Izayii 66:14 - LAWA A BOO SONBORE

¹⁴ Ka á re bɛ yii, ka foo á re kɔɔ̃n koe, ka wen nə wusoo ǹ yiikoonaabaa yɛ ka buu bɛ́ lɔn la kio. Min mɛnɛn bɛ́ dí nyɛɛ Dɛnaa Lawa nɛ, á re n pàã nyɛɛ bɛn manɛ. Sɛnɛ, a zɔ́ɔn kɛn tá re a foo yoo kɛa gugurubaa yii.

LAWA A BOO SONBORE 2011

¹⁴ Ka á re bɛ yii, ka foo á re kɔɔ̃n koe, ka wen nə wusoo ǹ yiikoonaabaa yɛ ka buu bɛ́ lɔn la kio. Min mɛnɛn bɛ́ dí nyɛɛ Dɛnaa Lawa nɛ, á re n pàã nyɛɛ bɛn manɛ. Sɛnɛ, a zɔ́ɔn kɛn tá re a foo yoo kɛa gugurubaa yii.

Izayii 66:14 ပူးပေါင်းရင်းမြစ်များ

Ɛsidrasi 7:9

Sonbore, Ɛsidrasi lɛ na á soo Baabilonii, mui bibinaa a giala kɔ pinaa. A Lawa sonbore lɛ bɛ́ kun ni, a na á dɔ Zeruzalɛmu, lɛ̀ a mui soorobaa ǹ wɔ a giala kɔ pinaa.

Ɛsidrasi 8:18

Wɔa Lawa lɛ bɛ́ kun wɔ nɛ, bɛ lɛ na á toa ǹ nə́ tɔ́n giĩ sii-dɔ̃li goon dia wɔ la. Mayili tɔrɔ goon nə ka bɛa giĩ lɛ nɛ, Levii tɔrɔ nɛ, Izirayeli min ni, a tɔ n Serebia. A nɛgiĩn laanka ǹ dɔɔ̃nɔn man min fulukiwisi ǹ nə́ daa kun ni.

Ɛsidrasi 8:22

A giala sìi na á goã ma ganaa, ma kii lɛ nyankɔ máa a sùidɛnaa zia-baalin kɔ, ǹ wɔ tamaa zii la wɔa zɔ́ɔn ganaa. A giala, wɔ n wɔ́ goã wɔ́ pɛ kii lɛ nɛ kɛnɛn: «Min mɛnɛn bɛ́ giɛ wɔa Lawa lɛ li, a n kun ka bɛn nɛ. Sɛnɛ, min mɛnɛn bɛ́ n piɛ̃ nɛ, a foo n yoo-n bɛn li taãn-taãnɛ.»

Ɛsidrasi 8:31

Wɔ n wɔ́ n toa Aawaa tà li, mui bibinaa a lɛawaa fulupaabaa ǹ wɔ pinaa, wɔ́ woo Zeruzalɛmu. Wɔa Lawa lɛ goã kun wɔ nɛ zii tɔ lɛ gɔ́ɔ̃ nɛ, á wɔ si wɔa zɔ́ɔn la, ka kuu-kɔlen kɛn nɛ, minin mànan sii ǹ la ka pàã nɛ.

Loen 107:42

Bɛ̀ min peperen nə́ bɛ yɛ, manə n nyɛnyɛɛ, sɛnɛ, min baraan kɛn manə n lɛ tiɛ̃ ka kiĩn.

Suusun 17:22

Foo kɔɔ̃n tá boe la a busu nya, sɛnɛ foo ziziɛ̃ n pǎã wɛɛ diɛ.

Suusun 3:8

Bɛ á re kakabaa koe n la, a pàã kɔ n la.

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 13:5

Dɛnaa Lawa laanka min mɛnɛn bɛ́ re a foo-yoo kɛa dɔlɔ boe, maǹ boe bǎã sɔsɔɔ nɛ, tán lɛ dan ganaa. Maǹ die gána lɛ tumaa yui.

