Izayii 65:7 - LAWA A BOO SONBORE

⁷ Ǹ siɛ̃n nɛ, ka ǹ digolon wɔ nɛ, ma á re bɛa gɛ̀ dòo boe ǹ ganaa. A giala, ǹ digolon man nə́ da yon gìĩ kɔɔ̃n tã kelen la, ǹ nə́ sɔ kɔ ma ganaa tentenen la. Sisia kəni, ǹ sii mɛn tumaa zɛnaa lɛlɛ, man die bɛ tumaa a dɔlɔ boe ǹ ganaa. Ma din Dɛnaa Lawa n má pɛ.

LAWA A BOO SONBORE 2011

⁷ Ǹ siɛ̃n nɛ, ka ǹ digolon wɔ nɛ, ma á re bɛa gɛ̀ dòo boe ǹ ganaa. A giala, ǹ digolon man nə́ da yon gìĩ kɔɔ̃n tã kelen la, ǹ nə́ sɔ kɔ ma ganaa tentenen la. Sisia kəni, ǹ sii mɛn tumaa zɛnaa lɛlɛ, man die bɛ tumaa a dɔlɔ boe ǹ ganaa. Ma din Dɛnaa Lawa n má pɛ.

Izayii 65:7 ပူးပေါင်းရင်းမြစ်များ

Kiin1 22:43

Zozafati na á ǹ di a tɔ wɔ ǹ gɔn saa, a ǹ kɔn toa walan wa. Màn mɛn bɛ́ pepere Dɛnaa Lawa yɔrɔ-a, a na á goã bɛ zɛnɛɛ.

Kiin1 22:44

Sɛnɛ wúlu bɔ ǹ bǎãn mɛnɛn nə goã ǹ tan, bɛn nə papaã wa. Zaman lɛ na á goã tɔn woe wúlu boe bɛa wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la.

Kiin2 12:3

Sii mɛn bɛ́ pepere Dɛnaa Lawa yii li, Zoasi bɛ zɛnaa a yiikoonaabaa tumaa gɔ́ɔ̃ nɛ. A giala Lawa a wúlu-bɔle Zozadaa lɛ na á goã darɛɛ.

Kiin2 14:4

Sɛnɛ wúlu bɔ ǹ bǎãn nə papaã wa, zaman lɛ na á goã tɔn woe wúlu boe, bɛa wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la.

Kiin2 15:35

Sɛnɛ wúlu bɔ ǹ bǎãn kɛn nə papaã wa, zaman lɛ na á goã tɔn woe wúlu boe wúlu bɔ ǹ bǎãn lɛn la, ǹ da yon gìĩ kɔɔ̃n tã ǹ la. Lawa a kion a kiɛnlɛ gole ke, Zoatamu din na á dɔ.

Kiin2 16:4

Á goã wúlu boe bɛ̀ a màn giĩ kɔɔ̃n tã, wúlu bɔ ǹ bǎãn la, tentenen la nɛ, dan mɛnɛn tumaa luu bɛ́ buruu ka bɛn giulun ni.

KZS2 21:11

Zoraamu lɛ wúlu bɔ ǹ bǎãn dɔ Zudaa kelen la, á Zeruzalɛmu minin laanka Zudaa min kɔsɔn kɛn kaa lawa kɔsɔn guguru kɔ ganaa.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Izayii 10:12

Sɛnɛ, bɛ̀ Dɛnaa nya a dín kɛn ganaa *Siɔn kele la ka Zeruzalɛmu ni ǹ mɛn waáraa, á re yui Asiiriin kii gialaa, a din gole kɔ laanka a din koa kɛ taman yii.

Izayii 13:11

Dɛnaa Lawa pɛ: «Man die dɔlɔ boe kanaa ganaa a baraabaa kɛa lɛa, ma dɔlɔ bɔ min baraan ganaa ǹ gɛ̀ dɛ a lɛa. Din koa wolen dankarabaa ke, ma á re bɛ papaɛ̃, ma pàã-zɛnaalin din gole kɔ kɛ nya.

Izayii 22:14

Sɛnɛ, Dɛnaa Lawa Pàãyiidɛnaa boo durii kɛ pɛ ma nɛ: «Ma nə n liɛ, ma a sii baraa kɛ toɛ ka-n duduu kaa yiikoonaabaa gɔ́ɔ̃-n wa.» Dɛnaa Lawa Pàãyiidɛnaa na á pɛ kɛnɛn.

Izayii 26:21

A giala, á ke, Dɛnaa Lawa soo kion. A n die dɔlɔ boe minbuiin nɛn ganaa, ǹ sãn taman yii. Mà mɛn kaa, tán tá re toɛ bɛ yɛ. Ǹ min mɛnɛn dɛ, a re bɛn duri doo wa.

Izayii 28:21

Dɛnaa Lawa n die sii zɛnɛɛ ka Perasimu a nyankɔrɔ basa bɛ́ lɔn. Bɛ̀ á re a dí nyɛɛ, a foo-yoo á die a gɔ̀nɔn diɛ bìn diɛ ganaa, ka Gabawɔ̃ nyankɔrɔ basa wɔ bɛ́ lɔn. Sɛnɛ, a n die goɛ̃ tɔwaa ǹ dí lɛa. A bɛ́ re dí mɛn nyɛɛ, bɛ n die goɛ̃ kaãbaa ǹ dí lɛa.

Izayii 29:14

Bɛ lɛ nɛ, á ke, man die kaãbaa ǹ siin zɛnɛɛ, ma maa zaman tɔwaa nɛ. Ta ǹ tá sii-dɔ̃lin lɛa, ǹ ba re màn kɔn giala miɛ ǹ nɛ wa. Ta ǹ tá yiridɛnan lɛa, ǹ doɛ̃ wolen ba re boe la ǹ sii kɔn giala pɛ wa.»

Izayii 3:11

Sɛnɛ, min baraan wɔ n ka bɔ̀n nɛ, bɔ̀n woo bɔ̀n. A giala, a baraa mɛn zɛnaa, bɛ lɛ n die kuĩ a mìi ni.

Izayii 30:13

Sisia kəni, bɛa sã kɛn die n biɛ ka ganaa ka kungɔn bɛ ke á yu lɔn. Kungɔn lɛ n kolo boe, a bɔ a kaa bǎã goon ne.

Izayii 30:14

Kungɔn lɛ n die yɔyɔrɛ, a lɛkara mɔnaa ka gì-bɔle a tàan bɛ́ lɔn. Á yɔyɔrɛ á la yii ni, lɛkara golon ba yii a bii min boo la a tɛ bɔ nɛ, hinlaa a mu si-n tù lɛ-a wa.»

Izayii 57:12

Sɛnɛ, ma á re n peperebaa kɛ nyɛɛ foaã nɛ. N sii mɛn zɛnaa, n ba re a là goon yii wa.

Izayii 57:7

Kele sasa mìi ni, ń waa ǹ bǎãn zɛnaa. Walan lɛ nɛ n tá dii bɛ̀ n wúlu bɔ.

Izayii 59:18

Minin nə kɔnbɔ ka màn mɛn nɛ, a n die bɛ sarɛɛ ǹ la. A foo-yoo kɛ na a zia baa kɔn wolen wