Izayii 66:10 - LAWA A BOO SONBORE

¹⁰ Kasɛn mɛnɛn bɛ́ Zeruzalɛmu n kɔɔ̃n ka ganaa, ka n nyɛnyɛɛ kun ni. Ka goã foo kɔɔ̃n kɔ gole la kun ni. Kasɛn mɛnɛn nə goã gɛ̀ koɛ a koen kɛn taman yii, ka foo kɔɔ̃n gole kɛ gii kɔn nɛ kanna kəni!

LAWA A BOO SONBORE 2011

¹⁰ Kasɛn mɛnɛn bɛ́ Zeruzalɛmu n kɔɔ̃n ka ganaa, ka n nyɛnyɛɛ kun ni. Ka goã foo kɔɔ̃n kɔ gole la kun ni. Kasɛn mɛnɛn nə goã gɛ̀ koɛ a koen kɛn taman yii, ka foo kɔɔ̃n gole kɛ gii kɔn nɛ kanna kəni!

Izayii 66:10 ပူးပေါင်းရင်းမြစ်များ

Loen 122:6

Ka Lawa nyankɔ a là nyantoro kɔ Zeruzalɛmu la. Min mɛnɛn bɛ́ kiwi lɛ narɛ, bɛn die ǹ là nyantoro yɛ.

Loen 137:6

Bɛ̀ n sii goã ma yiri-n wa, bɛ̀ ma Zeruzalɛmu da nyɛɛn wa, maa foo kɔɔ̃n sii tumaa nyɛɛn wa, ma lɛwɔn dama ma kəərin li.

Loen 26:8

Dɛnaa Lawa, n giã ǹ kion kɛ tá kɔɔ̃n ma ganaa. N gugurubaa kɛa giã ǹ bǎã á kɔɔ̃n ma ganaa.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 35:2

Buũ kɔ! N nyɛnyɛɛ, n bɛ̀ baa n nə n lɛ dɛ ka foo kɔɔ̃n nɛ! Dɛnaa Lawa á re n siĩn koe ka Liban a kelen kɛn bɛ́ lɔn. Á re Karmɛli kele laanka Saron a bɔmɔn siĩnbaa kɛ koe n la. Bɛa biikoo li, min tumaa á re Dɛnaa Lawa a gugurubaa yii, a wɔa Lawa a siĩnbaa yɛ.

Izayii 44:23

Nsɛ, lon, loe lɔ ka foo kɔɔ̃n nɛ. Nsɛ, tán giulun, n lɛn saa lon, a giala, Dɛnaa Lawa na á sii zɛnaa. Kasɛn kelen laanka dan kɛn nɛ daã nɛ, ka n lɛ dɛ ka foo kɔɔ̃n nɛ. A giala, Dɛnaa Lawa ná a zaman kirisibaa, a ná a tɔ golebaa nyaa Izirayeli gána nɛ.

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Izayii 65:18

Ka n nyɛnyɛɛ, ka foo n kɔɔ̃n biikoo tumaa li, sii kɛ taman yii ma á re zɛnɛɛ. A giala, á ke, man die Zeruzalɛmu biɛ kiwi lɛa, piɛ̃-n ka foo kɔɔ̃n nɛ. A zaman tá re goɛ̃ nyɛnyɛɛ la.

Izayii 9:3

Sonbore, zǔu mɛn goã n zaman wìi li, n goã ǹ dii ka dɔ̀rɔ̀n mɛnɛn nɛ, ka sɛ̌nɛn kɛn nɛ ń goã ǹ duwii ni, ń bɛn yiyiɛ, ka n bɛ́ n gɔ̀lɔ̀baa yɛ Madiã minin la lɔn lɛlɛ.

Ezekieli 9:4

á pɛ nɛ: «Kiɛ̃ n nə n bibiə̃ Zeruzalɛmu kiwi lɛ gɔ́ɔ̃ nɛ. Giĩn mɛnɛn bɛ́ gini, ǹ nə́ wuu pii sii bɔbɔnɛɛn kɛn tumaa taman yii minin nə́ zɛnɛɛ kiwi lɛ gɔ́ɔ̃ nɛ, nyaǹ da bɛa giĩn lɛn nyanlɛ ganaa.»

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.