Izayii 8:19 - LAWA A BOO SONBORE

¹⁹ Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,

LAWA A BOO SONBORE 2011

¹⁹ Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,

Izayii 8:19 ပူးပေါင်းရင်းမြစ်များ

Siin Giala 41:24

Belee san bɛbɛnɛɛn lɛn ná a sonbore dadaran lɛn mui. Má pɛ kɔlɔn-baalin ni, sɛnɛ, min kɔ́n boo la, a ná a binyəə pɛ ma-n wa.»

Kiin2 1:3

Sɛnɛ Tisibu min Yilii lɛ, Lawa a boo gii-dali lɛa, Dɛnaa Lawa a lon a dia dí-a wole goon pɛ bɛ nɛ, mà a wo n da Samarii gána a kii a dia dí-a wolen lɛn lɛ, a pɛ ǹ nɛ kɛnɛn: – Lawa na a banban Izirayeli gána nɛ ka tá nɔ̀n diɛ la wa, yǎa ka woe Ekrɔn kiwi a dì Baali-Zebubu li?

Kiin2 21:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔn-baa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Kiin2 23:24

Min mɛnɛn bɛ́ nyín bíi, ka min mɛnɛn bɛ́ boobaa ǹ dí nyɛɛ, Zoziasi bɛn dɛ, á kion lɛduə̃ ǹ dìn papaã ka dì tɔrɔ kɔsɔn nɛ. Sii bɔbɔnɛɛ mɛn tumaa goã n zɛnɛɛ Zudaa gána laanka Zeruzalɛmu kiwi, Zoziasi bɛn dɔn papaã. A na á baa miɛ̃, màn mɛn bɛ́ toɛ, a dí-pɛn lɛ pã. Bɛa dí-pɛn lɛn man kiɛ̃-n sɛ́wɔ kɛ nɛ, Lawa a wúlu-bɔle Ilkia goã á yɛ Dɛnaa Lawa a kion.

KZS1 10:13

Sayulu lɛ na á gã, a giala a na á bɔlɔgoonbaãdɛnaa baa Dɛnaa Lawa wɔ paǹ li. A na a kɔ Dɛnaa Lawa a dí-pɛn lɛ ka a yɔrɔ-n wa. Á goã dinin á kanbaa Lawa la á woo gere nyin bii á nɔ̀n da la. Bɛ lɛ nɛ Dɛnaa Lawa toa á gã, a ná a kiibaa lɛ saa á kɔ Zesee a nɛgiĩ Davida la.

KZS2 33:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔnbaa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Loen 106:28

Ǹ bɛ́ ǹ nə́ dɔ Pewɔrɔ gána dɔ nɛ, ǹ nə́ woo ǹ dinin kɔ bɛ dɔ a dì kɛ la, a tɔ n *Baali. Ǹ nə́ geren zɔ́n wúlu mànan sɔ̃ walan.

Izayii 19:3

Ezipti minin foo á re ziziɛ̃. Ǹ sii yɔrɔ bɔn kɛn, ma á re bɛn lɔloɛkɔn. Ǹ tá re woe n lɛ koɛ dìn li, dagòãdɛnan nɛ, nyín-biilin ni ka wɔ-kulin ni.

Izayii 26:14

Bɛa mìinaan lɛn nə́ gã, ǹ ba re yui doo wa. Maǹ nyínin lɛa sisia, ǹ ba yui doo wa. N nə́ ǹ bɔ̀n baa, yiri a goɛ̃ ǹ nɛ doo wa.

Izayii 29:4

N tá re mɛnɛɛ, n lɛn nə die goɛ̃ ka a n boe nyankɔrɔ zuzulu ni. Gusuũ a re toɛ n lɛn ma wa. A n ka a n boe tán giulun, ka nyín-biili lɛn bɛ́ lɔn, boo diɛ gusuũ li.

Izayii 30:2

Ká zii saa ka n woe Ezipti, sɛnɛ, ka nɔ̀n da ma la wa. Ka ǹ zoɛ̃ li mà Eziptin kii *Faarahɔn ka tamaa. Ka ǹ giɛ mìi susu ǹ bǎã li a gána nɛ!

Izayii 45:11

Dɛnaa Lawa, Izirayeli a Lawa sonbore n kɛ pii, asɛ mɛn na a zaman zɛnaa: Ka n zoɛ̃ li ka nɔ̀n da ma la ka biɛ̃ ǹ siin ni? Ka dí-pɛn kɔ ma la maa nɛnyaanan wɔ paǹ li? Hinlaa ma mànan mɛnɛn zɛnaa ka ma gɔn nɛ ka ǹ nɔ̀n diɛ bɛ nɛ?

Izayii 47:12

N gɔn doa wɔ-kũlin laanka bòon ganaa. A kũ n tenmaa waáraa ganaa, n nə n din nɔmaa ǹ ganaa. Kɔntan, a là á re goɛ̃ n ganaa, hinlaa n tá re boe la n nyɛ́ɛ da min kɔsɔn ganaa nɛ!

