Izayii 66:15 - LAWA A BOO SONBORE

¹⁵ Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

LAWA A BOO SONBORE 2011

¹⁵ Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Izayii 66:15 ပူးပေါင်းရင်းမြစ်များ

Loen 11:6

Á re kiribi tɛdɛnaa kiɛ min baraan kɛn la. Piɛ̃ mɛn bɛ́ min tiɛ̃, bɛ á re ǹ wɔ gii biɛ.

Loen 18:9

A nyin kàràn yii n tɛmaa boe, tɛ babaraa n soe a lɛ-n, kun ka tɛ nàn nɛ boe a paǹ yii-a.

Loen 21:9

Kii, n gɔn tá re doe n zɔ́ɔn kɛn tumaa ganaa, n gɔn tá re doe n baa zɔ́ɔbaa wolen kɛn ganaa.

Loen 50:3

Wɔa Lawa lɛ á die, a re n lɛ tiɛ̃ wa. Tɛ n wɔlɔ kuĩ a nyɛɛnɛ, piɛ̃ gole n boe a lɛnpɛnɛ.

Loen 68:17

Basan kele! Nsɛ mɛn mìi bɛ́ gigiã, wàa na á baa, n tá miã goã boe kele kɔsɔ kɛ ganaa, Lawa din bɔ, mà asɛ n giɛ̃ la? Hiĩ Dɛnaa Lawa n die giɛ̃ la, yǎa duduu.

Loen 97:3

Tɛ n tɔ we a nyɛɛnɛ, a na a zɔ́ɔn tiɛ̃ paǹ tumaa li.

Izayii 10:17

Dɛnaa Lawa ke Izirayeli a wɔlɔ fúlu lɛa, á re tɛ biɛ. A sonborebaa kɛ n die tɛ biɛ, a nyan tewonən kɛn kũ, a ǹ nya lɛawaa goon toto.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 30:30

Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Izayii 31:9

Ǹ kii gɔ̀nɔn tá re bìn diɛ nyɛ́ɛ gɔn a baa si. Ǹ kiãn foo á re ziziɛ̃, ǹ nə ǹ zanzan daa, Dɛnaa Lawa a da ǹ boo ne, asɛ mɛn a tɛ buə̃ bɛ́ Siɔn, a tɛ koa-n Zeruzalɛmu.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Izayii 5:28

Ǹ kiɛn lɛn man pɛpɛnɛ, ǹ san maǹ dii ni. Ǹ sùin gòon tɔnɔn maǹ kaka ka kɔlɔ bɛ́ lɔn. Ǹ ziabaa ǹ wotoron yii n fuu ka la piɛ̃ bɛ́ lɔn.

Izayii 51:20

N nɛnyaanan man tán-a zii tumaa mìi ni, pàã ba ǹ lon wa, ka don a luu bɛ́ lɔn kan kũ, Dɛnaa Lawa a foo yoo taman yii, n Lawa a paraa-mali kɛ taman yii.

Zeremii 25:37

Dɛnaa Lawa a foo-yoo gole kɛ taman yii, bǎã sonboren kɛn tumaa nyɛɛ kiĩni.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zeremii 4:3

Á ke, Dɛnaa Lawa n kɛ pii Zudaa laanka Zeruzalɛmu minin manɛ: Ka sɔ́ dii dɛ kaa wɔ lɛa. Ka nyan màn da nyan bii doo wa!

Zeremii 46:15

Wàa na á baa ǹ nə́ kaa zia-baali zanbian kɛn naa? Ǹ ba boe la ǹ tá n gòãn doɛ wa, a giala Dɛnaa Lawa na á ǹ bɔ á ǹ kaa!

Ezekieli 38:17

Masɛ Dɛnaa Lawa n kɛ pii: «Man má n din lɛ boo da maa dí-nyali Izirayeli a Lawa a boo gii-dalin kɛn manɛ haalɛ bibi. A kũ bɛa biikoo lɛ ganaa, bɛn nə́ n boo da lɛ̀ damata gɔ́ɔ̃ nɛ. Man die n din lɛ diɛ, n wo maa minin lɛn gialaa.

Ezekieli 5:15

Ma á re dɔlɔ boe a ganaa ka ma foo ne, ka kakaarɛbaa nɛ, ma a sɔ̀n pɛ taãn-taãnɛ. Bɛ̀ ma bɛ zɛnaa ǹ mɛn waáraa, tɔrɔn mɛnɛn bɛ́ a lɛnpɛnɛ, bɛn tá re sɔ kiɛ la, ǹ da yaa lɛa. Bɛ lɛ á re min kɔsɔn doree, a nyɛ́ɛ da ǹ ganaa. Ma din Dɛnaa Lawa n ma pɛ.

Ozee 8:7

Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Amɔɔsi 7:4

Dɛnaa Lawa lɛ màn mɛn nyaa ma-n doo, bɛ á ke: Dɛnaa Lawa lɛ na á lɛ dia tɛ la, á n dɔlɔ boe ne. Tɛ lɛ a gusuũ tán mu gole kɛ piɛ̃, a n gána gialaa kuĩ.

Nahumu 1:6

A foo-yoo gɔ́ɔ̃ nɛ, die n boe la a gole a yɔrɔ-a? Die yii n boe la a goã koo a foo-yoo baraa kɛ gɔ́ɔ̃ nɛ? A foo-yoo n ka tɛ bɛ́ lɔn, wɔlɔ tumaa kuĩ, haalɛ gɛ̀fu din nə yɔyɔrɛ a nyɛɛnɛ.

Abakuku 3:8

Dɛnaa Lawa, n foo n yoo-n tàn li? N foo n yoo-n tàn li sonbore? Bɛ̀ n tá kiɛ̃ n gɔ̀lɔ̀baa ǹ wotoro kɛ nɛ ka n sùin ni, n foo n busi yìsi mu gole kɛ li?

Zakarii 6:1

Má n yii saa lon doo, ma yii n ziabaa ǹ wotoro sii ganaa. Maǹ kiɛ̃ kele màn paa bii n ni. Bɛa kelen lɛn man zan lɛa.

Matiə 22:7

Kii lɛ foo yoo. A ná a sɔraasin dia, mà ǹ wo bɛa gɛ̀-dɛlen kɛn lɛn dɛ, ǹ tɛ da ǹ kiwi ganaa.

Timəə dí-pɛn 28:20

Ka bɛ́ re n gɔn diɛ dí woo dí ganaa mà ka n nyɛɛ, Dɛnaa Lawa á re bɔ̀n diɛ ka ganaa bɛ gɔ́ɔ̃ nɛ, a nyɛ́ɛ laanka gɔ́ɔ̃-bii da ka ganaa, yǎa ka giɛ̃ lenlen ka nyɛɛ bǎã goon ne, kaa sii baraa kɛ taman yii ká zɛnaa. A giala, ka n ká tii.

Piɛrɛ2 3:7

Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.