Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 8:13 - LAWA A BOO SONBORE

13 Ka doamaa-n ka dɔ̃, mà Dɛnaa Lawa Pàãyiidɛnaa din nə sonbore. Ka doamaa-n ka nyɛ́ɛ baa a din yii ni, ka doamaa-n ka a din guguru kɔ.

အခန်းကိုကြည့်ပါ။ ကော်ပီ

LAWA A BOO SONBORE 2011

13 Ka doamaa-n ka dɔ̃, mà Dɛnaa Lawa Pàãyiidɛnaa din nə sonbore. Ka doamaa-n ka nyɛ́ɛ baa a din yii ni, ka doamaa-n ka a din guguru kɔ.

အခန်းကိုကြည့်ပါ။ ကော်ပီ




Izayii 8:13
18 ပူးပေါင်းရင်းမြစ်များ  

Abrahamu laanka Nahɔɔrɔ a Lawa, ka digolon lɛn Lawa lɛ die a kiri kuru wɔ bii.» Zakɔba nə́ n liɛ ka Lawa nɛ, ǹ di Izaaki bɛ́ nyɛ́ɛ biɛ Lawa mɛn lɛ nɛ.


Zakɔba a Lawa, n bɛ́ ń nə́ n lɛn baraa bɔ ǹ li, sùin laanka ǹ dabaalin gù gã.


Muizu pɛ zaman lɛ nɛ: «Ka baran nyɛ́ɛ baa wa. A giala, Lawa na á daa n da ka gɔ́ɔ̃ li, màn mɛn bɛ́ toɛ, nyɛ́ɛ baa a din ni goã ka foo ne, ka baran sii baraa dɔ zɛnaa wa.»


A giala, ma bɛ́ re sii mɛn zɛnɛɛ ǹ bii, ǹ dinin laanka ǹ nɛnyaanan tá re bɛ yii. Ka bɛ-n kəni, ǹ tá re ma tɔ boe. Ǹ tá re doɛ̃ mà Zakɔba a Lawa kɛ á sonbore, ǹ tá re nyɛ́ɛ biɛ Izirayeli a Lawa kɛ yii ni.


Dɛnaa Lawa Pàãyiidɛnaa á re gugurubaa yii a kiri wɔ gɔ́ɔ̃ nɛ. Lawa sonbore na a sonborebaa nyɛɛ, a peperebaa zɛnaa gɔ̀ɔ̃ nɛ.


N tá re die maa zaman Izirayeli minin lɛn gialaa, n kɔ n lɛ ka labara bɛ́ lɔn. Bɛ n die n zɛnɛɛ biikoo giala nyɔmiɛ̃ waáraa. Ma á re nsɛ Gɔgu diɛ, n wo maa gána minin lɛn gialaa, màn mɛn bɛ́ toɛ, tɔrɔ kɔsɔn nə maa Lawabaa dɔ̃.


Muizu tɔ́n pɛ Aarɔn nɛ: kɛ lɛ a lɛa nɛ, Dɛnaa Lawa tɔ́n boo da á pɛ kɛnɛn: Min mɛnɛn bɛ́ n mɔrɛ ma ganaa, man li, bɛn nə maa Lawabaa kɛ dɔ̃, man li máa ǹ ma guguru kɔ zaman kɛ tumaa yɔrɔ-a. Aarɔn nə n lɛ da boo-n wa.


Ka nyan toa ka masɛ tɔ sonbore kɛ ziziɛ̃ wa. Man giɛ li, ka dinin Izirayeli minin lɛn nə masɛ a Lawabaa kɛ dɔ̃. Masɛ Dɛnaa Lawa din ni má ka bɔ, má ka baa ma din a minin lɛa.


Bɛa lɛ kɔ kɔn la kɛ lɛ taman yii, ma nyin kɔ la ka yii-nyɛɛ nɛ, man má ǹ kɔ la ma a ma guguru kɔ, a nyɛ́ɛ baa ma yii ni ma tɔ á golebaa taman yii.


A giala, ka masɛ bɔlɔ tii Sini diə gole ne. Zaman lɛ bɛ́ giɛ masɛ lɛ li ǹ mɛn waáraa, ǹ nə́ nɔ̀n diɛ mu li, ka nyaa Izirayeli minin lɛn manɛ, mà ma din lɛ n Lawa taãn lɛ lɛa wa.» Sii mɛn nə goã á n zɛnaa Kadɛsi, Sini diə gole ne, Meribaa mu kɛ wɔ paǹ li, bɛa boo n ke.


Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.


Masɛ n die min nyɛɛ ka nɛ, ka doamaa bɛ́ nɛ ka nyɛ́ɛ baa min mɛn nɛ. Ka nyɛ́ɛ baa Lawa nɛ. Bɛ̀ Lawa min dɛ, pàã tá a lon a na a telenboen zũ tɛ-n. Bɛ lɛ nɛ, ma á pii ka nɛ, máa ka doamaa nɛ ka nyɛ́ɛ baa Lawa nɛ.


a gɔ́ɔ̃ dɔ nə n lonlankɔ Lawa a lɛ kɔ ǹ boo kɛ lɛ wɔ gɔn la wa, á golee Lawa li ka foo-doa nɛ, a ná a tɔ bɔ.


Kaa Lawa, Dɛnaa Lawa din bǎã mɛn bɔ á n tɔ da la, ka kaa mànan fùbaa ǹ wɔ lɛ bii a yɔrɔ-a walan: *belee ne, duvɛ̃ nɛ, nyɔɔ nɛ, ka kaa tɔɔ dadaran laanka a bisinin kɛn nɛ bibinaan nɛ. Bɛ lɛ n die toɛ ka nyɛ́ɛ baa kaa Lawa, Dɛnaa Lawa yii ni lɛawaa tumaa li.


Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»


Sayulu dii màn paa kũ, á ǹ dɛ, á ǹ kakã. Min mɛnɛn nə da boo lɛ pɛ, á siĩ kukurii lɛ kɔ ǹ la, ǹ nə́ woo ne Izirayeli a bǎãn yii ni. Á pɛ ǹ nɛ dɔn, mà ǹ pɛ mà min mɛn bɛ́ a ba re koe Sayulu laanka Samayeli lɛ a wo zia la wa, mà maǹ die ǹ dɛnaa a diin dii n nə ǹ kakã kɛnɛn. Nyɛ́ɛ zaman lɛ kũ parsiini. Ǹ nə́ yoo ǹ nə́ ǹ wɔ yii kɔn ǹ nə́ woo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