Izayii 9:12 - LAWA A BOO SONBORE

¹² Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

LAWA A BOO SONBORE 2011

¹² Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

Izayii 9:12 ပူးပေါင်းရင်းမြစ်များ

Kiin2 16:6

Bɛa biikoo lɛ li, Siirii gána a kii Resini goã á wusoo á Elaati kiwi si á da Siirii gána kio. Á Zudaa minin loo á ǹ bɔ Elaati kiwi lɛ nɛ, Edɔn minin nə́ daa giã a nɛ, ǹ nə́ goã a nɛ yǎa á daa dɔ pelo ganaa.

KZS2 28:18

Ka bɛ dɔ nɛ, Filisiti minin nə́ wɔ *Sefelaa a nyankɔrɔ lɛ kiwin ni, ka Negɛvu wɔn nɛ. Ǹ nə́ Bɛti-Semɛsi kiwin kũ, Ayalɔn nɛ, Gederɔti ni, Sokoo ne ka a lɛkoro-a kiwin ni, Timinaa nɛ ka a lɛkoro-a kiwin ni, Gimuzoo ne ka a lɛkoro-a kiwin ni. Ǹ nə́ giã walan.

Loen 79:7

A giala, mà ǹ nə́ mɛnaa Izirayeli la, ǹ ná a mànan goa, ǹ ná a bǎã ziziɛ̃.

Izayii 10:4

Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

Izayii 11:14

Lɛ̀nyɛɛn gɔn la, maǹ die n mìi foɛ̃ Filisiti minin kelen kɛn ganaa, lɛ̀giala gɔn la, n tá re diə gole minin kɛn gɔn mànan kokoe. Edɔmu gána laanka Moabu gána n die goɛ̃ ǹ pàã giulun, Amɔn tɔrɔn nə dí nya ǹ nɛ.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Izayii 9:17

Sonbore, baraabaa n kuĩ ka tɛ bɛ́ lɔn, a n nyan tɔrɔ tumaa kuĩ daã gòã li ǹ da bisin tumaa nɛ, a tɛmaa n dii lon kurukuru.

Zeremii 10:25

Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.

Zeremii 15:7

Má maa zaman pɛsɛ̃, gána lɛ paǹ tumaa nɛ, ka ǹ bɛ́ màn sui lɔn. Má ǹ ziziɛ̃, má ǹ nɛnyaanan bɔ̀n baa. Sɛnɛ, ǹ nə ǹ giã ǹ gɔn bɔyaa wa.

Zeremii 35:11

Sɛnɛ, Baabiloniin kii Nebukadenezɔɔrɔ bɛ́ á yoo gána lɛ gialaa, wɔ́ taasiɛ wɔ kɛnɛn: Á soɛ wɔ ganaa wɔ wo Zeruzalɛmu màn mɛn bɛ́ toɛ wɔ kanbaa *Baabilonii gána a sɔraasin laanka Siirii gána wɔn ganaa. Sisia, wɔ n giã-n kiwi lɛ gɔ́ɔ̃ nɛ.»

Zeremii 4:8

Ka gɛ̀ koa ǹ mɔnaan wɔ, ka wuu pɛ, ka gini. Haayii! Dɛnaa Lawa a foo-yoo baraa lɛ nə n bɔ wɔ kio wa.

Ezekieli 16:27

Á ke, bɛ lɛ nɛ má tɔ́n yoo n gialaa, má màn-bii kurəə n ganaa. Filisiti kiwin mɛnɛn bɛ́ n zɔ́ɔn lɛa, má n wɔ bɛn gɔn, ǹ nə n foo nyɛɛ n la. N gɛsɛbaa lɛ dinmaa lɛ n sìi diɛ bɛn ganaa.

Ezekieli 6:14

Man die yui ǹ gialaa, ta maǹ giã-n bǎã mɛn nɛ gána lɛ nɛ, ma á re ǹ tumaa lui, a saa diə gole kɛ ganaa, a wo Dibla kiwi yaa. Ǹ tá re doɛ̃ ka bɛ lɛ-n kəni, mà ma din nə Dɛnaa Lawa lɛa.

Ozee 7:10

Izirayeli tɔrɔn din gole kɔ kɛ lɛ n toɛ min nə ǹ dɔ̃. Sɛnɛ, ǹ lɛ kɔ ǹ nə́ wusoo ǹ nə́ daa Dɛnaa Lawa, ǹ Lawa li wa. A laanɛ siin kɛn lɛn tumaa nə́ ǹ yɛ, ǹ ga ma li wa.

Amɔɔsi 4:10

Má busu babaraa dia ka la, ka busu kɛ bɛ́ lɔn ma dia Ezipti. Má toa ǹ nə́ kaa nɛ tenən dɛ zia la, ǹ nə́ kaa ziabaa ǹ sùin si ka la. Kaa piɛ, má toa geren kɛn gìĩ kaa ka nyin ni. Sɛnɛ, a laan bɛ yii ni, ka wusoo ká daa ma li wa. Dɛnaa Lawa a da ǹ boo ne.

Amɔɔsi 4:11

Má bɔ̀n da ka ganaa, ká ma goã má da Sodɔmu laanka Gomɔɔrɔ ganaa lɔn lɛlɛ. Ka n ka tɛ gɔn lɛ bɛ́ lɔn, ǹ nə́ bɔ ǹ nə́ bɔ tɛ-n. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Amɔɔsi 4:6

Ma din nə má toa bòo wɔ kaa kiwin tumaa nɛ, ma din nə má toa màn-bii wɛɛ̃ kɔ kaa kionən tumaa nɛ. Sɛnɛ a laan bɛ yii ni, ka wusoo ka daa ma li wa. Dɛnaa Lawa a da ǹ boo ne.

Amɔɔsi 4:8

Minin man soe kiwi kɛ-a, ǹ wo kɛ nɛ, ǹ nə́ tatalɛ, ǹ nə́ giɛ mi ǹ mu li, sɛnɛ, ǹ mu yɛ ǹ nə́ mi, á ǹ bɔ wa. A laan bɛ yii ni, ka wusoo ka daa ma li wa. Dɛnaa Lawa a da ǹ boo ne.

Amɔɔsi 4:9

Ma din nə má gìa laanka doloka kaa kaa màn kɔsiɛn ganaa. Bisinin nə́ kaa dù gɔ̀rɔ gɔ́ɔ̃ màn damata kɛ sɔ̃, kaa *rezɛ̃ dan nɛ, kaa gɔ́rɔ dan laanka kaa *olivie dan nɛ. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Sofonii 1:6

Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Sofonii 3:2

A n too kɔ min kɔn a bii wɔ li wa. A n too kɔ min kɔn a doroo li wa. A n foo doa Dɛnaa Lawa ganaa wa. A n mɔrɔ a Lawa ganaa wa.

Timəə dí-pɛn 31:17

Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»