Izayii 9:6 - LAWA A BOO SONBORE

⁶ A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

LAWA A BOO SONBORE 2011

⁶ A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Izayii 9:6 ပူးပေါင်းရင်းမြစ်များ

Samayeli2 7:13

Bɛ lɛ n die kion doe a masɛ tɔ da la. Man die bɛ lɛ koɛ kiibaa la yǎa duduu.

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Kiin1 10:9

Barka á Lawa, Dɛnaa Lawa lɛ ganaa, kɛ lɛ á bǐɛ̃ kɔ n ganaa, á n da Izirayeli a kiibaa la. A giala Izirayeli sii n kɔɔ̃n Dɛnaa Lawa ganaa duduu, bɛ lɛ na á toa á n koa kii lɛa mà n minin sii yɔrɔ bɔ, n sii pepere nya ǹ nɛ.»

Kiin1 2:33

Bɛn gɛ̀ dɔlɔ tá re goɛ̃ Zoabu laanka a tɔrɔn mìi ni duduu. Sɛnɛ, Dɛnaa Lawa tá re yii-nyɛɛ koe Davida la, a tɔrɔn nɛ, a kion minin ni, ka min mɛnɛn bɛ re kii biɛ a kio, yǎa duduu.»

Kiin1 2:45

Sɛnɛ, Dɛnaa Lawa tá re barka diɛ kii Salomɔn ganaa a na a kiibaa lɛ gòãn wɔ tán miɛ̃ duduu Dɛnaa Lawa din yɔrɔ-a.»

Nehemii 9:32

Sisia kəni, wɔa Lawa gole, pàã tá n lon, n tá nyɛ́ɛ diɛ, nsɛ mɛn bɛ́ n lɛ kɔ kɔn la lɛpiɛ̃, ń bǐɛ̃ zɛnɛɛ, a kũ Asiirii gána a kiin biikoo ganaa a da pelo yaa, nɔmaa mɛn tumaa wɔ yɛ, kɔnlɛ ka wɔa kiin ni, wɔa nyɛɛnaandɛnan nɛ, wɔa Lawa a wúlu-bɔlen ne, wɔa Lawa a boo gii-dalin ni, wɔ digolon ne, ka zaman lɛ tumaa nɛ, n baran ga bɛ ganaa sii kiɛɛrɛ lɛa wa.

Loen 45:3

N tá siĩni, ń la minbuiin nɛ tumaa nɛ, boo bǐɛ̃ n boe n lɛ-n. Á ke, Lawa barka da n ganaa yǎa duduu.

Loen 45:6

N kiɛ lɛ pɛpɛnɛn kɛn, bɛn tá re n zɔ́ɔn kɛn foɛ̃ ǹ koron ganaa. Tɔrɔ kɔsɔ minin kɛn lɛn tá re kiɛ tán-a n giulun, kii.

Loen 45:7

N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Loen 50:1

Asaafu a loe. Dɛnaa Lawa Pàãyiidɛnaa boo da. Á kanaa minin tumaa bíi wɔ, a saa lɛ̀ nyɛɛnɛ, yǎa lɛ̀giala-n.

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Loen 72:3

Toa gána lɛ paǹ tumaa nɛ, minin nə là nyantoro laanka peperebaa dɔ̃.

Loen 72:7

N din toa, a kiibaa wasa nɛ, peperebaa wɔlɔ gɔ̀nɔn bɔ. N toa màn-yɛ pàã gole kɔ biikoo tumaa li.

Loen 85:10

Min mɛnɛn bɛ́ nyɛ́ɛ biɛ nɛ, a kirisibaa lɛ n kunu bɛn ganaa, gugurubaa dɔ n die goɛ̃ wɔa gána lɛ gɔ́ɔ̃ nɛ.

Loen 89:5

Ma á re n din a min koɛ n kii dankan la, biikoo tumaa li. Man má n kii dankan lɛ koa, yǎa duduu wɔ lɛa. *Doa.

Suusun 8:23

A na á ma din zɛnaa lɛlɛ lɛlɛ, màn tumaa a giala kɔ waáraa, bɛ̀ tán tɔn nə n zɛnaa wa.

