Izayii 9:15 - LAWA A BOO SONBORE

¹⁵ Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.

LAWA A BOO SONBORE 2011

¹⁵ Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.

Izayii 9:15 ပူးပေါင်းရင်းမြစ်များ

Kiin1 13:18

Giĩ zizi lɛ tɔ́n pɛ nɛ: «Masɛ dɔ n Lawa a boo gii-dali lɛa, ka n dɔ bɛ́ lɔn. Dɛnaa Lawa lon a dia dí-a wole goon dia die pii ma nɛ mà man lɛ goa, n nə n ta kun ka masɛ-n piɛ, n die n màn bii, n mu mi.» Sɛnɛ giĩ zizi Lawa a boo gii-dali lɛ na á goã á soɛ bɔ nɛ.

Zɔbu 22:8

Ma nə́ ń goã tán koe gɔndɛnan la, pàãdɛnan man nə́ goã giɛ̃ gána lɛ nɛ.

Izayii 19:15

Min kɔn ba sii zɛnɛɛ Ezipti gána a wo nyɛɛnɛ taman yii wa: Kiãn hinlaa kialandɛnan bie wa, pàãman hinlaa doobaan bie wa.

Izayii 23:9

Dɛnaa Lawa Pàãyiidɛnaa na á golee bɛ li, màn mɛn bɛ́ toɛ a din koa wolen kɛn gisĩ, a kanaa a min dadaraan kɛn yii puusə kɔ.

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 28:17

Peperebaa n die goɛ̃ maa màn zɔ́ɔ̃ ǹ màn lɛa, kiri pepere n die goɛ̃ maa biɛ nàn lɛa.» La gii á re kaa minin sã ǹ mìi duru ǹ bǎã kɛ ziziɛ̃. Mu á re n koe kaa duru ǹ bǎã kɛ lɛ.

Izayii 28:7

Duvɛ̃ taman yii Lawa a wúlu-bɔlen laanka Lawa a boo gii-dalin man boo kooron diɛ, yɔ kakaarɛ nə ǹ diɛ tatalaa ganaa. Yɔ kakaarɛ taman yii maǹ boo kooron diɛ, duvɛ̃ nə́ ǹ yiri lɔlɔkɔn, yɔ kakaarɛ nə ǹ diɛ tatalaa ganaa. Bɛ̀ ǹ nə́ sii-nyaan yɛ, maǹ boo kooron diɛ. Bɛ̀ ǹ tá kiri we, ǹ yii á wɔlɔ yii wa.

Izayii 29:10

A giala, Dɛnaa Lawa ka yiri tã, á kaa Lawa a boo gii-dalin sàabaa sii-yɛn ganaa, á màn kɔ kaa gɔn-nɔɔlin yɔrɔ lɛ.

Izayii 3:12

Dɛnaa Lawa n pii: «Maa zaman, min mɛnɛn bɛ́ n nɔmɛɛ, nɛnyaanan manɛ. Ǹ mìilandɛnan man lɔn lɛa. Ee, maa zaman, min mɛnɛn bɛ́ n nyɛɛnaan boe, bɛn manə n yiri siɛ̃. Maǹ nə n diɛ zii baraa la.»

Izayii 3:5

Minin man die boe kɔn yii ni, ǹ kakaarɛ kɔ kɔ ǹ ganaa. Nɛ tenən man die yui min zizin gialaa, min kooron nə sìi da min yii guguru-an ganaa.

Izayii 43:27

N digolo bibinaa sii baraa zɛnaa, n boo gii-dalin nə́ n gòãn dii ma ganaa.

Izayii 5:13

Bɛ lɛ nɛ, Dɛnaa Lawa á kɛ pii: «Ǹ tá re maa zaman goɛ, ǹ wo ne bɛ̀rɛbaa ǹ bǎã nɛ, a giala, ǹ ba màn kɔn giala miɛ wa. Bòo tá re ǹ min dadaran dii, mu boro nə ǹ zaman dɛ.»

Izayii 59:3

Ka gɔnɔn man mà lɛa, kaa siɛ̃n nə́ ka gòonən tii. Soɛ boon man ka lɛ-n, ka lɛwɔn nə́ boo baraa diɛ.

Izayii 59:4

Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.

