Izayii 9:5 - LAWA A BOO SONBORE

⁵ A giala, nɛnyaan tiɛɛ̃n na á yɛ, nɛginin ni, wɔa wɔ lɛa. Kiibaa nə́ n kɔ la. A tɔ n die goɛ̃: Doroo wole sonbore, Lawa Pàãyiidɛnaa, Díi lɛa, yǎa duduu, là nyantoro kii.

LAWA A BOO SONBORE 2011

⁵ A giala, nɛnyaan tiɛɛ̃n na á yɛ, nɛginin ni, wɔa wɔ lɛa. Kiibaa nə́ n kɔ la. A tɔ n die goɛ̃: Doroo wole sonbore, Lawa Pàãyiidɛnaa, Díi lɛa, yǎa duduu, là nyantoro kii.

Izayii 9:5 ပူးပေါင်းရင်းမြစ်များ

Siin Giala 32:30

Zakɔba tɔ́n nɔ̀n da la: «Bǐɛ̃ kɔ, n nə n tɔ pɛ ma nɛ.» Mà Zakɔba ganaa: «Wàa na á baa, ń tá nɔ̀n diɛ ka ma tɔ nɛ?» A din bǎã lɛ nɛ, á lɛn bǐɛ̃ bíi Zakɔba li.

Loen 46:9

Ka da ga Dɛnaa Lawa a nya ǹ dí ganaa, a kaãbaa ǹ din mɛnɛn nya tán la.

Loen 72:3

Toa gána lɛ paǹ tumaa nɛ, minin nə là nyantoro laanka peperebaa dɔ̃.

Bɔ bɛ̀rɛbaa nɛ 23:21

Ka n dinin kũ, ka ma lɛ si, ka baran ma bɔlɔ tii wa. Ma á re kaa gɔ́ɔ̃-tii sii ma ganaa wa. A giala, bɛa lon a dia dí-a wole kɛ lɛ n dí-nyɛɛ masɛ din tɔ a lɛa.

Izayii 13:4

Ka n too kɔ màn wuu kɛ li boe kelen la: A n ka zaman gole gòã wuu ni. Ka n too kɔ tɔrɔn kɛn lɛ dɛ li, tɔrɔn sɔkɔn ke. Sɔraasin mɛnɛn bɛ́ re woe zia biɛ, Dɛnaa Lawa Pàãyiidɛnaa n giɛ bɛn ganaa.

Izayii 2:4

A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Izayii 4:4

Yiri mɛn bɛ peperebaa ka yoreenbaa koe, Dɛnaa á re Siɔn lɔn *gɔ̀ pii ka bɛ nɛ bibinaa nɛ. Á re Zeruzalɛmu yoreen koe mà kɛa lɛa á kaa a kiwi.

Izayii 9:4

Zɔ́ɔn gòã ganaa ǹ kɔsɔn kɛn bìn diɛ tán ganaa, ka mɔnaan kɛn nɛ mà lɛa, bɛn tá re n zuĩ tɛ buə ne tɛ á re ǹ tumaa kuĩ.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zeremii 47:3

Sùin gòã wuu n boe, ziabaa ǹ wotoron wuu n boe, Ǹ gòã wuu n nyɛ́ɛ diɛ. Díin foo ziziɛ̃, ǹ ba giɛ ǹ nɛnyaanan walan doo wa.

Zowɛli 2:5

Maǹ paparɛ kelen koe kɔn, ǹ wuu n ka ziabaa ǹ fɔlɔ wotoro wuu bɛ́ lɔn, ka tɛ wuu bɛ́ lɔn buu gere kuĩ. Min kakan manɛ ǹ nə́ n yɔrɔ bɔ ǹ nə́ woe zia la.

Lawa a wúlu-bɔlen 3:11

Wúlu-bɔle lɛ die a bɛ tumaa tã wúlu bɔ ǹ bǎã lɛ lalan, Dɛnaa Lawa wɔ lɛa.

Lawa a wúlu-bɔlen 3:16

Wúlu-bɔle lɛ die a bɛ tumaa tã wúlu bɔ ǹ bǎã lɛ lalan. Wúlu màn tiɛ̃ nɛ, a gìĩ n kɔɔ̃nɛ. Màn nyɔɔ tumaa n doe Dɛnaa Lawa ganaa.

Misee 5:1

Dɛnaa Lawa pɛ: Kasɛn Bɛtlehɛmu Efrataa minin lɛn, Zudaa tɔrɔn kiwi damata kɛ bii, ka dinin kiwi lɛ n kiɛɛrɛ sɛn. Sɛnɛ, min nə die boe bɛ lɛ nɛ maa wɔ lɛa, a giã Izirayeli minin kɛn mìi la. A boo tá bii-a, á belebɔ, haalɛ bibi sii ni.

Nahumu 3:2

Á ke, kiwi lɛ gɔ́ɔ̃ nɛ, sɔsɔrɔ wuu n boe! Wotoron gòã wuu n boe! Sùin man paparɛ! Zia wotoron wuu n boe paparɛ!

Zakarii 6:13

Sonbore, a din nə die Dɛnaa Lawa a kion lɛ doe. Á re kii dɔnkɛn we, a giã kii dankan la, a nyɛɛnaan bɔ. Lawa a wúlu-bɔle goon tá re giɛ̃ a genli, kii dankan la, ǹ tá re kɔn miɛ̃ parsiini.

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Nya ǹ dín 2:19

Ma á re kaãbaa ǹ siin zɛnɛɛ lon, ma á re ǹ zɛnɛɛ tán. Minin tá re mà yii, ka tɛ nɛ, ka tɛmaa bara nɛ.

Nya ǹ dín 2:3

Ǹ yii mànan kɔnɔn yɛ ka tɛ lɛwɔnɔn bɛ́ lɔn. Bɛa tɛ lɛwɔnɔn lɛn nə́ n gigii kɔn, ǹ nə́ mɛ kialandɛnan lɛn gogoonmaa mìi la.

Tesaloniki2 1:8

A n die die tɛ buə̃ bii, min mɛnɛn bɛ́ ǹ nə́ n piã ka Lawa doɛ̃ nɛ, ǹ nə́ n piã ka wɔa Dɛnaa Yezu a Boo Tii Kɔɔ̃n kɛ dɔ nɛ, a dɔlɔ bɔ bɛn ganaa.

Sii yɔrɔ-bɔlen 13:18

Dɛnaa Lawa a lon a dia dí-a wole lɛ pɛ nɛ: Wàa na á baa, n tá nɔ̀n diɛ ka ma tɔ nɛ? Ta má pɛ n nɛ, n ba re a giala miɛ wa.

Samayeli1 14:19

A Sayulu toa boo diɛ ka Lawa a wúlu-bɔle Ayia nɛ, màn na á goã miɛ Filisiti minin lɛn sɛ̀-pɛ li ǹ giã ǹ bǎã nɛ. Sayulu pɛ Lawa a wúlu-bɔle lɛ nɛ: «N susu.»