Izayii 8:7 - LAWA A BOO SONBORE

⁷ Bɛ lɛ nɛ, masɛ Dɛnaa n die Efrati tà mu gole kɛ diɛ ǹ la, bɛ giala mà Asiiriin kii laanka a pàã. Efrati tà lɛ n die piɛ̃, a toɛ̃, a n da bǎã yii la.

LAWA A BOO SONBORE 2011

⁷ Bɛ lɛ nɛ, masɛ Dɛnaa n die Efrati tà mu gole kɛ diɛ ǹ la, bɛ giala mà Asiiriin kii laanka a pàã. Efrati tà lɛ n die piɛ̃, a toɛ̃, a n da bǎã yii la.

Izayii 8:7 ပူးပေါင်းရင်းမြစ်များ

Siin Giala 6:17

Man die die ka bɔ̀n da ǹ mu gole-n tán, ma màn yiikoonaa tumaa bɔ̀n baa nɛ. Màn woo màn tán la, ǹ tumaa á re giɛ̃.

Kiin2 19:32

Bɛ lɛ nɛ, Dɛnaa Lawa n kɛ pii, Asiirii a kii lɛ wɔ paǹ li: A ba re we kiwi kɛ-n wa. A ba re kiɛ zuĩ a-n wa. A ba re zia diɛ a-a ka goóro-n wa. A ba re tii diɛ kɔn la a lɛ a wa.

Ɛsidrasi 4:10

ka tɔrɔ gialakunun kɛn nɛ, Asinaapaara yii guguru-a gole kɛ nə́ ǹ goa á woo ǹ kaa Samarii gána a kiwin kɛn nɛ, ka bǎã kɔsɔn dɔn nɛ, Efrati tà kɛ a lɛ̀nyɛɛn gɔn la, mà ǹ giã walan.

Loen 46:4

haalɛ ta kɔ̀ mu wuu n boe, á n kaã boe, á n yui á n bìn diɛ kelen ganaa. *Doa.

Loen 72:8

N din toa, a kiibaa lɛ goã gána lɛ mìi la, a bɔ kɔ̀ goon ganaa, a wo dɔ goon kɔsɔ dɔ ganaa. Toa a bɔ Efrati tà kɛ ganaa, a wo dɔ kanaa lɛ-doa ganaa.

Izayii 10:16

Bɛ lɛ taman yii, Dɛnaa Lawa Pàãyiidɛnaa á re a zia-baali kasiɛ̃ wolen kɛn pɛrɛ. Ǹ siĩnbaa gɔ́ɔ̃ nɛ, tɛ n die yui ǹ ganaa girigiri.

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 11:15

Dɛnaa Lawa á re Ezipti tà diɛ piɛ̃ ganaa. Á re parɛɛ Efrati tà li, a n gɔn pepere li. A n die niɛ̃ kɔn gùrù sɔbaa ka a boo sii la pàã nɛ, minin nə boo la ǹ kiɛ̃ a nɛ ka ǹ gòã nɛ.

Izayii 28:15

Ka ǹ pii: «Wɔ́ lɛ kɔ kɔn la wɔ ka gɛ̀ nɛ, wɔ́ lɛ kɔ kɔn la wɔ ka geren ne. Bɛ̀ koe daa, a re wɔ yii wa. A giala, soɛ n wɔa mìi duru ǹ bǎã lɛa, màn mɛn bɛ́ a taãn lɛa wa, bɛ n wɔa duru ǹ bǎã lɛa.»

Izayii 28:17

Peperebaa n die goɛ̃ maa màn zɔ́ɔ̃ ǹ màn lɛa, kiri pepere n die goɛ̃ maa biɛ nàn lɛa.» La gii á re kaa minin sã ǹ mìi duru ǹ bǎã kɛ ziziɛ̃. Mu á re n koe kaa duru ǹ bǎã kɛ lɛ.

Izayii 28:2

Min kaka n ke, pàã ná a lon, Dɛnaa n bɛ lɛ diɛ. A na á kɔnbɔ ka la nɛ, kiɛ ka gii ni, basaã koe, la gole lɛa a mu bǎã tumaa si á n kɔ lɛ. Bɛa min kɛ n màn tumaa ziziɛ̃ ka pàã nɛ.

Izayii 43:2

Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.

Izayii 59:19

A kũ lɛ̀nyɛɛn ganaa min tumaa á re Dɛnaa Lawa tɔ guguru koe, a wo lɛ̀giala yaa, ǹ tumaa á re a tɔ a gugurubaa doɛ̃. Dɛnaa Lawa n die die ka mu tii bɛ́ lɔn nyankɔrɔ basa nɛ, piɛ̃ n noɛ̃ die ne.