Zeremii 23:32

Ma á re yui ǹ gialaa. Ǹ narɛɛn man soɛn lɛa. Bɛ̀ ǹ tá ǹ kalɛɛ maa zaman yɔrɔ-a, boo kooron dininsɔɔ̃nɔn manɛ. Ma ǹ dia wa, ma zii kɔ ǹ la wa. Ǹ là goon din ba maa zaman ganaa wa. Dɛnaa Lawa a da ǹ boo ne.

Zeremii 23:9

Lawa a boo gii-dalin paǹ li. Ma foo ziziɛ̃, ma gɔ̀nɔn yii n bìn diɛ. Man ka yɔ mi a la yii-n wole bɛ́ lɔn ka min mɛn bɛ́ duvɛ̃ ná a yii ganaa. Dɛnaa Lawa a lɛa nɛ, ka a boon kɛn nɛ, á ǹ pɛ ma nɛ.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Busii pɛ 2:14

Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!

Ezekieli 13:19

Ka masɛ yii puusə kɔ, maa zaman lɛ yɔrɔ-a, *ɔrzi gɔn yii goon a lɛa ka buuru lɛkoron ne. Ka doamaa bɛ́ nɛ ka min mɛnɛn yii toa koo, ka n bɛn dii; ka doamaa bɛ́ nɛ ka min mɛnɛn dɛ, ka ǹ bɛn yii toɛ koo. Maa zaman lɛ bɛ́ a ba n mìi bibiĩ doɛ̃ wa, ka nə ǹ yiri siɛ̃ ka bɛa yɔrɔ lɛ nɛ.»

Ezekieli 13:22

A giala ka n min sonbore foo ziziɛ̃ ka kaa soɛ boon kɛn lɛn nɛ. A da yaa, masɛ ba li, ma sii baraa zɛnaa min sonbore-n wa. Ka n min baraa foo taɛ̃, bɛ lɛ nɛ, a ba wusii a sii baraa zɛnaa kio, ń giɛ a yii á goɛ̃ koo wa.

Ozee 9:8

Efrayimu a wɔlɔ-lɛduə̃li lɛ n kun ka maa Lawa nɛ, Lawa a boo gii-dali lɛ nɛ. Maǹ kan koɛ a kiɛ̃ ǹ ziin tumaa la. Haalɛ Lawa a kion din ni maǹ yui a gialaa.

Amɔɔsi 2:4

Dɛnaa Lawa na á pɛ kɛnɛn: Zudaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala ǹ nə́ Dɛnaa Lawa a dí-pɛn kɛn tii, ǹ na a landa boon kɛn tamaa wa. A giala, ǹ nə́ n saa soɛ siin li, ǹ digolon nə kɔ soɛ siin mɛnɛn lɛ, bɛ lɛ na á toa ǹ nə́ papaã. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Misee 3:5

Lawa a boo gii-dalin mɛnɛn bɛ́ Dɛnaa Lawa a zaman kɛ yiri siɛ̃, Dɛnaa Lawa na á kɛ pɛ bɛn wɔ paǹ li: «Bɛ̀ min mɛn gɔn màn tá ǹ lɛ-n, maǹ là nyantoro boo diɛ bɛa dɛnaa nɛ. Bɛ̀ min mɛn gɔn màn ba ǹ lɛ-n wa, maǹ zia yɔrɔ diɛ bɛa dɛnaa la.

Malakii 2:9

A bɛ́ miɛ̃, masɛ n die Izirayeli a zaman tumaa kɛ yii soe ka ganaa, ǹ ka pɔpɔsɛ, ǹ sìi da ka-a, a giala ka a ma foo sii zɛnɛɛ wa, ka n kun paǹ goon ne ka paǹ goon toa wolan maa laanda siin wɔ paǹ li.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Matiə 7:15

Min mɛnɛn bɛ́ Lawa a boo gii-dali soɛ-bɔlen lɛa, ka n parabaa bɛn nɛ. Maǹ die ka li basiɛ̃-n ka sèren bɛ́ lɔn, a da yaa ǹ gɔ́ɔ̃ kɛ n baraa ka don gin basaã-kɔlen manɛ.

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Samayeli1 9:6

Sɛnɛ dí-nyali lɛ pɛ nɛ: «Á ke, giĩ goon tan kɛa kiwi kɛ nɛ, Lawa a boo gii-dali lɛa, a tɔ bɔ. Boo woo boo á n diɛ, a sàabiɛ wa. Daa wɔ wo bɛ li kanna kɔntan, wɔ doa bɛ́ nɛ wɔ zii mɛn saa, á die bɛ nyɛɛ wɔsɛn manɛ.»