Izayii 66:12 - LAWA A BOO SONBORE

¹² Dɛnaa Lawa n kɛ pii: Á ke, man die là nyantoro diɛ baa si ganaa Zeruzalɛmu ka tà bɛ́ lɔn, tɔrɔ kɔsɔn naforo kɛ baa si ka mu zii bɛ́ lɔn á pã á toɛ̃. Man die ka tamɛɛ ka lɔ bɛ́ a nɛnyaan tiɛɛ̃n tamɛɛ lɔn: a n diɛ a kolo-n, a bɔ a da a gòã la, a na a là wɔraa.

LAWA A BOO SONBORE 2011

¹² Dɛnaa Lawa n kɛ pii: Á ke, man die là nyantoro diɛ baa si ganaa Zeruzalɛmu ka tà bɛ́ lɔn, tɔrɔ kɔsɔn naforo kɛ baa si ka mu zii bɛ́ lɔn á pã á toɛ̃. Man die ka tamɛɛ ka lɔ bɛ́ a nɛnyaan tiɛɛ̃n tamɛɛ lɔn: a n diɛ a kolo-n, a bɔ a da a gòã la, a na a là wɔraa.

Izayii 66:12 ပူးပေါင်းရင်းမြစ်များ

Izayii 14:2

Tɔrɔ kɔsɔn tá re Izirayeli minin kuĩ ǹ wo ǹ koa ǹ gána nɛ. Dɛnaa Lawa a tán la walan, Izirayeli minin lɛn tá re n bɔyɛɛ ǹ bɛa minin lɛn baa bɛ̀rɛn lɛa, giĩn laanka lɔn nɛ. Min mɛnɛn nə ǹ baa bɛ̀rɛn lɛa lɛlɛ, ǹ dɔn tá re bɛn biɛ bɛ̀rɛn lɛa. Min mɛnɛn nə nɔmaa da ǹ mii-n lɛlɛ, ǹ dɔn tá re bɛn kiãn biɛ sisia.

Izayii 26:3

Min mɛn bɛ́ n foo doɛ Dɛnaa Lawa ganaa bɛa dɛnaa n yii nyɛɛ taãn yii, a giala a foo n doa nɛ a din ganaa.

Izayii 33:21

Dɛnaa Lawa n die a siĩnbaa nyɛɛ wɔ-n walan lɛn, bɛa bǎã lɛ n die kɔ̀ dadaran, laanka mu zii dadaran bǎã biɛ. Ziabaa ǹ mu la ǹ goo ba re boe walan wa, mu la ǹ goo dadaran ba re kiɛ̃ a-n wa.

Izayii 45:14

Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

Izayii 48:18

Bɛ̀ ma n nə́ n yiri koa maa dí-pɛn kɛn li, bɛ̀ n yii-nyɛɛ n goɛ̃ ka tà mu bɛ́ lɔn, n peperebaa goã ka yìsi mu gole bɛ́ lɔn,

Izayii 54:13

Masɛ Dɛnaa Lawa á re n nɛnyaanan tumaa darɛɛ. Ǹ tá re goɛ̃ yii-nyɛɛ gole gɔ́ɔ̃ nɛ.

Izayii 54:3

A giala, n tá re n lɛ boe la paǹ yii li. N nɛgiĩn tá re n miãkɛnɛn gánan sii, ǹ nə n kɔ lɛ. Ǹ tá re wusii ǹ giã kiwi gɔ́ɔ̃ kooraan kɛn nɛ.

Izayii 59:19

A kũ lɛ̀nyɛɛn ganaa min tumaa á re Dɛnaa Lawa tɔ guguru koe, a wo lɛ̀giala yaa, ǹ tumaa á re a tɔ a gugurubaa doɛ̃. Dɛnaa Lawa n die die ka mu tii bɛ́ lɔn nyankɔrɔ basa nɛ, piɛ̃ n noɛ̃ die ne.

Izayii 60:16

N tá re tɔrɔ kɔsɔn bɔ̀nyaa mii, n nə ǹ kiin naforo bii. Ka bɛ-n kəni, n tá re doɛ̃ mà masɛ Dɛnaa Lawa nə n kirisibaali lɛa, mà Zakɔba a Lawa Pàãyiidɛnaa nə n si sii la wole lɛa.

Izayii 61:6

Sɛnɛ, kasɛn tɔ n die goɛ̃: «Dɛnaa Lawa a wúlu-bɔlen.» Ǹ tá re ka bíi, «Wɔa Lawa a dí-nyalin» Ka á re là yii tɔrɔ kɔsɔn gɔn mànan ganaa, ka n dinin gole kɔ ǹ naforon kɛn taman yii.

Izayii 66:11

Nɛ ǹ dan nyɔ bɛ́ piɛ̃ lɔn a nɛ tiɛɛ̃n mi ka foo kɔɔ̃n nɛ a kã, ka dɔn tá re kiɛ̃ miɛ̃, a ka foo waa.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Zeremii 33:6

Sɛnɛ, ma á re dagòã diɛ ǹ ganaa, ma ǹ kaka kɔ, ma á re là nyantoro taãn-taãn koe ǹ la ka bɔlɔ goondɛnaabaa nɛ.

Azee 2:9

Lawa a kion dii ke a gugurubaa á re n gɔn sii a zizi kɛ wɔ la lenlen. Ma á re yii-nyɛɛ diɛ a nɛ. Dɛnaa Lawa Pàãyiidɛnaa a da ǹ boo n ka kɛ nɛ.