Izayii 9:2 - LAWA A BOO SONBORE

² Dɛnaa Lawa, n nə́ ǹ kã ka foo kɔɔ̃nbaa nɛ, ǹ foo kɔɔ̃n kɔ á la yii ni. Maǹ nə n nyɛnyɛɛ n yɔrɔ-a, ka ǹ bɛ́ n nyɛnyɛɛ kaa-piɛ waáraa lɔn. Maǹ foo kɔɔ̃nbaa ǹ lɛ dii, ka ǹ bɛ́ bɔ zia la ǹ mànan gii lɔn.

LAWA A BOO SONBORE 2011

² Dɛnaa Lawa, n nə́ ǹ kã ka foo kɔɔ̃nbaa nɛ, ǹ foo kɔɔ̃n kɔ á la yii ni. Maǹ nə n nyɛnyɛɛ n yɔrɔ-a, ka ǹ bɛ́ n nyɛnyɛɛ kaa-piɛ waáraa lɔn. Maǹ foo kɔɔ̃nbaa ǹ lɛ dii, ka ǹ bɛ́ bɔ zia la ǹ mànan gii lɔn.

Izayii 9:2 ပူးပေါင်းရင်းမြစ်များ

Zɔbu 10:21

ma tɔn woo, bɔyaa ná a ba a-n wa, wɔlɔ tì gána kɛ nɛ, gɛ̀ a wɔlɔ tì kɛ li,

Loen 107:10

Min tɛn na á goã wɔlɔ tì li, wɔlɔ tì biribiri li, ǹ nə́ goã gini ka maǹ kòso-n, fɔlɔ biɛn nə́ ǹ gɔn-a,

Loen 107:14

Á ǹ bɔ wɔlɔ tì li, wɔlɔ tì biribiri li, á ǹ fɔlɔ biɛn fore á ǹ bɔ ǹ ganaa.

Loen 23:4

Haalɛ ta man tɔ we wɔlɔ tì li gɛ̀ lɛ giulun, ma a re nyɛ́ɛ biɛ sii baraa kɔn nɛ wa, a giala mà n tá kun ma nɛ. N bɛ́ ma lɛduĩ ka bàlà mɛn nɛ, n nə́ ma nyɛɛnaan boe ka balangɔɔ mɛn nɛ, bɛ lɛ n ke ma foo doɛ.

Loen 4:8

Nyɛnyɛɛ mɛn bɛ́ ǹ foo ne bɛ̀ ǹ wii laanka ǹ duvɛ̃ mɔnaa, n die n maa wɔ la bɛ nɛ.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 60:19

N laadoo á re goɛ̃ wasa ganaa mà a fúlu kaa n nɛ penleen wa. N laadoo á re goɛ̃ mui ganaa tèlò-n wa. Masɛ Dɛnaa Lawa n die n tɛ fúlu biɛ dan ná a ba la wa, ma din, n Lawa n die tɛ fúlu kiɛ n ganaa ka maa gugurubaa nɛ.

Izayii 9:1

Tɔrɔ mɛn nə́ ke tɔ we wɔlɔ tì li, bɛ á re wɔlɔ fúlu gole yii. Min mɛnɛn bɛ́ gána tì bibiri ni, wɔlɔ fúlu á re boe bɛn manɛ.

Amɔɔsi 5:8

A din na á leeren kɛn zɛnaa, bɛ̀rɛ-sãlin laanka sɔ̀ nɛ. A din nə tèlò bɔyɛɛ a baa baayɛlɛ lɛa, a baayɛlɛ bɔyaa a baa tèlò lɛa. A n yìsi mu bíi bɛ̀ a sɔkɔn, a tɔn bɛ kaa tán la. A tɔ mà Dɛnaa Lawa.

Matiə 4:16

Tɔrɔ mɛn nə́ ke tɔ we wɔlɔ tì li, bɛ á re wɔlɔ fúlu gole yii. Min mɛnɛn bɛ́ gána tì ni, geren piɛ, wɔlɔ fúlu á re boe bɛn manɛ.

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Zaã a sɛ́wɔ 12:35

Yezu tɔ́n pɛ ǹ nɛ: «Wɔlɔ fúlu tá ka bii bɔrɔ, sɛnɛ, a die beleboe wa. Wɔlɔ fúlu bɛ́ ka li ǹ mɛn waáraa, ka tɔ wɔ bɛa biikoo li, màn mɛn bɛ́ toɛ, wɔlɔ tì baran da ka tɔwaa wa. A giala, min mɛn bɛ́ tɔ we wɔlɔ tì li, bɛa dɛnaa ba a din a woo ǹ bǎã doɛ̃ wa.

Zaã a sɛ́wɔ 12:46

Man má daa kanaa kɛ gɔ́ɔ̃ nɛ, ka wɔlɔ fúlu bɛ́ lɔn, màn mɛn bɛ́ toɛ, bɛ̀ min mɛn golee masɛ li, bɛa dɛnaa baran goã wɔlɔ tì li doo wa.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Efɛɛzi minin 5:8

Ka ǹ ka goã wɔlɔ tì li lɛlɛ, sɛnɛ, ka ǹ wɔlɔ fúlu li kanna kaa kaa kun ka Dɛnaa-n pàã ganaa. Bɛ lɛ taman yii, ka toa ka goã wɔlɔ fúlu minin lɛa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii yɔrɔ-bɔlen 5:30

Kɔntan, maǹ màn yii zia kɛ la, ǹ nə́ gii kɔn: Nɛniɛ goon hinlaa paa zia-baali goon wɔ lɛa. Ǹ nə́ mɔnaa nyaǹ dɛnaa si zia la, Sizeraa wɔ lɛa, mɔnaa-wɔrɛɛ lɛa nyaǹ ná a ganaa, mɔnaa-wɔrɛɛ màn paa lɛa, gɔ̀lɔ̀ wɔ lɛa.