Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 8:8 - LAWA A BOO SONBORE

8 A n die piɛ̃ a toɛ̃, a Zudaa gána kũ yǎa a bɔlɔ-a. Á re n daɛ n bǎã tumaa la, a n gána tumaa si a n kɔ lɛ, Emanuwɛli.

အခန်းကိုကြည့်ပါ။ ကော်ပီ

LAWA A BOO SONBORE 2011

8 A n die piɛ̃ a toɛ̃, a Zudaa gána kũ yǎa a bɔlɔ-a. Á re n daɛ n bǎã tumaa la, a n gána tumaa si a n kɔ lɛ, Emanuwɛli.

အခန်းကိုကြည့်ပါ။ ကော်ပီ




Izayii 8:8
22 ပူးပေါင်းရင်းမြစ်များ  

Asiirii gána a kii Salmanazaara woo Ozee gialaa, Ozee ná a wɔ da Salmanazaara wɔ gɔ́ɔ̃ nɛ, á nyin giɔ̀mɔ saraa la.


Zudaa gána kiwin mɛnɛn bɛ́ tamaa nɛ, á bɛn tumaa kũ á dɔ yǎa Zeruzalɛmu.


Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.


A lɛ gɔ́ɔ̃ ǹ piɛ̃-n ka mu tii bɛ́ lɔn, á pã á toɛ̃ á dii yǎa bɔlɔ ganaa. A n die bìn diɛ tɔrɔn ganaa, a ǹ ziziɛ̃, a karfɔ wɔ ǹ lɛ-n, a ǹ baã a wo ǹ ne bǎã mɛn bɛ́ ǹ ba li ǹ wo a-n wa.


Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.


Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".


Sɛnɛ, nsɛ, Dɛnaa Lawa n die koe baraa diɛ n la, n tɔrɔn nɛ, ka n kion minin ni, koe mɛn bɛ́ a miã tɔn yɛ wa, a kũ Efrayimu gána laanka Zudaa gána a na kɔn waáraa kɛ ganaa. Koe lɛ a daa ǹ gòã n die boe Asiiriin kii li.»


Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.


Dɛnaa Lawa boo mɛn da á ke: Mu gole n boe gɔsɛ a lɛ̀gɔn la die. Á mu zii baa, á pã á toɛ̃. Á n kɔ gána lɛ tumaa lɛ, màn mɛn tumaa bɛ́ a nɛ, a kiwin ni ka a minin ni. Minin man gú diɛ, gána lɛ a min tumaa n gɛ̀ loe loe.


Dɛnaa Lawa n kɛ pii: «Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Moabu kiwi lalan.»


Yìsi mu na á yoo Baabilonii gialaa, A gùrù lɛ-a mu ke bɛ̀ á yoo lon, a n gini, bɛ́ daa n kɔ lɛ.


A pɛ ǹ nɛ, mà Dɛnaa Lawa n kɛ pii: Giogialatã-a gole ne, a nyàan nə́ dadara kɔ, a nyàa kan nə́ sɔsɔrɔ kɔ, á ka pã ka kɛkɛ, a ka lɛ n sɛsia wɔkaka. A na á daa Liban kele la, á da kaka kɛ goon mìi na,


«A giala, masɛ Dɛnaa Lawa n kɛ pii: Man die n biɛ kɛbɔlɔ lɛa, goon ka kiwi-soen kɛn nɛ, ma yìsi mu kɛ da yoo ganaa, a da kɔ n lɛ.


A giala, sii mɛn bɛ́ die Samarii ganaa, a lɛ goa ǹ gɔn banban. Á ke á dɔ Zudaa gána dɔ din ganaa, á woo yǎa ma tɔrɔn kɛn kiɛnlɛ-a, yǎa Zeruzalɛmu kiwi.


Ǹ tá re Asiirii gána kɛ lɛduĩ ka ziabaa ǹ gɔya nɛ, Nimɔrɔdi a gána kɛ lɛ, ǹ tá re a minin lui ka sɛmiɛ̃ nɛ, bɛ̀ ǹ wo ǹ koa ǹ kiɛnlɛ-a. Bɛ̀ Asiirii minin lɛn nə́ wɔ wɔa wɔ lɛ nɛ, bɛ̀ ǹ nə́ wɔ wɔa gána nɛ, a din lɛ á re wɔ sii ǹ la.


«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