Izayii 10:21

Sonbore, gialakun tá re wusii a daa. Zakɔba gialakun boɛɛn kɛ á re n bɔyɛɛ a wo Dɛnaa Lawa Pàãdɛnaa li.

Izayii 11:5

A n die n binbin kuĩ ka peperebaa nɛ a n binbin yii ka bɔlɔgoondɛnaabaa nɛ.

Izayii 16:5

Bɛ kio, kii pàã á re gole koe a bǐɛ̃baa taman yii. Bɛa kii bɔlɔgoondɛnaa kɛ lɛ Davida tɔrɔ lɛa, á re gána lɛ nyɛɛnaan boe ka peperebaa nɛ. A n die goɛ̃ kiri-wɔle lɛa, a n koe dí-pɛn lɛ, a nə́ n yiri koɛ peperebaa li.

Izayii 26:12

Dɛnaa Lawa, n din nə là nyantoro koe wɔ la. Wɔ sii mɛn tumaa lɛ bɔ, n din nə ǹ tumaa lɛ piɛ̃.

Izayii 26:3

Min mɛn bɛ́ n foo doɛ Dɛnaa Lawa ganaa bɛa dɛnaa n yii nyɛɛ taãn yii, a giala a foo n doa nɛ a din ganaa.

Izayii 28:29

Bɛa dí nya ǹ gɔn kɛ dɔ n boe Dɛnaa Lawa Pàãyiidɛnaa li. Yiri kɔ wole sonbore ne, a dí-doɛ̃ á gole.

Izayii 32:1

Á ke kii á re yii, a kiibaa zɛnaa ka peperebaa nɛ, kiãn tá re nyɛɛnaan boe ka sonborebaa nɛ.

Izayii 37:32

Hiĩ, min mɛnɛn yii goã koo, bɛn tá re soe Zeruzalɛmu. Min mɛnɛn nə n si gɛ̀ la, bɛn tá re golee lon Siɔn kele la. Dɛnaa Lawa Pàãyiidɛnaa a miãgoã-bɔ kɛ bɛ́ re diɛ sii mɛn zɛnaa ganaa, bɛ n ka kɛ nɛ.»

Izayii 53:10

Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.

Izayii 53:2

Dɛnaa Lawa yɔrɔ-a, a dí-nyali gole kɔ ka da ten bɛ́ lɔn, ka da gòon bɛ́ lɔn soe tán gere la. Siĩnbaa a paǹ ba a ganaa màn mɛn bɛ́ toɛ yii bɔ li wa. A gama-a sii a min kuĩ wa.

Izayii 53:5

Sɛnɛ, wɔ dinin siɛ̃n taman yii ni, ǹ nə́ dɛ ǹ nə́ busu da a ganaa. Wɔa sii baraan taman yii, ǹ nə́ yɔyɔrɛ. Dɔlɔ mɛn bɛ́ là nyantoro koe wɔ la bɛ na á mɛ asɛ la. A busulɛn taman yii, wɔsɛn man kakabaa yii.

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Izayii 66:12

Dɛnaa Lawa n kɛ pii: Á ke, man die là nyantoro diɛ baa si ganaa Zeruzalɛmu ka tà bɛ́ lɔn, tɔrɔ kɔsɔn naforo kɛ baa si ka mu zii bɛ́ lɔn á pã á toɛ̃. Man die ka tamɛɛ ka lɔ bɛ́ a nɛnyaan tiɛɛ̃n tamɛɛ lɔn: a n diɛ a kolo-n, a bɔ a da a gòã la, a na a là wɔraa.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 8:18

Á ke, masɛ laanka Dɛnaa Lawa nɛnyaanan mɛnɛn kɔ ma la, wɔ ǹ sii a kɔnboe laanka gɔn waa lɛa Izirayeli gána nɛ ka Dɛnaa Lawa Pàãyiidɛnaa tɔ nɛ, asɛ mɛn bɛ́ giã-n *Siɔn kele la.

