kii Zabɛn kɛ gɔn, giã-n Asɔɔrɔ kiwi. A zia-baalin goledɛnaa na á goã ka Sizeraa nɛ. Bɛ na á goã giã-n Arosɛti-Goyimu.

Sii yɔrɔ-bɔlen 6:1

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Bɛ lɛ nɛ, Dɛnaa Lawa tɔ́n nə ǹ kɔ Madiã minin la, lɛ̀ sɔbaa gɔ́ɔ̃ nɛ.