Izayii 66:5 - LAWA A BOO SONBORE

⁵ Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

LAWA A BOO SONBORE 2011

⁵ Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Izayii 66:5 ပူးပေါင်းရင်းမြစ်များ

Kiin1 21:29

«Ń Akaabu a din gisĩ ǹ gɔn kɛ yɛ ma yɔrɔ-a? A bɛ́, á n din gisĩ ma yɔrɔ-a, bɛ lɛ n ke ma ba re koe boe a ganaa, a yiikoonaabaa gɔ́ɔ̃-n wa. A nɛgiĩ a yiikoonaabaa gɔ́ɔ̃ nɛ, man die koe boe a kion lɛ ganaa.»

Kiin2 22:10

Bɛ kio, sɛ́wɔ-kiɛ̃li Safan lɛ ná a boo da kii lɛ nɛ á pɛ: «Lawa a wúlu-bɔlen Ilkia sɛ́wɔ goon kɔ ma la.» Yǎa Safan tɔn sɛ́wɔ lɛ pɛ kii lɛ yɔrɔ-a.

KZS2 34:27

N bɛ́ n boon kɛn ma má ǹ da Zeruzalɛmu ganaa ka a minin ni, á dí nya n foo ne, n nə́ n din gisĩ ma yɔrɔ-a. N nə́ n mɔnaan tɔtoɛ̃, n wuu pɛ ma yɔrɔ-a. Haya, masɛ dɔ nə́ n lɛ ma. Ma din Dɛnaa Lawa a da ǹ boo ne.

Ɛsidrasi 9:4

Ma dinmaa lɛ sɛ giã tán miɛ̃ ma foo n busii ni, yǎa wasamiɛ̃n a wúlu bɔ biikoo li. Goa-wolen sii baraa lɛ taman yii, Izirayeli a Lawa lɛ goã boon mɛnɛn diɛ, min mɛnɛn nə goã nyɛ́ɛ biɛ bɛa boon lɛn manɛ, bɛn nə́ daa n sɔkɔn ma li.

Loen 119:120

Man nyɛ́ɛ biɛ n nɛ, ma gɔ̀nɔn nə́ bìn diɛ. N sii yɔrɔ bɔ ǹ boon lɛn man nyɛ́ɛ diɛ ma ganaa.

Loen 38:20

Maa zɔ́ɔn kɛn manə ǹ dinin lɛa bii-a, ǹ nə́ kaka. Min mɛnɛn bɛ́ ma biɛ zɔ́ɔ kooro, bɛn nə́ la yii ni.

Suusun 13:13

Bɛ̀ min nə n piã ka doroo ne, a lɛ á re we ǹ dɛnaa ganaa. Sɛnɛ, bɛ̀ min mɛn dí-pɛ tamaa, á re a saraa yii.

Loe kɔɔ̃n kɔɔ̃n 1:6

Ka baran ga maa tì birəəbaa kɛ-a wa, wasa na á ma dɛ. Ma dannɛn foo na á goã á yoo ma li, ǹ nə́ tɔ́n ma koa *rezɛ̃ da wurun li. Ma dinmaa gɔ̀nɔn kɛ sɛ, ma boo la má ga bɛ walan wa.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 5:19

Ka n pii: «Dɛnaa Lawa, n baa fufuu n sii zɛnaa wɔ yii ni wɔ yɛ. Izirayeli a Lawa sonbore sii mɛn yɔrɔ bɔ, wɔ ǹ li bɛ nə n zɛnaa, wɔ dɔ̃!»

Izayii 60:15

Maǹ nə́ goã ǹ nə́ n la bɔ n ganaa, min kɔn ba n narɛ wa, min kɔn ba n yii koe n ganaa wa. Sɛnɛ sisia, man die n bǐɛ̃ koe, màn mɛn bɛ́ toɛ, ǹ foo kɔɔ̃n kɔ n din taman yii, yǎa duduu.

Izayii 65:13

Dɛnaa Lawa n kɛ pii: Á ke, min mɛnɛn bɛ́ maa dí-nyalin lɛa, bɛn tá re màn bii. Sɛnɛ, bòo á re kasɛn kuĩ. Min mɛnɛn bɛ́ maa dí nyɛɛ, bɛn tá re màn mii. Sɛnɛ mu boro á re kasɛn kuĩ. Min mɛnɛn bɛ́ maa dí-nyalin lɛa, bɛn foo á re kɔɔ̃n koe. Sɛnɛ, sìi n die n koe kasɛn lɛ.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Zeremii 36:16

A ǹ toa n too koe, nyɛ́ɛ kii a dí-nyali dadaran lɛn kũ. Ǹ nə́ ga kɔn ganaa, ǹ nə́ pɛ Baruku ni: «Yǎa wɔ kɛ tumaa kalɛɛ kii ni.»

Ozee 11:10

A nɛn tá re tɔ we Dɛnaa Lawa kio, asɛ áre lɛ biɛ ka yàra bɛ́ lɔn, Á re lɛ biɛ sonbore! Ǹ tá re n toɛ lɛ̀nyɛɛnɛ ǹ da ka baa nɛ, ǹ gɔ̀nɔn nə́ bìn diɛ.

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Luku 13:17

Bɛa boon kɛn lɛn nə́ sìi da Yezu a zɔ́ɔn tumaa ganaa. Sɛnɛ, zaman lɛ sɛ din tumaa na á goã n nyɛnyɛɛ, a sii sonboren kɛn zɛnaa a lɛa.

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Zaã a sɛ́wɔ 9:34

Ǹ nə́ tɔ́n pɛ yii tere-a zizi lɛ nɛ: «Ma nə́ n yɛ sii baraa-zɛnaali lɛa, ma nə́ n daa wɔsɛn dɔn daraa a ganaa kəni!» Bɛ kio, ǹ nə́ loo ǹ nə́ bɔ lɛsɔkɔn kion lɛ nɛ.

Tesaloniki2 1:12

Bɛ lɛ n die toɛ wɔa Dɛnaa Yezu tɔ bɔ kaa zɛnaa ǹ sii gɔ́ɔ̃ nɛ, ka dɔn tɔ bɔ a dɔ wɔ gɔ́ɔ̃ nɛ, wɔa Lawa laanka wɔa Dɛnaa Yezu Krita á bǐɛ̃baa kɛ barka nɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Zaã1 3:13

Bɛ̀ ka tìĩ á boe-n kanaa kɛ a minin nyin ni, bɛ baran ka tɔwaa wa, ma dɔɔ̃nɔn lɛn.