Sii yɔrɔ-bɔlen 10:16 - LAWA A BOO SONBORE

¹⁶ Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.

LAWA A BOO SONBORE 2011

¹⁶ Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.

Sii yɔrɔ-bɔlen 10:16 ပူးပေါင်းရင်းမြစ်များ

Siin Giala 6:6

Bɛ lɛ nɛ, Dɛnaa wusoo á n gɔ́ɔ̃ bii, ka wàa na á baa asɛ minbuiin nɛ zɛnaa, á da tán. A foo ziziɛ̃ bɛ gɔ́ɔ̃ nɛ,

Kiin2 13:23

Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

KZS2 15:8

Kii Azaa bɛ́ á Lawa a dia dí-a wɔle Obɛdi a nɛgiĩ Azaria a boon kɛn ma, a foo wusoo á taã. Dìn mɛnɛn bɛ́ ǹ tan Zudaa laanka Bɛnzamɛn gána nɛ, á bɛn papaã. A kiwin mɛnɛn dɔn kũ Efrayimu a kele yii kɛ nɛ, á zɛnaa miɛ̃ bɛn dɔn manɛ. Bɛ kio, á tɔn Dɛnaa Lawa a *wúlu bɔ ǹ bǎã kɛ zɛnaa Lawa a kion kɛa daã kiɛnlɛ-a.

KZS2 33:15

Á ǹ kaa lawa tiin kɛn goa ganaa, ka dì nyín kɛ nɛ á sɛlɛ á da Lawa a kion kɛ nɛ. A *wúlu bɔ ǹ bǎã mɛnɛn dɔ Dɛnaa Lawa a kion a kele kɛ la ka Zeruzalɛmu gɔ́ɔ̃ nɛ, á n tumaa ziziɛ̃. A ná a lɛkaran zũ, á ǹ bɔ kiwi lɛ nɛ.

KZS2 7:14

Maa zaman lɛ, ǹ mɛn lɛ bɛ́ má n tɔ da la, bɛ̀ á n din gisĩ má yɔrɔ-a, á ma nyankɔ, bɛ̀ á n gɔn bɔ a sii bɔbɔnɛɛ kɛ ganaa á ga ma li, ka bɛ nɛ, masɛ, lon sɔsɔɔ kɛ nɛ, ma á re n too koe a lon, ma a sii baraan toa nɛ, ma a gána a kɛbɔlɔn kɛn zɛnaa.

Loen 73:21

Sii kɔɔsɛ lɛ bɛ́ á ma gɔ́ɔ̃ pã, taasiɛ ma nɔmaa ka ma yiri daa a yoo,

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Luku 15:20

Bɛ kio, á yoo á wusoo á woo ǹ di a piɛ. A bɛ́ tiãlɛa, ǹ di yɛ, a makara kũ. Á baa si á woo nɛ lɛ kũ, á n sɔɔ a nɛ.

Luku 19:41

Yezu bɛ́ á diri kiwi lɛ la á yɛ, á wuu pɛ la.

Zaã a sɛ́wɔ 11:34

Á tɔ́n nɔ̀n da ǹ la: «Ka n ka bĩ maa?» Ǹ nə́ tɔ́n pɛ nɛ mà Dɛnaa ganaa, mà a da ga a ganaa.

Efɛɛzi minin 4:32

Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

Timəə dí-pɛn 32:36

Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.

Ebrəə 3:10

Bɛ lɛ nɛ, ma foo yoo ǹ li, má pɛ: Minin kɛn taasiɛn manə ǹ siɛ̃ biikoo tumaa li, ǹ ba maa ziin doɛ̃ wa.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Zozoe 24:23

Zozoe tɔ́n pɛ: «A bɛ́ miɛ̃, tɔrɔ kɔsɔn dìn kɛn, ka bɛn goa ka ǹ bɔ ka dinin li, ka kaa taasiɛ doa Dɛnaa Lawa, Izirayeli minin Lawa ganaa.»

Sii yɔrɔ-bɔlen 2:18

Bɛ̀ Dɛnaa Lawa sii yɔrɔ-bɔle bɔ á kɔ ǹ la lɔn, Dɛnaa Lawa n goɛ̃ kun ka bɛa sii yɔrɔ-bɔle lɛ nɛ. A na á goã ǹ sii ǹ zɔ́ɔn la sii yɔrɔ-bɔle lɛ a yiikoonaabaa tumaa gɔ́ɔ̃ nɛ. A giala, min mɛnɛn nə goã fuu nyɛɛ ǹ nɛ, ǹ nə́ boe ǹ yii ni, ǹ goã ginii mɛn we bɛn yɔrɔ-a, bɛ lɛ na á toa ǹ makara Dɛnaa Lawa kũ.

Samayeli1 12:10

Ka nə́ n lɛ dɛ Dɛnaa Lawa ganaa, ka nə́ pɛ: «Wɔsɛn nə́ sii baraa zɛnaa, a giala, wɔ́ Dɛnaa Lawa lɛ toa walan wɔ́ dìn guguru kɔ, *Baali laanka Asitartee ne. Sisia, wɔsɛn si wɔ zɔ́ɔn la, wɔ tá re n guguru koe.»

Samayeli1 7:3

Samayeli tɔ́n pɛ Izirayeli minin lɛn tumaa nɛ: «Bɛ̀ á daa yaa ka n wusii die Lawa-a ka ka foo din tumaa ne, ka lawa soreen lɛn kaa, ka Asitartee nyínin ni. Ka n yɔrɔ dia Dɛnaa Lawa la, ka dí nya a dinsɔɔ̃ nɛ, bɛ kio, ka á re n sii Filisiti minin lɛn la.»

Samayeli1 7:4

Izirayeli minin lɛn nə́ Baalin lɛn laanka Asitarteen lɛn kaa, ǹ nə́ dí nya Dɛnaa Lawa dinsɔɔ̃ nɛ.