Izayii 7:14 - LAWA A BOO SONBORE

¹⁴ Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

LAWA A BOO SONBORE 2011

¹⁴ Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Izayii 7:14 ပူးပေါင်းရင်းမြစ်များ

Siin Giala 16:11

Ń bɛ́ nɔ̀ mɛn nɛ, ma n die yii nɛgiĩ lɛa. Ń die n na a tɔ kɔ Isimayeli (bɛ giala mà "Lawa ma"), a giala, n nɔmaa gɔ́ɔ̃ nɛ, Dɛnaa nə n lɛ-dɛ ma.

Siin Giala 29:32

Leyaa nɔ̀ si, á nɛgiĩ yɛ, a ná a tɔ kɔ Urubɛn (bɛ giala mà "Ga min a sii Walan"). A giala, a na á pɛ: «Dɛnaa ga maa nɔmaa ganaa, ma zuũ lɛ á die ma narɛ kanna.»

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Siin Giala 30:6

Raseli tɔ́n pɛ: «Lawa sonbore kɔ ma la. Á ma lɛ si dɔn, á nɛgiĩ kɔ ma la.» Bɛ lɛ nɛ, á bíi Dan (bɛ giala mà "Sonbore kɔ min la").

Siin Giala 30:8

Raseli tɔ́n pɛ: «Ma yɔ gole bɔ ma gololɔ lɛ ganaa, ma gɔ̀lɔ̀baa yɛ.» Á bɛa nɛgiĩ lɛ tɔ kɔ Nɛfutalii (bɛ giala mà "Yɔbɔkɔn").

Siin Giala 4:25

Aadã laanka a lɔ lɛ kɔn dɔ̃ doo, ǹ nə́ nɛgiĩ yɛ. Ɛvu ná a tɔ kɔ Sɛɛti (bɛ giala mà "Lawakɔ"). A giala a na á goã pii mà: «Kanyɛ na asɛ a nɛgiĩ Abeli mɛn dɛ, mà Lawa na á nɛgiĩ kɔsɔ kɔ asɛ la bɛ dòo.»

Kiin1 13:3

Lawa a boo gii-dali lɛ nə n gɔn waa ǹ nɛ á pɛ: «Wúlu bɔ ǹ bǎã lɛ á die n talɛ kɔn, siĩ nyɔɔ mɛn bɛ́ re goɛ̃ a lalan, bɛ á die kiɛ tán. Ka tá re doɛ̃ bɛ li sonbore, mà Dɛnaa Lawa na á boo da.»

Loen 46:8

Dɛnaa Lawa Pàãyiidɛnaa tá kun wɔsɛn nɛ. Zakɔba a Lawa kɛ n wɔa duru ǹ bǎã lɛa. Doa.

Izayii 38:7

Dɛnaa Lawa á re nyɛɛ n nɛ mà asɛ a wusii a boo kio wa. A bɛ́ re sii mɛn nyɛɛ n nɛ, á ke:

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Izayii 8:8

A n die piɛ̃ a toɛ̃, a Zudaa gána kũ yǎa a bɔlɔ-a. Á re n daɛ n bǎã tumaa la, a n gána tumaa si a n kɔ lɛ, Emanuwɛli.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Zeremii 31:22

Nɛlɔ piã-wole, ma n woe n mìi giala yǎa biĩ? Hiĩ, Dɛnaa Lawa sii soree lɛ bɔ tán la: Lɔ n die baa sii ǹ zuũ kio kanna.

Zeremii 44:29

Dɛnaa Lawa a da ǹ boo á ke: Man die yui ka gialaa kànaa Ezipti gána nɛ. Man die sii a kɔnboe nyɛɛ ka nɛ, ka dɔ̃ mà ma din a da ǹ boon man yɔrɔ yii, kaa koe yɛ a lɛa. Bɛa sii a kɔnboe lɛ á ke:

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Luku 1:31

N tá re nɔ̀ sii, n nɛgiĩ yɛ, n tá re a tɔ koe Yezu.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Luku 2:12

Ka bɛ́ re doɛ̃ màn mɛn li, bɛ n ka kɛ nɛ: Ka á die nɛnyaan tiɛɛ̃n yii, tɔɔn màn bii ǹ goo ne, mɔnaa gɔnɔn nə́ pɛnɛɛ nɛ a ganaa.»

Luku 20:44

Kii Davida n Nyin-sili lɛ bíi mà asɛ a Dɛnaa. A n goɛ̃ a nɔ̀ɔn dɔ lɛa lɔn doo?

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Rɔmu minin 9:5

Ǹ dinin lɛn man wɔ digolo Abrahamu laanka Izaaki ka Zakɔba a nɛnyaanan lɛa. Haalɛ wɔ Nyin-sili Yezu Krita dɔ dinmaa lɛ nə ǹ dinin tɔrɔ min lɛa, gɔ̀nɔn siĩ wɔ gɔn la. Krita lɛ n Lawa lɛa, a din nə màn tumaa mìi la. Gugurubaa na a wɔ lɛa yǎa duduu. A n miɛ̃!

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Sii yɔrɔ-bɔlen 6:36

Zediɔ̃ tɔ́n pɛ Lawa nɛ: «Bɛ̀ n tá li, n masɛ baa Izirayeli minin lɛn si ǹ zɔ́ɔn la wole lɛa, ka n bɛ́ ń pɛ lɔn,

Samayeli1 1:20

Biikoo kɔn daa á dɔ, Anɛɛ min gugurubaa á nɛgiĩ yɛ a ná a tɔ kɔ Samayeli, bɛ giala, mà asɛ ná a nyankɔ Dɛnaa Lawa Lon.

Samayeli1 4:21

A ná a nɛ lɛ tɔ kɔ: "Ikabodi" bɛ giala mà gugurubaa banban doo wa. Á pɛ: «Gugurubaa wɔlɔ lui Izirayeli ganaa.» A giala, ǹ nə́ Lawa a goo lɛ si, ǹ zuũ di laanka ǹ zuũ dɔ gã.