Izayii 9:7 - LAWA A BOO SONBORE

⁷ Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

LAWA A BOO SONBORE 2011

⁷ Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Izayii 9:7 ပူးပေါင်းရင်းမြစ်များ

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Kiin2 19:31

A giala min mɛnɛn bɛ re goɛ̃, ǹ tá re soe Zeruzalɛmu, Yiikoonaan mɛnɛn bɛ re goɛ̃, ǹ tá re gisĩ *Siɔn kele la. Dɛnaa Lawa a kɔn narɛ gole lɛ n die bɛ zɛnɛɛ.

Loen 2:8

Ma nyankɔ, ma á re gánan tumaa koe n la, ǹ nə n wɔ baa. Ma á re kanaa lɛ doa ǹ bǎãn koe n la, ǹ nə n wɔ baa.

Izayii 11:1

Nɛgiĩ á re yii Zesee tɔrɔ basa nɛ, ka da giala piri zizi bɛ́ lɔn gɔn ten boe. A gòonən tá re gɔn dii boe.

Izayii 16:5

Bɛ kio, kii pàã á re gole koe a bǐɛ̃baa taman yii. Bɛa kii bɔlɔgoondɛnaa kɛ lɛ Davida tɔrɔ lɛa, á re gána lɛ nyɛɛnaan boe ka peperebaa nɛ. A n die goɛ̃ kiri-wɔle lɛa, a n koe dí-pɛn lɛ, a nə́ n yiri koɛ peperebaa li.

Izayii 2:4

A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 37:32

Hiĩ, min mɛnɛn yii goã koo, bɛn tá re soe Zeruzalɛmu. Min mɛnɛn nə n si gɛ̀ la, bɛn tá re golee lon Siɔn kele la. Dɛnaa Lawa Pàãyiidɛnaa a miãgoã-bɔ kɛ bɛ́ re diɛ sii mɛn zɛnaa ganaa, bɛ n ka kɛ nɛ.»

Izayii 40:10

Á ke, kaa Dɛnaa Lawa n die ka pàã gole ne. Pàã tá a lon, a giã minin mìi la. Á ke, a màn mɛn yɛ, a n die ka bɛ nɛ. A n die ka a dí a saraa nɛ.

Izayii 42:13

Dɛnaa Lawa nə n zoɛ̃ woe ka sɔraasi foo kaka-a bɛ́ lɔn. Foo tãbaa na a nɛ ka zia-baali zanbia bɛ́ lɔn. A n gɔ̀lɔ̀baa ǹ lɛ-dɛ we, a n ziabaa ǹ lɛ dɛ gole we, a n boe a zɔ́ɔn la.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Azee 2:9

Lawa a kion dii ke a gugurubaa á re n gɔn sii a zizi kɛ wɔ la lenlen. Ma á re yii-nyɛɛ diɛ a nɛ. Dɛnaa Lawa Pàãyiidɛnaa a da ǹ boo n ka kɛ nɛ.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Zaã a sɛ́wɔ 12:34

Zaman lɛ tɔ́n pɛ Yezu ni: «Wɔ́ yɛ dí-pɛn sɛ́wɔ nɛ, mà Minin Nyin-sili lɛ n die goɛ̃ a yii n koo miɛ̃ a ná a ba giɛ̃ wa. Wàa na á baa nsɛ dɔ á pii, mà yǎa ǹ Min a Nɛgiĩ siɛ lon? Bɛa Min a Nɛgiĩ lɛ, die n ka bɛ nɛ?»

Ebrəə 1:8

Sɛnɛ, Lawa màn mɛn pɛ a Nɛgiĩ ni, bɛ á ke: «N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Ebrəə 7:24

Sɛnɛ, Yezu sɛ a wúlu-bɔlebaa kɛ miã banban, a wɔ lɛ a boe la, a n kɔ min kɔ́n la wa, a giala, a dinmaa lɛ na a tan yǎa duduu.

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.