Izayii 66:19 - LAWA A BOO SONBORE

¹⁹ Ma á re sii giala pɛ ǹ màn diɛ ǹ bii. Min mɛnɛn yii bɛ́ re goɛ̃ koo, ma á re ǹ diɛ kiɛ-bɔle zanbian kɛn li boe Tarsisi, Puli, ka Luudi. Ma á re ǹ diɛ Tubaali minin li, Zavan minin ni, ka gánan kɛn nɛ Yìsi mu gole bii, bǎã mɛn bɛ́ ǹ bin tɔn ma boo ma wa, ǹ bin maa gugurubaa yɛ wa. Ǹ tá re maa gugurubaa nyɛɛ bɛa tɔrɔn lɛn manɛ.

LAWA A BOO SONBORE 2011

¹⁹ Ma á re sii giala pɛ ǹ màn diɛ ǹ bii. Min mɛnɛn yii bɛ́ re goɛ̃ koo, ma á re ǹ diɛ kiɛ-bɔle zanbian kɛn li boe Tarsisi, Puli, ka Luudi. Ma á re ǹ diɛ Tubaali minin li, Zavan minin ni, ka gánan kɛn nɛ Yìsi mu gole bii, bǎã mɛn bɛ́ ǹ bin tɔn ma boo ma wa, ǹ bin maa gugurubaa yɛ wa. Ǹ tá re maa gugurubaa nyɛɛ bɛa tɔrɔn lɛn manɛ.

Izayii 66:19 ပူးပေါင်းရင်းမြစ်များ

Siin Giala 10:13

Misirayimu a nɔ̀ɔnɔn man ka Ludu minin ni, Anaamu minin ni, Lehabu wɔn nɛ, Naftoa wɔn nɛ,

Siin Giala 10:2

Zafɛti a nɛnyaanan man kɛn nɛ: Gomɛɛrɛ nɛ, Magɔgə ne, Madayi ni, Yavan nɛ, Tubaali ni, Mesɛki laanka Terasi ni.

Siin Giala 10:22

Sɛmu a nɛnyaanan man ka Elamu ni, Asuuru ni, Arpaksaadi ni, Ludu ni ka Aramu ni.

Siin Giala 10:4

Yavan a nɛnyaanan man ka Eliizaa nɛ ka Tarsisi ni, ka Kitimu laanka Rodanimu ni.

Siin Giala 9:27

Lawa die a n gɔn pã a da Zafɛti lon. Lawa die a giã Sɛmu a zàã nɛ. Kanaan die a n baa a bɛ̀rɛ lɛa.»

KZS1 1:11

Misirayimu a nɔ̀ɔnɔn man ka Ludu minin ni, Anaamu minin ni, Lehabu wɔn nɛ, Naftoa wɔn nɛ,

KZS1 1:7

Yavan a nɛnyaanan man ka Eliizaa nɛ, Tarsisi ni, ka Kitimu laanka Rodanimu ni.

KZS1 16:24

Ka a gugurubaa lɛ pɛ gána kɔsɔn minin bii, ka a nya ǹ dí sonboren kɛn dɔn pɛ, tɔrɔn tumaa bii.

Loen 72:10

Tarsisi kiwi laanka gánan mɛnɛn bɛ́ mu bii, bɛn kiin tá re min gɔ ǹ mànan diɛ la. Saabaa laanka Seebaa gánan kiin tá re màn boboe, ǹ kɔ la.

Izayii 11:12

Dɛnaa Lawa n die zanzan zumi, a n gɔn waa bɛa gánan kɛn lɛn manɛ, mà asɛ á re Izirayeli a wo bɛ̀rɛbaa ǹ bǎã-n wolen soekɔn, Zudaa gána minin mɛnɛn tumaa bɛ́ pɛsiɛ̃ nɛ kanaa paǹ tumaa ganaa, a bɛn sɔkɔn.

Izayii 18:3

Kasɛn kanaa tumaa minin, kasɛn mɛnɛn bɛ́ tán piɛ̃, bɛ̀ ka zazan yɛ tenten la biikoo mɛn li, ka ga! Bɛ̀ ka sère gɔ̀lɔ̀ bɛn wuu ma ǹ mɛn waáraa, ka n too kɔ!

Izayii 18:7

Bɛa biikoo li kəni, tɔrɔ sɔsɔrɔ gɔ̀nɔn tɛ-pɛle kɛ á re gɔn mànan koe Dɛnaa Lawa Pàãyiidɛnaa la, ǹsɛn kɛn lɛn nyɛ́ɛ diɛ bǎã tumaa nɛ, pàã nə ǹ lon, ǹ nə́ ǹ zɔ́ɔn yɔyɔrɛ, tàn nə́ kiɛ̃ ǹ gána nɛ. Maǹ woe bɛa gɔn mànan lɛn nɛ *Siɔn kele la, ka bǎã kɛ nɛ Dɛnaa Lawa Pàãyiidɛnaa tɔ n la.

