Izayii 66:16 - LAWA A BOO SONBORE

¹⁶ Taãn nɛ, Dɛnaa Lawa n die kiri kuri minbuiin nɛ tumaa la, ka tɛ buə̃ laanka gɔya sa nɛ Dɛnaa Lawa á re geren mɔnɛɛ.

LAWA A BOO SONBORE 2011

¹⁶ Taãn nɛ, Dɛnaa Lawa n die kiri kuri minbuiin nɛ tumaa la, ka tɛ buə̃ laanka gɔya sa nɛ Dɛnaa Lawa á re geren mɔnɛɛ.

Izayii 66:16 ပူးပေါင်းရင်းမြစ်များ

Izayii 10:4

Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Izayii 3:13

Dɛnaa Lawa yoo kiri wɔ taman yii, a n yui, die kiri we tɔrɔn ganaa.

Izayii 30:30

Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Izayii 31:8

Gɔya sa mɛn bɛ́ re Asiirii dii, minbuiin nɛn wɔ bie wa. Gɔya sa ke die dii, minbuiin nɛ a màn zɛnaa bie wa. Asiirii minin tá re baa sii ǹ nyɛɛnɛ, ǹ tá re ǹ sɔraasi tenən kuĩ, ǹ wo ǹ kaa pàã dí ganaa.

Izayii 34:2

Dɛnaa Lawa foo n yoo-n tɔrɔn tumaa li. A foo n yoo ne ǹ zia kurun tumaa li. A n li a ǹ tumaa bɔ̀n baa ka lenlen. A n woe ǹ ne bɔlɔ kuru ǹ bǎã nɛ.

Izayii 65:12

Sisia kəni, man die ka we kaa zɔ́ɔn gɔn. Ka tumaa n die n musin koɛ tán, ǹ ka bɔlɔ kuru. A giala, má lɛ dia, sɛnɛ ka n nyəə wa. Má boo da ka nɛ, sɛnɛ ka n too kɔ wa. Sii mɛn bɛ́ a kɔɔ̃n ma ganaa wa, ka n bɛ zɛnɛɛ. Sii mɛn bɛ́ a ma foo sii wa, ka n bɛ zɛnɛɛ.

Zeremii 25:31

A bɛ́ bìn diɛ mɛn we, bɛ n doe kanaa lɛdan ganaa. Dɛnaa Lawa n kiri we tɔrɔn ganaa. A n minbuiin nɛ tumaa bíi we kiri wɔ ǹ bǎã nɛ. Min baraan kɛn, bɛn man die gɔya sa gɛ̀ we. Dɛnaa Lawa a da ǹ boo ne.

Zeremii 25:33

Bɛa pinaa lɛ nɛ, Dɛnaa Lawa taman yii, geren tá re goɛ̃ kanaa paǹ tumaa nɛ, a kũ a paǹ goon kɛ ganaa a wo a paǹ goon kɛ dɔ yaa. Bɛ̀ bɛ nə́ n zɛnaa, min kɔn ba re wuu pii a geren la wa, min kɔn ba re a geren goɛ, a ǹ bĩ wa. Maǹ die n biɛ ka yisi bɛ́ lɔn.

Zeremii 45:5

Sɛnɛ nsɛ n nɔ̀n diɛ sii dadaran li n din wɔ lɛa! N nyan màn kɔn nyankɔ wa. Á ke, man koe boe màn yiikoonaa tumaa ganaa, Dɛnaa Lawa a da ǹ boo ne. Sɛnɛ nsɛ, n bɛ́ re màn mɛn yii, bɛ á ke: N bɛ́ re woe bǎã woo bǎã nɛ, n yii á re goɛ̃ koo.

Zeremii 46:15

Wàa na á baa ǹ nə́ kaa zia-baali zanbian kɛn naa? Ǹ ba boe la ǹ tá n gòãn doɛ wa, a giala Dɛnaa Lawa na á ǹ bɔ á ǹ kaa!

Ezekieli 28:18

N sii baraa damata kɛ lɛ taman yii, n mɛnaa minin la kɛ lɛ, n pii-kɔ gɔ́ɔ̃ nɛ, ń nə́ n Lawa guguru kɔ ǹ bǎãn lɛn ziziɛ̃. Bɛ lɛ n ke ma á re yui ka tɛ nɛ n kiwi lɛ bii, bɛa tɛ lɛ á re n kuĩ. N tá re ton biɛ tán, n gamaa wolen tumaa yɔrɔ-a.

Ezekieli 38:17

Masɛ Dɛnaa Lawa n kɛ pii: «Man má n din lɛ boo da maa dí-nyali Izirayeli a Lawa a boo gii-dalin kɛn manɛ haalɛ bibi. A kũ bɛa biikoo lɛ ganaa, bɛn nə́ n boo da lɛ̀ damata gɔ́ɔ̃ nɛ. Man die n din lɛ diɛ, n wo maa minin lɛn gialaa.

Ezekieli 5:15

Ma á re dɔlɔ boe a ganaa ka ma foo ne, ka kakaarɛbaa nɛ, ma a sɔ̀n pɛ taãn-taãnɛ. Bɛ̀ ma bɛ zɛnaa ǹ mɛn waáraa, tɔrɔn mɛnɛn bɛ́ a lɛnpɛnɛ, bɛn tá re sɔ kiɛ la, ǹ da yaa lɛa. Bɛ lɛ á re min kɔsɔn doree, a nyɛ́ɛ da ǹ ganaa. Ma din Dɛnaa Lawa n ma pɛ.

Zowɛli 3:2

Bɛa biikoo lɛ li, haalɛ bɛ̀rɛgiĩn laanka bɛ̀rɛlɔn nɛ, ma á re ma yiri koe bɛn dɔn la.

Amɔɔsi 7:4

Dɛnaa Lawa lɛ màn mɛn nyaa ma-n doo, bɛ á ke: Dɛnaa Lawa lɛ na á lɛ dia tɛ la, á n dɔlɔ boe ne. Tɛ lɛ a gusuũ tán mu gole kɛ piɛ̃, a n gána gialaa kuĩ.

Nahumu 3:15

Tɛ n die ka kuĩ ka gã walan hinlaa zia n die ka nyin boe. Kaa zɔ́ɔn man die ka soɛ̃ ka bisin bɛ́ màn soɛ̃ lɔn. Ninivu minin, ka bulubɔ, ka bulubɔ ka bisin bɛ́ lɔn.

Nahumu 3:3

Sùi dabaa-a wolen manə n daɛ kɔn la! Gɔya san man tɛ pii lon! Sɛmiɛ̃n man tɛ boe! Gere la yii ni! Geren man diɛ-n kɔn la! Lɛ ba ǹ la wa! Maǹ nə́ n gòã niɛ̃ gere ganaa bǎã yii ni!

Zakarii 14:5

Bɛa nyankɔrɔ lɛ kɛ lɛ kelen lɛn bii ni, ka n die baa sii ka bɔ ka bɛ lɛ nɛ, a giala, a n woe yǎa Asali. Ka n die baa sii, ka ka digolon wɔ bɛ́ lɔn, Zudaan kii Oziasi a waáraa, tán a bìn diɛ pinaa. A da yaa, Dɛnaa Lawa, maa Lawa n die die ka a lon a dia dí-a wolen kɛn tumaa nɛ.