Sii yɔrɔ-bɔlen 1:19 - LAWA A BOO SONBORE

¹⁹ Dɛnaa Lawa goã kun ka Zudaa minin ni, ǹ nə́ kele yii bǎãn lɛn kũ ǹ nə́ baa ǹ wɔ lɛa. Sɛnɛ, ǹ boo la ǹ nə́ nyankɔrɔ basadɛnan kɛn loo wa, a giala, fɔlɔ wotoron man nə́ goã bɛn lon, ǹ nə́ zia biɛ nɛ.

LAWA A BOO SONBORE 2011

¹⁹ Dɛnaa Lawa goã kun ka Zudaa minin ni, ǹ nə́ kele yii bǎãn lɛn kũ ǹ nə́ baa ǹ wɔ lɛa. Sɛnɛ, ǹ boo la ǹ nə́ nyankɔrɔ basadɛnan kɛn loo wa, a giala, fɔlɔ wotoron man nə́ goã bɛn lon, ǹ nə́ zia biɛ nɛ.

Sii yɔrɔ-bɔlen 1:19 ပူးပေါင်းရင်းမြစ်များ

Siin Giala 39:2

Dɛnaa Lawa goã kun ka Zozɛfu ni, a nya ǹ dí tumaa siĩn kɔ. Zozɛfu giã a dɛnaagiĩ lɛ a kion.

Siin Giala 39:21

Lawa bǐɛ̃ zɛnaa nɛ, a ná a sii kɔɔ̃n kɔ kòso kion-lɛduə̃li ganaa.

Samayeli2 5:10

Màn na á goã miɛ Davida pàã li woe miɛ̃. Dɛnaa Lawa mɛn bɛ́ pàã tumaa dɛnaa Lawa lɛa, bɛ́ goã kun ni.

Kiin2 18:7

Dɛnaa Lawa goã kun ni, bɛ̀ á sii woo sii zɛnaa bɛ n bǐɛ̃ koe. Á n gòãn dii Asiirii gána a kii ganaa, a goã a pàã giulun doo wa.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Loen 46:9

Ka da ga Dɛnaa Lawa a nya ǹ dí ganaa, a kaãbaa ǹ din mɛnɛn nya tán la.

Loen 60:12

bɛ̀ n din Lawa bie wa? Sɛnɛ, ń wɔ daa, n ba wɔa zia-baalin diɛ zii doo wa.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Zozoe 1:5

A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Zozoe 14:12

Dɛnaa Lawa kele yii mɛn boo da bɛa pinaa kɛ lɛ nɛ, bɛ lɛ kɔ masɛ la kanna kəni. A giala, ń ma a din pinaa kɛ lɛ dɔ nɛ, mà Anaaki tɔrɔn tá walan, mà kiwin dadaran dɔn tá a nɛ, ǹ nə́ kungɔn dɔ, ǹ nə́ ǹ lɛnpɛnɛ nɛ. Kɔntan Dɛnaa Lawa á re n doe masɛ lɛ, ma á re ǹ lui ma ǹ bɔ gána lɛ nɛ, ka Dɛnaa Lawa din bɛ́ á pɛ lɔn.

Zozoe 6:27

Dɛnaa Lawa goã kun ka Zozoe ne. Zozoe tɔ bɔ gána lɛ paǹ tumaa nɛ.

Zozoe 7:12

Bɛ lɛ n ke, Izirayeli minin lɛn ba boe la ǹ golee ǹ zɔ́ɔn yɔrɔ-a wa. Maǹ die goɛ̃ baa sii ǹ zɔ́ɔn lɛn nyɛɛn kɛnɛn miɛ̃. A giala, bɛa bɔlɔ-tii sii lɛ nə ǹ kio. Ma bɛ́ má ǹ kurəə mànan mɛnɛn goa ganaa, bɛ̀ ǹ bie ǹ bɛa mànan lɛn ziziɛ̃ lenlen ǹ nə ǹ bɔ ǹ bii wa, masɛ a re goɛ̃ kunun ǹ ni doo wa.

Sii yɔrɔ-bɔlen 1:2

Dɛnaa Lawa nə́ ǹ lɛ si á pɛ: «Zudaa tɔrɔ minin man die woe. Á ke, má gána lɛ wɔ ǹ gɔn.»

Sii yɔrɔ-bɔlen 4:13

Bɛa biikoo li, Sizeraa a ziabaa ǹ fɔlɔ wotoro biɛmanangɔrɔ lɛ tumaa, ka min mɛn tumaa dɔ goã kun ni, á ǹ sɔkɔn Arosɛti-Goyimu, á woo ǹ ne Kisɔn tà lɛ-a.

Sii yɔrɔ-bɔlen 4:3

Izirayeli minin lɛn nə́ n lɛ dɛ Dɛnaa Lawa ganaa. A giala fɔlɔ wotoro biɛmanangɔrɔ na á goã Sizeraa lon. Á bɔ Izirayeli minin lɛn yii-n taãn-taãnɛ, yǎa lɛ̀ fuə.

Samayeli1 18:12

Sayulu nyɛ́ɛ baa Davida nɛ, a giala, Dɛnaa Lawa goã kun ka Davida nɛ, á Sayulu toa walan.

Samayeli1 18:14

A soon lɛn tumaa gɔ́ɔ̃ nɛ, á goã gɔ̀lɔ̀baa yii, a giala Dɛnaa Lawa goã kun ni.

Samayeli1 18:5

Sayulu goã Davida diɛ woe koe bǎãn mɛnɛn tumaa lɛ, á goã gɔ̀lɔ̀baa yii. Sayulu Davida kũ á da a zia-baalin mìi la. Davida a sii goã siĩni zaman lɛ tumaa yii li. Á goã siĩni Sayulu a dí-nyalin dɔn yii li.