Izayii 7:21 - LAWA A BOO SONBORE

²¹ Bɛa waáraa kəni, didie n die dii dan goon toe ka bòe màn paa nɛ.

LAWA A BOO SONBORE 2011

²¹ Bɛa waáraa kəni, didie n die dii dan goon toe ka bòe màn paa nɛ.

Izayii 7:21 ပူးပေါင်းရင်းမြစ်များ

Izayii 14:30

Doobaan tá re màn-bii yii, nɔmaa wolen tá re wɛɛ tán n yiri ǹ bǎã goon ne. Sɛnɛ kasɛn Filisiti minin kɛn, bòo á re ka dii. Kaa min mɛnɛn yii goã koo, ǹ tá re bɛn dii.

Izayii 17:2

Aroɛɛrɛ kiwin kɛn, á re n la boe bɛn ganaa duduu. Ǹ tá re tɔɔn buu sɔ̃ ǹ bǎã biɛ, ǹ tá re wɛɛ tán walan, min kɔn ná a ba ǹ nɔmɛɛ wa.

Izayii 27:10

Kiwi ke tamaa nɛ, min kɔn ba re goɛ̃ bɛ-n doo wa. A gɔ́ɔ̃ kooro n die goɛ̃, ǹ tá re n la boe a ganaa ka diə gole bɛ́ lɔn. Diin tá re buu soɛ̃ walan, ǹ tá re n susui a nɛ, ǹ tá re a da bisinin luu soɛ̃.

Izayii 35:1

Diə gole ka tán gere, ka n nyɛnyɛɛ! Bǎã mɛn bɛ́ mu ba a-n wa n nyɛnyɛɛ, n buũ kɔ ka kɔnbɔlɔn bɛ́ lɔn!

Izayii 37:30

«Ezekiasi, kɛ n die sii a kɔnboe biɛ n wɔ lɛa: Miɛla a lɛ̀ kɛ nɛ, *belee nàn mɛn mɛnaa tán á bɔ a din li, ka ǹ die bɛ lɛ bii. Lɛ̀ boe, ka ǹ die a pere bii. Sɛnɛ, a lɛ̀ sɔɔbaa ǹ wɔ li, ka á re belee diɛ, ka kuru, ka *rezɛ̃ da zumu ka a nɛ bii.

Izayii 5:17

Sèren tá re buu soɛ̃ a nɛ ka ǹ buu sɔ̃ ǹ bǎã wɔ bɛ́ lɔn, ǹ bɛ́ sère pian mɛnɛn toe, bɛn tá re buu soɛ̃ a kɛbɔlɔn la.

Izayii 7:25

Nyan tewonən lɛn taman yii, ǹ goã wurun mɛnɛn kɔsɛ tentenen la, min kɔn ba re n gòã diɛ walan doo wa. A n die tɔɔn buu sɔ̃ ǹ bǎãn biɛ, sèren nə tɔ wɔ a nɛ.

Zeremii 39:10

Sɛnɛ, min mɛnɛn bɛ́ doobaan lɛa màn kɔn ba ǹ lon wa, Nebuzaradan bɛn tɛnɛn toa Zudaa gána nɛ, á wurun gii ǹ ni ka rezɛ̃ wurun ni.