Izayii 7:2 - LAWA A BOO SONBORE

² Lɛ dia dɔ Davida tɔrɔ Ahaazi ganaa, ka a kiodɛnan tumaa nɛ, mà Siirii minin nə́ wɔ Efrayimu gána nɛ. Bɛa kibərə lɛ bìn da kii laanka a zaman ganaa parsiini ka piɛ̃ bɛ́ bìn diɛ da ganaa lɔn.

LAWA A BOO SONBORE 2011

² Lɛ dia dɔ Davida tɔrɔ Ahaazi ganaa, ka a kiodɛnan tumaa nɛ, mà Siirii minin nə́ wɔ Efrayimu gána nɛ. Bɛa kibərə lɛ bìn da kii laanka a zaman ganaa parsiini ka piɛ̃ bɛ́ bìn diɛ da ganaa lɔn.

Izayii 7:2 ပူးပေါင်းရင်းမြစ်များ

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Kiin1 11:32

Sɛnɛ tɔrɔn lɛn goon tá re goɛ̃ Salomɔn gɔn, maa a dí-nyali Davida lɛ a lɛa, ka Zeruzalɛmu kiwi kɛ nɛ, má a yii gɔgɔɔ̃ Izirayeli a bǎã tumaa bii.

Kiin1 12:16

Izirayeli minin tumaa yɛ mà kii lɛ nə n too kɔ ǹsɛn lon wa. Zaman lɛ tɔ́n kii lɛ lɛ si kɛnɛn: «Wɔa wàa n kiɛ kun ka Davida nɛ? Wɔa sii kɔn ba kɔn wɔlɔ li ka Zesee a nɛgiĩ kɛ-n wa. Izirayeli minin, ka daa wɔ n ta piɛ! Kanna, Davida, n kion a sii yɔrɔ bɔ.» Bɛ kio, Izirayeli minin nə́ kiɛ̃ ǹ nə́ woo piɛ.

Kiin1 13:2

Dɛnaa Lawa boo da ka a boo gii-dali lɛ-n doo, á n toa wúlu bɔ ǹ bǎã lɛ ganaa ka paraa nɛ: – Wúlu bɔ ǹ bǎã! Wúlu bɔ ǹ bǎã! Dɛnaa Lawa n kɛ pii: «Á ke, nɛginin goon tá re yii Davida a sumu-n, a tɔ n die goɛ̃ Zoziasi. Bɛa Zoziasi lɛ tá re wúlu bɔ ǹ bǎã kɛa wúlu-bɔlen dii la, wúlu-bɔlen mɛnɛn lɛn bɛ́ da yon gìĩ kɔɔ̃n tiɛ̃ la. Zoziasi tá re minbuiin nɛ wen tiɛ̃ la.»

KZS2 25:10

Yǎa Amasiya sɔraasin lɛn kaa mà ǹ wo piɛ, ǹ mɛnɛn lɛn nə bɔ Efrayimu. Ǹ nə́ wusoo ǹ nə́ woo, sɛnɛ, ǹ foo goã yoo ne parsiini Zudaa minin li.

KZS2 28:12

Bɛ lɛ nɛ, Efrayimu a kiãn tɛnɛn nə́ n gòãn dii bɔ zia la wolen lɛn ganaa. Bɛn man ka Zoanan a nɛgiĩ Azaria nɛ, Mesilemɔti a nɛgiĩ Berekia nɛ, Salumu a nɛgiĩ Yizikia nɛ ka Adlayii a nɛgiĩ Amasaa nɛ.

Loen 11:1

LOE-saalin goledɛnaa loe mɛn lɔ. Davida a loe. Masɛ n má kaa Dɛnaa Lawa yele. Wàa na á baa ká n pii ma nɛ: Baa si n wo kele la, ka bàan bɛ́ lɔn.

Suusun 28:1

Min baraa n baa la, a da yaa min kɔn dɔ ba a kio lui wa. Min pepere n ka yàra nɛ bɛ́ lɔn a foo n doa nɛ.

