Izayii 66:23 - LAWA A BOO SONBORE

²³ Bɛa yɔrɔ lɛ la, mui dii zɔ́n gogoonmaa li, ka *susu ǹ pii gogoonmaa nɛ, minbuiin nɛ tumaa á re n musin koɛ tán masɛ Dɛnaa Lawa yɔrɔ-a. Dɛnaa Lawa na á pɛ.

LAWA A BOO SONBORE 2011

²³ Bɛa yɔrɔ lɛ la, mui dii zɔ́n gogoonmaa li, ka *susu ǹ pii gogoonmaa nɛ, minbuiin nɛ tumaa á re n musin koɛ tán masɛ Dɛnaa Lawa yɔrɔ-a. Dɛnaa Lawa na á pɛ.

Izayii 66:23 ပူးပေါင်းရင်းမြစ်များ

Kiin2 4:23

Ǹ zuũ lɛ pɛ: «Wàa na á baa n tá li n wo a li pelo? Mui dii zɔ́n hinlaa *susu ǹ pii dɔ bɛ́ a bie wa!» Lɔ lɛ nə́ n toa: «N foo baran biɛ na wa.»

Loen 22:28

Min mɛnɛn tumaa bɛ́ tán la, ǹ tá re n taasɛ ǹ wusoo ǹ da Dɛnaa Lawa ganaa. Tɔrɔ din tumaa a sumu minin tá re kiɛ tán a yɔrɔ-a.

Loen 65:2

Lawa, n din nə *Siɔn kiwi kɛ nɛ, n doamaa nɛ min gogoonmaa nə n tɔ bɔ, min gogoonmaa nə n lɛ kɔ ka sii mɛn nɛ ǹ bɛ zɛnaa n wɔ paǹ li,

Loen 65:3

a giala, mà n tá minin nyankɔ lɛ sii. Minbuiinin tumaa n die n din li

Loen 86:9

Dɛnaa, n tɔrɔn mɛnɛn tumaa zɛnaa, bɛn tá re die kiɛ tán-a n yɔrɔ-a, ǹ nə n tɔ guguru kɔ.

Izayii 19:21

Bɛa pinaa Dɛnaa Lawa á re n din nyɛɛ Ezipti minin manɛ. Ezipti minin dɔn tá re Dɛnaa Lawa dɔ doɛ̃. Ǹ tá re dí nyɛɛ nɛ, ǹ wúlu mànan laanka gɔn mànan kɔ la. Ǹ tá re lɛ kɔ we Dɛnaa Lawa nɛ, ǹ nà a lɛ pã.

Izayii 19:23

Bɛa pinaa kɛ lɛ nɛ, zii á re boe Ezipti gána nɛ a wo Asiirii. Asiirii minin tá re woe Ezipti gána nɛ, Ezipti minin dɔn nə wo Asiirii gána nɛ. Ǹ dinin tumaa á re dí nyɛɛ Dɛnaa Lawa nɛ.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Ezekieli 20:40

A giala, ka Izirayeli tɔrɔn lɛn tumaa, ka mɛnɛn tumaa bɛ́ re giɛ̃ gána lɛ nɛ, ka n die ma guguru koe maa kele kɛ la, Izirayeli a kele sasa kɛ la. Man die n diɛ ka lɛ walan sɔnbɔraanɛ. Ka bɛ́ re mànan mɛnɛn tumaa boe, wúlu màn sonboren lɛa ka kɔ ma la, ma á re lɛ koe bɛn ganaa walan. Ma din Dɛnaa Lawa a da ǹ boo ne.

Ezekieli 45:17

Sonbore, wúlu màn tiɛ̃n kɛn nɛ, Lawa gɔ ǹ mànan laanka a gɔ ǹ duvɛ̃ kɛ nɛ, ǹ bɛ́ ǹ mɛnɛn koe la zɔ́nɔn biikoo li, mui dii zɔ́nɔn nɛ, *susu ǹ pii pinaan nɛ, Izirayeli tɔrɔn lɛn zɔ́nɔn tumaa a biikoo li. Goledɛnaa lɛ din doamaa nɛ a sii baraa sawaa ǹ wúlu kɛ a màn bɔ, Lawa gɔ ǹ wɔ nɛ, wúlu màn tiɛ̃ wɔ nɛ, zɔ́ɔ da Lawa nɛ ǹ wúlu wɔn nɛ, a Izirayeli tɔrɔn lɛn sii baraa sawaa ǹ wúlu bɔ ǹ nɛ.

Ezekieli 46:1

Dɛnaa Lawa a boo n ka kɛ dɔ nɛ: «Sumu gɔ́ɔ̃ a kiɛnlɛ ke a yɔrɔ n dia-n lɛ̀giala la, bɛ doamaa nɛ a goã tiɛ̃ nɛ dí nya ǹ lɛawaa sɔrɔ kɛ tumaa gɔ́ɔ̃ nɛ. Sɛnɛ, *susu ǹ pii laanka mui dii zɔ́n pinaa, ka doamaa nɛ, ka bũ ka da koo.

Ezekieli 46:6

Mui dii zɔ́n pinaa, ǹ doamaa nɛ ǹ dii gɔ̀lɔ̀ goon dɛ, sère nɛ sɔrɔ laanka sère gɔ̀lɔ̀ goon ne, wɔ̀lɔ̀ ná a ba ǹ kɔn ganaa wa.

Zakarii 14:14

Zudaa minin tá re zia biɛ Zeruzalɛmu kiwi. Ǹ tá re ǹ miãkɛnɛn naforon tumaa sii ǹ la: Sana nɛ, wɔrɔ nɛ, ka mɔnaa damata nɛ.

Zakarii 14:16

Bɛa waáraa kəni, tɔrɔn mɛnɛn nə zia da Zeruzalɛmu ganaa, bɛn min mɛnɛn yii bɛ́ tɔn koo, lɛ̀ woo lɛ̀, ǹ tá re woe Zeruzalɛmu kiwi, ǹ kaa tán a kii, Dɛnaa Lawa Pàãyiidɛnaa giulun ǹ *giã siã giulun zɔ́n zɛnaa.

Zakarii 14:18

Bɛ̀ Ezipti minin nə́ n piã ǹ wo Zeruzalɛmu wa, koe á re ǹ yii, koe mɛn bɛ́ Dɛnaa Lawa n die diɛ tɔrɔn kɛn mìi ni, ǹ mɛnɛn bɛ́ ǹ ba re woe giã siã giulun zɔ́n lɛ zɛnɛɛ wa.

Zakarii 14:19

Bɛ n die dɔlɔ biɛ Ezipti gána ganaa, ka tɔrɔn mɛnɛn bɛ́ ǹ ba re woe bɛa zɔ́n lɛ zɛnɛɛ wa.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Zaã a sɛ́wɔ 4:23

Sɛnɛ, biikoo á die, á n giala kɔ dinin, minin tá re Díi Lawa guguru koe a yɔrɔ sonbore li, ka Yiri Fu bɛ́ nyɛɛ ǹ nɛ lɔn. Min mɛnɛn bɛ́ Lawa guguru koe miɛ̃, a n giɛ bɛ miã dɛnan lɛn li.

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»