Izayii 66:21 - LAWA A BOO SONBORE

²¹ Dɛnaa Lawa pɛ: Ma á re minin tɛnɛn boe ǹ bii, *Levii tɔrɔn lɛa, ma ǹ baa Lawa a wúlu-bɔlen lɛa.

LAWA A BOO SONBORE 2011

²¹ Dɛnaa Lawa pɛ: Ma á re minin tɛnɛn boe ǹ bii, *Levii tɔrɔn lɛa, ma ǹ baa Lawa a wúlu-bɔlen lɛa.

Izayii 66:21 ပူးပေါင်းရင်းမြစ်များ

Izayii 61:6

Sɛnɛ, kasɛn tɔ n die goɛ̃: «Dɛnaa Lawa a wúlu-bɔlen.» Ǹ tá re ka bíi, «Wɔa Lawa a dí-nyalin» Ka á re là yii tɔrɔ kɔsɔn gɔn mànan ganaa, ka n dinin gole kɔ ǹ naforon kɛn taman yii.

Zeremii 33:22

Min bɛ́ a boe la a lon a leeren nimi lɔn wa, min bɛ́ a boe la a yìsi mu gole lɛ-a ǹ nyɔɔsɔ̃ dɔ nimi lɔn wa ǹ mɔnaabaa taman yii, ma dɔ n die Davida a sumu lɛ minin mɔnɛɛ miɛ̃ ka Levii a sumu lɛ minin ni dí nyɛɛ ma nɛ.»

Ebrəə 7:12

A giala, bɛ̀ wúlu-bɔlebaa nə́ n bɔyaa, Lawa a dí-pɛn mɛnɛn dɔn bɛ́ boo diɛ wúlu-bɔlebaa lɛ wɔ gɔn la, bɛn dɔn doamaa-n ka bɔyaa nɛ.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!

Sii-nyaan 20:6

Min mɛnɛn gii bɛ́ á yɛ bɛa yii-kaa bibinaa kɛ lɛ nɛ, bɛn foo á re kɔɔ̃n koe, maǹ Lawa wɔn lɛa. Gɛ̀ a paabaa ǹ wɔ kɛ a boe bɛn la doo wa. Ǹ tá re Lawa laanka Krita a wúlu-bɔlen biɛ, ǹ goã pàã la kun ka Krita nɛ, yǎa lɛ̀ duu goon.

Sii-nyaan 5:10

Kanna, ka bɛ nɛ, n nə́ ǹ tumaa bɔyaa duduu n nə́ ǹ baa wɔa Lawa a dí-nyalin lɛa, n nə́ ǹ baa a wúlu-bɔlen lɛa, n nə́ ǹ baa kii dadaran lɛa, ka boo taãnɛ, n nə ǹ baa kanaa tumaa a dɛnan lɛa.»