Izayii 7:17

Sɛnɛ, nsɛ, Dɛnaa Lawa n die koe baraa diɛ n la, n tɔrɔn nɛ, ka n kion minin ni, koe mɛn bɛ́ a miã tɔn yɛ wa, a kũ Efrayimu gána laanka Zudaa gána a na kɔn waáraa kɛ ganaa. Koe lɛ a daa ǹ gòã n die boe Asiiriin kii li.»

Izayii 7:20

Bɛa pinaa kɛ nɛ, Dɛnaa n die kùn dɔnbii Efrati tà paǹ goon minin kɛn la. Bɛ n ka Asiiriin kii ni. Á re ka ka tumaa koɛ̃, ka mìi ka nɛ, ka ka lɛtoro ka dɔ din ni.

Zeremii 47:2

Dɛnaa Lawa boo mɛn da á ke: Mu gole n boe gɔsɛ a lɛ̀gɔn la die. Á mu zii baa, á pã á toɛ̃. Á n kɔ gána lɛ tumaa lɛ, màn mɛn tumaa bɛ́ a nɛ, a kiwin ni ka a minin ni. Minin man gú diɛ, gána lɛ a min tumaa n gɛ̀ loe loe.

Zeremii 51:42

Yìsi mu na á yoo Baabilonii gialaa, A gùrù lɛ-a mu ke bɛ̀ á yoo lon, a n gini, bɛ́ daa n kɔ lɛ.

Ezekieli 26:19

«A giala, masɛ Dɛnaa Lawa n kɛ pii: Man die n biɛ kɛbɔlɔ lɛa, goon ka kiwi-soen kɛn nɛ, ma yìsi mu kɛ da yoo ganaa, a da kɔ n lɛ.

Amɔɔsi 8:8

Bɛ lɛ n ke, tán tá re bìn diɛ. Gána lɛ a minin tumaa á re gɛ̀ wuu pii. Tán tumaa á re yui lon bɛ̀ a gisĩ, ka Niili tà kɛa mu bɛ́ lɔn, bɛ̀ a pã a toɛ̃. Tán tá re wusii a da a bǎã nɛ ka bɛa tà kɛ lɛ a mu bɛ́ lɔn.

Amɔɔsi 9:5

Bɛ̀ pàã tumaa a Dɛnaa Lawa nə́ n gɔn da tán lɛ ganaa lɔn gɔrɔ a n bìn diɛ. Min tumaa nə n duwi. Tań lɛ tumumaa n yui ka Niili tà kɛa mu bɛ́ lɔn, a wusoo bɛ̀ a waa, ka bɛa tà lɛ a mu bɛ́ lɔn.

Misee 1:9

A giala, sii mɛn bɛ́ die Samarii ganaa, a lɛ goa ǹ gɔn banban. Á ke á dɔ Zudaa gána dɔ din ganaa, á woo yǎa ma tɔrɔn kɛn kiɛnlɛ-a, yǎa Zeruzalɛmu kiwi.

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Misee 5:5

Ǹ tá re Asiirii gána kɛ lɛduĩ ka ziabaa ǹ gɔya nɛ, Nimɔrɔdi a gána kɛ lɛ, ǹ tá re a minin lui ka sɛmiɛ̃ nɛ, bɛ̀ ǹ wo ǹ koa ǹ kiɛnlɛ-a. Bɛ̀ Asiirii minin lɛn nə́ wɔ wɔa wɔ lɛ nɛ, bɛ̀ ǹ nə́ wɔ wɔa gána nɛ, a din lɛ á re wɔ sii ǹ la.

Nahumu 1:8

Sɛnɛ a n die Ninivu yui lenlen ka mu gole ne. A na a zɔ́ɔn papaɛ̃, a nə́ ǹ kiɛ wɔlɔ tì biribiri li.

Luku 6:48

Bɛa min lɛ n kɔnboe ka kion-dɔle goon ne. A ná a yala fɔ̃ á zuzulu kɔ yǎa tataã ganaa, á tɔ́n kion lɛ gòã daa. Mu tii wɔ, mu toɛ̃ á daa kion lɛ ganaa, sɛnɛ, a boo la á kion lɛ kaa wa, a giala kion lɛ a doe bǐɛ̃ kɔ.

Sii-nyaan 17:15

Lon a dia dí-a wole lɛ tɔ́n pɛ ma-n doo: «N mun mɛnɛn tumaa yɛ naarɛbaali kɛ a giã ǹ bǎã nɛ, bɛn man gánan minin lɛa, ka zaman nɛ, ka tɔrɔn nɛ, ka bɔlɔ totoro pɛlen ne.