Izayii 2:16

Mu la ǹ goon kɛn zii sɔsɔɔ tɔ wɔ ǹ wɔn lɛa, á re yui bɛn gialaa ka ǹ mɛnɛn bɛ́ pii màn giɔ̀mɔ kakaan goɛ.

Izayii 29:24

Yiriwɛɛnaan tá re yiri yii, boo bisin dalin tá re n too koe doroo li.

Izayii 42:12

Dɛnaa Lawa tɔ nə n bɔ, mu gánan mɛnɛn da bii, bɛn na a tɔ bɔ ka lɛn gole ne.

Izayii 42:4

A foo a re ziziɛ̃ wa. A gù a re giɛ̃ wa, yǎa peperebaa yii tán tumaa la. Gánan mɛnɛn bɛ́ mu nə́ ǹ da bii, bɛn man giɛ a daraa li.»

Izayii 43:6

Má pɛ gɔsɛ a lɛ̀gɔn nɛ: «Ǹ toa walan!» Má pɛ gusin a lɛ̀gɔn nɛ: «N nyan bìn da ǹ ganaa wa!» Ka maa nɛgiĩn kɛn kũ gána sɔsɔɔn kɛn nɛ, ka da ǹ nɛ, ka maa nɛlɔn kɛn kũ kanaa lɛ dan ganaa ka da ǹ nɛ.

Izayii 49:1

Kasɛn, gánan kɛn mu ka da bii, ka n too kɔ ma lon. Tɔrɔn mɛnɛn bɛ́ tìãlɛa, ka n yiri kɔ. Dɛnaa Lawa ma bíi, bɛ̀ ma tɔn yɛ wa. Ma bɛ́ tɔn ma dan gɔ́ɔ̃ nɛ, á ma bii ka ma tɔ nɛ.

Izayii 49:12

Ǹ nə́ ke yii! Maǹ boe sɔsɔɔ die. Ǹ tɛnɛn man boe gɔsɛ a lɛ̀gɔn la, gialakunun man boe lɛ̀nyɛɛnɛ, kɔsɔn man boe Ezipti gána nɛ, gusin a lɛ̀gɔn la.

Izayii 49:22

Dɛnaa Lawa n kɛ pii: Á ke, man die n gɔn yiɛ tɔrɔ kɔsɔn manɛ. Man die sii giala pɛ ǹ zanzan zumi ǹ wɔ lɛa. Ǹ tá re die n nɛgiĩn ni ǹ kolo-n, ǹ nə n nɛlɔn kɛn gũ ǹ kɔrɔn.

Izayii 51:5

Peperebaa mɛn bɛ́ ma á die ne, á diri. Kirisibaa biikoo dɔ. Man die kiri we tɔrɔn ganaa ka pàã gole ne. Tɔrɔn mɛnɛn bɛ́ mu nə́ ǹ gánan da bii, bɛn tá re n foo doɛ ma ganaa. Ǹ tá re n foo doɛ ma pàã ganaa.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 52:15

Sisia kəni, tɔrɔ gigiã á re n kaã biɛ a ganaa. Boo ba kiin lɛ-n a yɔrɔ-a wa. A giala, ǹ bɛ́ ǹ màn mɛn pɛ ǹ nɛ wa, ǹ tá re bɛ yii, ǹ bin bɛ́ ǹ tɔn boo mɛn ma wa, ǹ tá re bɛ giala miɛ.

Izayii 55:5

Á ke, n tá re tɔrɔn bíi, n nə́ n ba ǹ doɛ̃ wa. Bɛa tiin kɛn n nə́ n ba ǹ doɛ̃ wa, ǹ tá re n nanaɛ ǹ da n li. Maǹ die die masɛ Dɛnaa Lawa taman yii, n Lawa, Izirayeli a Lawa sonbore kɛa lɛa, asɛ mɛn bɛ́ li a n saa lon.»

Izayii 60:9

Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Izayii 62:10

Zeruzalɛmu minin, ka soo! Ka soo kiwi kɛ-n fufuu! Ka zii bũ maa zaman nɛ! Ka zii zɛnaa, ka a kɔlɔn waa! Ka sii giala pɛ ǹ màn zumu, tɔrɔn wɔ lɛa!