Izayii 11:13

Bɛa waáraa kəni, Efrayimu gána a foo wuu pɛ á re nyɛɛ. Zudaa gána a zɔ́ɔn tá re bɔ̀n biɛ. Efrayimu gána foo a re wuu pii Zudaa gána li doo wa. Zudaa gána a re Efrayimu gána biɛ zɔ́ɔ doo wa.

Izayii 22:22

Ma á re Davida a kion a goo nɛ koe la. Bɛ̀ á bũ, min kɔn ba boe la a tã wa, bɛ̀ á tã, min kɔn ba boe la a bũ wa.

Izayii 37:27

Min mɛnɛn nə goã a nɛ, bɛn nə boo màn kɔn la ǹ nə́ zɛnaa wa. Nyɛ́ɛ nə́ ǹ gù dɛ, sìi nə́ n kɔ ǹ lɛ. Maǹ nə́ n baa ka wuru gɔ́ɔ̃ nɛ ǹ buu bɛ́ lɔn, ka tɔɔn buu sɔ̃ ǹ bǎã bɛ́ lɔn, ka kala la ǹ buu bɛ́ lɔn, ka wuru gɔ́ɔ̃ nɛ ǹ màn bɛ́ lɔn a ná a tɔn ma wa.

Izayii 37:35

Man kiwi kɛ tamɛɛ, ma a kirisibaa. Man bɛ zɛnɛɛ ma din a lɛa ka maa dí-nyali Davida nɛ.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Izayii 7:13

Izayii tɔ́n pɛ kəni: «Davida tɔrɔn lɛn, ka bǐɛ̃ kɔ ka n too kɔ! Ka n kaa zaman nɔmɛɛ, bɛa doe ka yii li wa ka n zoɛ̃ li ka maa Lawa dɔ nɔmaa?

Izayii 7:17

Sɛnɛ, nsɛ, Dɛnaa Lawa n die koe baraa diɛ n la, n tɔrɔn nɛ, ka n kion minin ni, koe mɛn bɛ́ a miã tɔn yɛ wa, a kũ Efrayimu gána laanka Zudaa gána a na kɔn waáraa kɛ ganaa. Koe lɛ a daa ǹ gòã n die boe Asiiriin kii li.»

Izayii 7:5

Ma á doɛ̃ máa Siirii minin laanka Remalia a nɛgiĩ ka Efrayimu tɔrɔn kɛn man taasiɛ baraa we n wɔa paǹ li ǹ nə́ pii:

Izayii 8:12

Zaman bɛ́ sii mɛn bíi sii wɔ kɔn, kasɛn nyan bɛ bíi sii wɔ kɔn wa. Ǹ bɛ́ nyɛ́ɛ biɛ màn mɛn nɛ, ka nyan nyɛ́ɛ baa bɛ-n wa. Ka nyan nyɛ́ɛ baa ǹ nɛ wa.

Izayii 9:9

«Tii toopaa kungɔn kaa, sɛnɛ wɔsɛn man die doe ká kɔlɔ-sɛlɛɛ toopaa nɛ. Mɛnɛn kɛn gɔn kooro lɛa, bɛn nə́ yiyiɛ, sɛnɛ wɔ n die ǹ lonkoe ka *sɛdrə mɛnɛn nɛ.»

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Ozee 12:1

Efrayimu ma lɛnpɛnɛ ka soɛ nɛ, Izirayeli a zaman ma lɛnpɛnɛ ka siɛ̃ nɛ. Sɛnɛ Zudaa a tɔn tɔ we kun ka Lawa nɛ, á pepere min sonboren bii.

Matiə 2:3

Kii Erɔdi bɛ́ á bɛa boo lɛ ma lɔn, a din laanka Zeruzalɛmu minin tumaa gɔ́ɔ̃ nə́ n lɔlɔkɔn.