Sii yɔrɔ-bɔlen 1:1 - LAWA A BOO SONBORE

¹ Zozoe a gɛ̀ kio, Izirayeli minin nə́ nɔ̀n da Dɛnaa Lawa la ǹ nə́ pɛ: «Wɔ tɔrɔ kɛ mɛn nə die woe bibinaa nɛ, a zia baa Kanaan gána minin kɛn ganaa?»

LAWA A BOO SONBORE 2011

¹ Zozoe a gɛ̀ kio, Izirayeli minin nə́ nɔ̀n da Dɛnaa Lawa la ǹ nə́ pɛ: «Wɔ tɔrɔ kɛ mɛn nə die woe bibinaa nɛ, a zia baa Kanaan gána minin kɛn ganaa?»

Sii yɔrɔ-bɔlen 1:1 ပူးပေါင်းရင်းမြစ်များ

Kiin1 22:5

Zozafati wusoo á pɛ Izirayeli gána a kii lɛ nɛ mà a nɔ̀n da Dɛnaa Lawa la bɔrɔ.

Bɔ bɛ̀rɛbaa nɛ 18:15

Muizu pɛ ǹ daãgiĩ lɛ nɛ: «Zaman lɛ n die ma li, ǹ nə́ nɔ̀n diɛ Lawa la ka siin ni.

Bɔ bɛ̀rɛbaa nɛ 28:30

Muizu, Lawa dùũ dɔ̃ ǹ mànan kɛn kaa tìãbii zéwo kɛ nɛ, ǹ goã Aarɔn foobii, n wɔ ǹ nɛ masɛ Dɛnaa yɔrɔ-a. Aarɔn nə die bɛa mànan kɛn lɛn guĩ a foobii, masɛ Dɛnaa yɔrɔ-a biikoo tumaa li, màn mɛn bɛ́ toɛ, a ma dùũ dɔ̃ Izirayeli nɛnyaanan wɔ paǹ li.

Minin nimi 27:21

Zozoe lɛ die a goã bɛ̀ a golee Lawa a wúlu-bɔle Eleyazaara kɛ yɔrɔ-a, bɛ̀ a ga a sii giala li Lawa li, ka Lawa dùũ dɔ ǹ mànan kɛn nɛ. Zozoe lɛ laanka Izirayeli zaman lɛ die a Eleyazaara lɛ bɔlɔ si ka sii yii ni.»

Sii yɔrɔ-bɔlen 1:27

Manaasee tɔrɔn nə boo la ǹ nə́ Bɛti-Seyan kiwi minin laanka a kio kiwin kɛn minin loo wa. Tanaki kiwi laanka a kio kiwin ni, Dɔɔrɔ kiwi laanka a kio kiwin ni, Zibleyia kiwi laanka a kio kiwin ni, Megidoo kiwi laanka a kio kiwin ni, ǹ bɛn kɔn a minin loo wa. Kanaan minin nə́ wusoo ǹ nə́ n zɔ̃ ǹ nə́ giã bɛa gána lɛ nɛ.

Sii yɔrɔ-bɔlen 2:21

Bɛ lɛ nɛ, masɛ a die tɔrɔn kɛn lɛn kɔn lui ma bɔ ǹ nyɛɛn doo wa, Zozoe nə ǹ mɛnɛn lɛn toa ǹ bǎã nɛ á tɔ́n gã.

Sii yɔrɔ-bɔlen 2:8

Dɛnaa Lawa a dí-nyali Nunu a nɛgiĩ Zozoe lɛ bɛ́ giɛ̃, bɛ̀ a lɛ̀ paabiɛ ka fù (110) ni.

Sii yɔrɔ-bɔlen 2:9

Bǎã mɛn dɔ a ganaa kíɛ̃ lɛa Timinaati-Seraa kiwi, ǹ ná a gere bĩ walan, Efrayimu tɔrɔn kele yii kɛ nɛ, Gaasi kele a gɔsɛ a lɛ̀gɔn la.

Sii yɔrɔ-bɔlen 20:18

Izirayeli minin lɛn nə́ yoo, ǹ nə́ woo Betɛli, ǹ nə́ nɔ̀n da Lawa la kɛnɛn: «Wɔsɛn tɔrɔn lɛn mɛn nə die woe zia biɛ Bɛnzamɛn tɔrɔn lɛn ganaa bibinaa nɛ?» Dɛnaa Lawa nə́ ǹ lɛ si: Zudaa tɔrɔn man die woe bibinaa nɛ.

Sii yɔrɔ-bɔlen 20:27

Bɛa biikoo li, bɛ̀ Lawa a *lɛ kɔ kɔn la ǹ goo kɛ á tɔn Betɛli. Eleyazaara a nɛgiĩ Finee mɛn bɛ́ Aarɔn a nɔ̀ɔn lɛa, bɛ̀ bɛ n Lawa a wúlu-bɔle lɛa. Izirayeli minin lɛn nə́ nɔ̀n da Dɛnaa Lawa la: «Wɔ doamaa nɛ wɔ wusoo wɔ wo zia baa wɔ dɔɔ̃n Bɛnzamɛn tɔrɔn lɛn ganaa hinlaa wɔ doamaa nɛ wɔ a lɛ da?» Dɛnaa Lawa nə́ ǹ lɛ si: «Ka woo, a giala, biɛ̃, ma á re Bɛnzamɛn tɔrɔn lɛn we ka gɔn.»

Samayeli1 10:22

Ǹ nə́ wusoo ǹ nə́ nɔ̀n da Dɛnaa Lawa la: «Min kɔsɔ tan, ǹ dɛnaa n kànaa?» Dɛnaa Lawa pɛ: «Á ke durii-n tán guĩn genli.»