Izayii 65:1

Min mɛnɛn bɛ́ ǹ ba ma nyankoe wa, má toa bɛn nə́ nɔ̀n da ma la. Min mɛnɛn bɛ́ ǹ ba giɛ ma li wa, má toa bɛn nɛ ma yɛ. Má pɛ tɔrɔ kɔn nɛ a ná a ba ma nyankoe wa: «Ma á ke! Ma á ke!»

Zeremii 46:9

Sùin, ka n ta ǹ gialaa! Ziabaa ǹ wotoron, ka n mìi fɔ̃! Zia baali zanbian lɛn, ka nyɛɛnaan bɔ: Etiopii minin laanka Liibii minin, goórodɛnan lɛa, Ludu minin ni sadɛnan lɛa!

Ezekieli 27:10

Perɛsi gána minin ni, Ludu wɔn nɛ ka Puti wɔn nɛ, bɛn man nə́ goã kun ka n sɔraasin ni, n zia-baalin lɛa. Ǹ dinin lɛn man nə́ goã, ǹ goóron laanka ǹ ziabaa ǹ bafolon loɛ lon kaa piɛ, ǹ dinin lɛn man nə́ goã n pàã lɛa.

Ezekieli 27:13

Grɛki minin dinin nə́ goã pii koe kunun n ni, Tubaali kiwi wɔn nɛ ka Mesɛki kiwi wɔn nɛ. Bɛn man nə́ goã die bɛ̀rɛn siɛ̃ n la, ka zan mànan nɛ.

Ezekieli 30:5

Etiopii minin ni, Puti wɔn nɛ, Ludu wɔn nɛ, Larabu gána wɔn nɛ, bɛa tɔrɔ lɔlɔkɔn kɛ lɛ tumaa á re kiɛ kunun ǹ ni zia la, haalɛ ma din tɔrɔn kɛn lɛn dɔn dinin minin.

Ezekieli 32:26

Mesɛkin kii ni, ka Tubaalin kii ni, bɛn dɔn man walan, kun ka ǹ zia-baalin ni, ǹ sɔraasin yalan nə́ ǹ wɔn kaa bii. Bɛa soroman lɛn, ǹ tumaa gã zia la, a laanɛ ǹ nə́ goã nyɛ́ɛ kiɛ minin ganaa yiikoonaan kanaa kɛ nɛ.

Ezekieli 39:1

Minbuiin a nɛ, maa boo kɛ da Gɔgu wɔ paǹ li, n pɛ mà masɛ Dɛnaa Lawa n kɛ pii: «Mesɛki tɔrɔn laanka Tubaali tɔrɔn nyɛɛnaandɛnaa gole Gɔgu, ma á die n gialaa.

Ezekieli 39:6

Ma á re tɛ kiɛ Magɔgu gána kɛ laanka tà lɛ-a minin kɛn la, ǹ mɛnɛn bɛ́ taasɛ, mà ǹsɛn tá là nyantoro la. Ǹ tá re doɛ̃ bɛa biikoo li, mà masɛ din nə Dɛnaa Lawa lɛa.

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Sofonii 3:10

Min mɛnɛn bɛ́ ma guguru koe, giã nɛ gána tumaa nɛ, bɛn tá re boe bǎã sɔsɔɔn nɛ Etiopii tàn kɛn kio dinin, ǹ da gɔn màn kɔ ma la.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Marki 16:15

Bɛ kio, á tɔ́n pɛ ǹ nɛ: «Ka wo kanaa paǹ tumaa nɛ, ka Boo Tii Kɔɔ̃n pɛ min din tumaa nɛ.

Luku 2:34

Bɛ kio, Simiɔn ná a nyankɔ Lawa lon, mà á barka wɔ ǹ nɛ, á tɔ́n pɛ nɛ lɛ dan Mariya nɛ: «Lawa na á nɛ kɛ lɛ bɔ á dia, á n die Izirayeli min gigiã a mɛnaa a bɔ̀n baa ǹ gòã biɛ, a gigiã dɔ a yoo a kirisibaa ǹ gòã baa. Nɛ lɛ n die Lawa foo dí-nyaali biɛ, sɛnɛ, minin man die n piɛ̃ nɛ, ǹ boo baraa dɔ a ganaa.

Rɔmu minin 15:21

Man maa dí nyɛɛ á kɔnpii ka Lawa a boo gii-dali a boo kɛ-n kiɛ̃-n kɛnɛn: «Ǹ bɛ́ ǹ tɔn na a boo da min mɛnɛn man wa, bɛn tá re yii. Min mɛnɛn bɛ́ ǹ na a boo ma wa, bɛn tá re a giala miɛ.»

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.