Izayii 26:19

Maa zaman, n geren yii á re kiɛ ǹ mɛnɛn bɛ́ yala-n, bɛn yii á re kiɛ. Ka yoo ka n bɔ geren li ka foo kɔɔ̃nbaa ǹ lɛ dɛ kasɛn mɛnɛn bɛ́ gusuũ li! Dɛnaa Lawa á re tɛ fúlu diɛ ka pele wɔ bɛ́ lɔn. Bɛ lɛ pàã ganaa, tán a geren yii á re kiɛ.

Izayii 26:20

Maa zaman, wo piɛ, n nə n kiɛnlɛn tã n kio. N duru boɛɛnɛ, n toa Dɛnaa Lawa a foo-yoo kɛ kiɛ̃.

Izayii 30:27

Dɛnaa Lawa á ke, a n boe tìãlɛa die. A foo-yoo n tɛ lɛa ka kurukuru. Foo-yoo nə n daa a lɛ la. A da ǹ boo n ka tɛ bɛ́ lɔn màn kuĩ.

Izayii 33:20

Siɔn, ga wɔa zɔ́n zɛnaa ǹ kiwi kɛ ganaa! N tá re Zeruzalɛmu yii, a n die goɛ̃ foo doa ǹ bǎã lɛa n wɔ lɛa, ka zìã á ke lɔn, bǎã goon ne. Ǹ ba re a dere ǹ kiɛn kɛn woɛ̃ doo wa, ǹ ba re a biɛn fore wa.

Izayii 34:2

Dɛnaa Lawa foo n yoo-n tɔrɔn tumaa li. A foo n yoo ne ǹ zia kurun tumaa li. A n li a ǹ tumaa bɔ̀n baa ka lenlen. A n woe ǹ ne bɔlɔ kuru ǹ bǎã nɛ.

Izayii 35:2

Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Izayii 41:20

Ka bɛ nɛ, min tumaa á re yii, min tumaa á re doɛ̃, min tumaa á re n yiri koɛ li, ǹ na a giala ma, mà Dɛnaa Lawa na á siin kɛn lɛn zɛnaa, mà Izirayeli a Lawa sonbore na á ǹ zɛnaa.

Izayii 42:13

Dɛnaa Lawa nə n zoɛ̃ woe ka sɔraasi foo kaka-a bɛ́ lɔn. Foo tãbaa na a nɛ ka zia-baali zanbia bɛ́ lɔn. A n gɔ̀lɔ̀baa ǹ lɛ-dɛ we, a n ziabaa ǹ lɛ dɛ gole we, a n boe a zɔ́ɔn la.

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Izayii 59:18

Minin nə kɔnbɔ ka màn mɛn nɛ, a n die bɛ sarɛɛ ǹ la. A foo-yoo kɛ na a zia baa kɔn wolen wɔ lɛa, a dɔlɔ na a zɔ́ɔn wɔ lɛa, mu gánan mɛnɛn da bii, bɛn nə kɔnbɔ ka màn mɛn nɛ a n die bɛ sarɛɛ ǹ la.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Zakarii 10:7

Efrayimu minin foo n die tã koe, ka zia-baali zanbian bɛ́ lɔn. Ǹ foo n die kɔɔ̃n koe, ka maǹ nə́ duvɛ̃ mi. Ǹ nɛnyaanan tá re bɛ yii, maǹ die goɛ̃ ǹ foo n kɔɔ̃nɛ, ǹ nə n nyɛnyɛɛ Dɛnaa Lawa taman yii.

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.

Zaã a sɛ́wɔ 16:22

Ka dɔn yɔrɔ n kɔsiɛ-n miɛ̃ sisia; sɛnɛ, wɔ á re wusii wɔ kɔn yɛ, ka á re n nyɛnyɛɛ bɛa pinaa, màn kɔ́n dɔ a re boe la, a bɛa nyɛnyɛɛ kɛ bɔ a bɔ ka foo-n wa.

Ebrəə 10:27

Sɛnɛ, yii da kiri-kurii laanka tɛ la dinsɔɔ̃ na a tan, bɛ n nyɛ́ɛ sii gole lɛa. Bɛa tɛ lɛ n die Lawa bɔlɔ tii wolen kuĩ ka lenlen.