Izayii 8:14 - LAWA A BOO SONBORE

¹⁴ Dɛnaa Lawa n duru ǹ bǎã lɛa, a n kɔlɔ lɛa Izirayeli gána màn paa kɛ nə n gòã niɛ̃ a ganaa, a n minin boe ǹ daɛ. A n die kan biɛ Zeruzalɛmu minin ganaa.

LAWA A BOO SONBORE 2011

¹⁴ Dɛnaa Lawa n duru ǹ bǎã lɛa, a n kɔlɔ lɛa Izirayeli gána màn paa kɛ nə n gòã niɛ̃ a ganaa, a n minin boe ǹ daɛ. A n die kan biɛ Zeruzalɛmu minin ganaa.

Izayii 8:14 ပူးပေါင်းရင်းမြစ်များ

Loen 11:6

Á re kiribi tɛdɛnaa kiɛ min baraan kɛn la. Piɛ̃ mɛn bɛ́ min tiɛ̃, bɛ á re ǹ wɔ gii biɛ.

Loen 140:5

Dɛnaa Lawa, n nyan toa min baraan kɛn gɔn dɔ ma-a wa. Ma kanbaa min kakaarɛn kɛn ganaa, bɛn mɛnɛn bɛ́ giɛ maa bɔ a daa ǹ gɔn li.

Loen 69:22

Bɛ̀ ma á màn bii, maǹ sèwò baraa kiɛ li, bɛ̀ ma á giɛ mu li, maǹ yɔ pipiã koe ma la.

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Izayii 25:4

a giala, ń pàãwɛɛnaan mìi duru ǹ bàã baa, ma n doobaan tamɛɛ fuu biikoo li, ma n mìi duru ǹ bǎã lɛa la giulun, ma n wúlu lɛa wasa li. Taãn nɛ, min kakarɛn foo yoo n ka la bɛ́ lɔn kungɔn ganaa,

Izayii 26:20

Maa zaman, wo piɛ, n nə n kiɛnlɛn tã n kio. N duru boɛɛnɛ, n toa Dɛnaa Lawa a foo-yoo kɛ kiɛ̃.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 4:6

ka siã bɛ́ lɔn, wúlu koe penleen sɛ̀fuu biikoo li. A n die mìi duru ǹ bǎã biɛ piɛ̃ gole nyɛɛnɛ ka la nɛ.

Izayii 59:10

Wɔ ǹ tɔ we ka yii tere-an bɛ́ lɔn, wɔ nə n gɔnɔn tatalɛɛ kigiala gɔ̀nɔn ganaa. Wɔ ǹ woe wɔ mìi gialaa ka min mɛn bɛ́ a yii ná a banban. Penleen, wɔ nə n gòã niniɛ̃ ka tèlò bɛ́ lɔn. Wɔ ǹ kakabaa la, sɛnɛ, wɔ ǹ wɔ kɔnbɔ ka geren ne.

Izayii 7:16

Nɛnyaan lɛ laan bɛ̀ a n sii baraa laanka sii sonbore bɔkɔnlɛ doɛ̃, kii màn paan kɛn lɛn nyɛ́ɛ diɛ n ganaa, ǹ zaman tá re ǹ gánan toɛ walan.

Zeremii 6:21

Dɛnaa Lawa bɛ́ boo mɛn diɛ, á ke: Man die màn koɛ tán zaman kɛ nyɛɛnɛ, a ǹ bɔ a ǹ kaa. Ǹ tumaa á re giɛ̃ kun, díin laanka nɛnyaanan nɛ, miãkɛn laanka giaáran nɛ.

Ezekieli 11:16

Bɛ lɛ taman yii, Dɛnaa Lawa mà ma kɛ pɛ ma nyaa goa wolen lɛn manɛ: Má woo ka nɛ tɔrɔ kɔsɔn bii sɔsɔɔ, má ka pɛsɛ̃ gána kɔsɔn nɛ, a laan bɛ yii ni, ma á kun ka nɛ walan, ka maa kion kɛ n kun ka ka nɛ.

Ezekieli 3:20

A din yii goon ne, bɛ̀ min pepere dɔ ná a peperebaa kaa, á n sii kɔkɔrɔ zɛnɛɛ, a giala mà má n da a gɔ̀ɔ̃ li, ma á re dii a sã lɛ taman yii a gã. Bɛ̀ n nə n gɔn waa-n sɛn wa, a n die giɛ̃ a sii baraan lɛn taman yii. A sii peperen mɛnɛn zɛnaa lɛlɛ, ma bie re giɛ bɛn ganaa wa. Sɛnɛ, man die a gɛ̀ lɛ a sii diɛ n din mìi ni.

Matiə 13:57

Bɛ lɛ na á toa, ǹ nə́ n piã nɛ. Yezu tɔ́n pɛ ǹ nɛ: «Lawa a boo gii-dali yii a puusə koe bǎã kɔ́n nɛ wa, bɛ̀ á n bɔ a din a yɛ ǹ kiwi laanka a din a kion ne.»

Matiə 21:44

Bɛ̀ min mɛn bɔ á mɛnaa bɛa kɔlɔ kɛ lɛ la, ǹ dɛnaa gù yii n yiyiɛ. Bɛ̀ á bɔ á mɛnaa min mɛn la, a n bɛa dɛnaa yɔyɔrɛ.]

Luku 2:34

Bɛ kio, Simiɔn ná a nyankɔ Lawa lon, mà á barka wɔ ǹ nɛ, á tɔ́n pɛ nɛ lɛ dan Mariya nɛ: «Lawa na á nɛ kɛ lɛ bɔ á dia, á n die Izirayeli min gigiã a mɛnaa a bɔ̀n baa ǹ gòã biɛ, a gigiã dɔ a yoo a kirisibaa ǹ gòã baa. Nɛ lɛ n die Lawa foo dí-nyaali biɛ, sɛnɛ, minin man die n piɛ̃ nɛ, ǹ boo baraa dɔ a ganaa.

Luku 21:35

lɛawaa mɛn bɛ́ re die kirii kanaa min din tumaa la, ka kan a màn kũ bɛ́ lɔn.

Rɔmu minin 11:35

Hinlaa «Die ne, mà asɛ na á màn kɔ Lawa la lɛlɛ, sɛnɛ, mà a ná a tɔn bɛ dòo saraa asɛ la wa? Min kɔ́n!»

Zozoe 10:7

Zozoe nə́ n toa Gilgaali á woo, a din laanka zia-baali zaman lɛ tumaa nɛ, kun ka zia-baali foo taãnaan lɛn tumaa nɛ.

Piɛrɛ1 2:8

Ka bɛ dɔ-n doo, gòã na ma ganaa ǹ kɔlɔ nɛ, minin daa ǹ gɛ̀fu ni.» Golee Lawa li baãnaan lɛn manə n gòã niɛ a ganaa, a giala, ǹ nə́ n piã, ǹ ba golee Lawa a boo li wa. Lawa na á bɛ lɛ yɔrɔ bɔ ǹ lɛa lɛlɛndun.