Zeremii 31:22

Nɛlɔ piã-wole, ma n woe n mìi giala yǎa biĩ? Hiĩ, Dɛnaa Lawa sii soree lɛ bɔ tán la: Lɔ n die baa sii ǹ zuũ kio kanna.

Azee 2:9

Lawa a kion dii ke a gugurubaa á re n gɔn sii a zizi kɛ wɔ la lenlen. Ma á re yii-nyɛɛ diɛ a nɛ. Dɛnaa Lawa Pàãyiidɛnaa a da ǹ boo n ka kɛ nɛ.

Matiə 1:1

Yezu *Krita n kii Davida laanka Abrahamu tɔrɔ lɛa. Ǹ digolon tɔn nə́ ke:

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Luku 2:11

Pelo kɛ lɛ nɛ, Davida a kiwi, Kirisibaali na á yɛ kaa lɛa, Dɛnaa lɛ nɛ, Lawa bɛ́ á pɛ, mà asɛ á re Minin Nyin-sili mɛn lɛ diɛ.

Luku 2:14

«Lon màn tumaa Lawa guguru kɔ! A na a là nyantoro koe kanaa minin la, a giala, a tá ǹ narɛ.»

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 1:16

A bǐɛ̃baa ǹ màn lɛ kɔ́n dɔ wɔ yii-a, a na á daa bǐɛ̃ da bǐɛ̃ li.

Zaã a sɛ́wɔ 14:27

Man là nyantoro koɛ ka li, ma din a là nyantoro ne. Kanaa bɛ́ là nyantoro koe lɔn, masɛ wɔ kɛ bie miɛ̃ wa. Ka yiri baran n lɔlɔkɔn doo wa, ka baran nyɛ́ɛ baa doo wa.

Nya ǹ dín 10:36

Lawa boo mɛn dia Izirayeli minin la, ǹ tá bɛa Boo Tii Kɔɔ̃n kɛ doɛ̃. Lawa na á bǐɛ̃ wɔ a din laanka minbuiinin bii ni, ka Yezu barka nɛ, Yezu mɛn bɛ́ minbuiin tumaa a Dɛnaa lɛa.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Rɔmu minin 9:5

Ǹ dinin lɛn man wɔ digolo Abrahamu laanka Izaaki ka Zakɔba a nɛnyaanan lɛa. Haalɛ wɔ Nyin-sili Yezu Krita dɔ dinmaa lɛ nə ǹ dinin tɔrɔ min lɛa, gɔ̀nɔn siĩ wɔ gɔn la. Krita lɛ n Lawa lɛa, a din nə màn tumaa mìi la. Gugurubaa na a wɔ lɛa yǎa duduu. A n miɛ̃!

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti1 15:25

A giala, a n kɔnboe Krita goã kii lɛa, yǎa Lawa boe a zɔ́ɔn tumaa la, a ǹ kiɛ a gòãn giulun.

Korɛnti2 5:19

A giala, Lawa n min tumaa kiɛ kun ka a din ni Krita pàã ganaa. A ba giɛ minbuiinin sã ǹ siin kɛn ganaa wa. A din na á minin kaa kun ka a din ni ǹ boo kɛ kɔ wɔsɛn la, mà wɔ pɛ.

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Kolɔɔsi minin 2:3

Minbuiin nɛ bɛ́ boe la, a sii mɛn tumaa dɔ̃ Lawa wɔ gɔn la, Krita din nə́ bɛ tumaa nyɛɛ.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Ebrəə 1:8

Sɛnɛ, Lawa màn mɛn pɛ a Nɛgiĩ ni, bɛ á ke: «N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Sii-nyaan 19:16

Ǹ nə́ tɔ kiɛ̃ a dɔnkɛ ganaa ka a gisi goon ne kɛnɛn: «Kiin Kii, dɛnaan Dɛnaa.»

Sii yɔrɔ-bɔlen 13:18

Dɛnaa Lawa a lon a dia dí-a wole lɛ pɛ nɛ: Wàa na á baa, n tá nɔ̀n diɛ ka ma tɔ nɛ? Ta má pɛ n nɛ, n ba re a giala miɛ wa.