Izayii 47:13

Ń nɔmaa doroo damata gɔn. Min mɛnɛn bɛ́ giɛ lon gɔ̀nɔn ganaa, ǹ nə́ lieren siin yɔrɔ pii, siin mɛnɛn bɛ n zɛnɛɛ mui li mui li, bɛ̀ ǹ bɛ pɛ n nɛ, ǹ kiɛ̃ ǹ da n kirisibaa kəni!

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Zeremii 27:9

Kasɛn, ka nyan nə n too kɔ kaa Lawa a boo gii-dalin lon wa, ǹ mɛnɛn bɛ́ biɛ̃ ǹ pii, narɛɛ giala-pɛlen ne, lon gɔ̀nɔn ganaa pɛlen ne, ka kɔ́lɔnbaalin ni. Maǹ pii ka nɛ, mà ka a re goɛ̃ Baabiloniin kii a pàã kɛ giulun wa.

Lawa a wúlu-bɔlen 19:31

Ka baran boobaa ǹ sii zɛnaa wa, ka baran wo kaa sii ni boon kion wa. Bɛ̀ ka bɛ zɛnaa, bɛ lɛ n *gɔ̀ diɛ ka ganaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 20:6

Bɛ̀ min mɛn woo gere nyín bíi boon kion, a n goon ka ǹ dɛnaa na á dì wúlu bɔ. Bɛ̀ min mɛn bɛ zɛnaa, masɛ á die n bɔyɛɛ man yɔrɔ da bɛ la, ma bɔ ma bɔ maa tɔrɔ minin bii.

Misee 5:12

Kaa dìn laanka kaa tíĩn kɛn, ma á die bɛn wurii ma ǹ bɔ ka bii. Ka dinin nə mànan mɛnɛn zɛnaa ka ka gɔn nɛ, ka a die kiɛ tán bɛn giulun doo wa.

Nya ǹ dín 16:16

Ǹ kɔ́n pinaa wɔ bɛ́ woe Lawa nyankɔ ǹ bǎã nɛ, bɛ̀rɛlɔ goon daa n da wɔ lɛ. Nɔ̀ɔnɔn man a ganaa, a n wɔkuĩ. A bɛ́ min mɛnɛn bɛ̀rɛ lɛa, a wɔ-kũ ǹ dí na á goã là gole we bɛn lon.

Timəə dí-pɛn 18:10

Min nyan yɛ ka bii, á n wúlu boe ka a nɛgiĩ hinlaa ka a nɛlɔ-n wa. Min nyan yɛ ka bii, a n wɔ-kũlibaa ǹ dí hinlaa boobaa ǹ dí nyɛɛ wa. A nyan yɛ ka bii min lɛa giɛ siin ganaa a ná a giala pii, hinlaa kɔnkoã lɛa wa.

Timəə dí-pɛn 18:11

A nyan yɛ ka bii paa-kaali, kɔ́lɔnbaali lɛa, hinlaa nyín-biili lɛa wa.

Tesaloniki1 1:9

A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

Piɛrɛ2 2:1

Lawa a boo gii-dali soɛ-bɔlen nə́ yɛ lɛlɛ zaman lɛ bii. A din yɔrɔ goon lɛ la, minin-daraali soɛ-bɔlen tá re yii ka dɔn bii, ǹ tá re die ka durii ni, ǹ minin papaã ǹ soɛ boon da ka bii. Á woe dinin ǹ tá re n piɛ̃ ka Mìinaa lɛ nɛ, Mìinaa mɛn din nə ǹ kirisibaa. Maǹ die bɔ̀n baɛ̃ ǹ da ǹ dinin mìi ni, bɔ̀n mɛn dɔ din a daa a die beleboe wa.

Samayeli1 28:11

Lɔ lɛ nə́ n toa: «Ma n giɛ li ma die nyín bíi ma kɔ n la?» Sayulu pɛ mà a Samayeli bíi.

Samayeli1 28:16

Samayeli tɔ́n pɛ nɛ: «Sɛnɛ, wàa na á baa n tá nɔ̀n diɛ masɛ la n din dɔn doɛ̃ mà Dɛnaa Lawa nə́ n bɔ n li, á n baa a zɔ́ɔ lɛa.

Samayeli1 28:7

Sayulu pɛ a dí-nyalin manɛ: «Lɔ mɛn nə́ ke boobaa ǹ dí nyɛɛ, ka ga bɛ li, ma die ma wo n gɔn koa la.» A dí-nyalin lɛn nə́ pɛ nɛ mà lɔ goon tá Ɛn-Dɔɔrɔ kiwi, nyín bíi.

Samayeli1 28:8

Sayulu mɔnaa kɔsɔn wɔ a din ganaa màn mɛn bɛ́ toɛ, ǹ fɔ̃ a ganaa. Á woo kun ka giĩ min paa nɛ, ǹ nə́ dɔ lɔ lɛ li tèlò-n. Sayulu pɛ lɔ lɛ-n kɛnɛn: «Ma bɛ́ re min mɛn pii n ni, bɛ nyín bíi.»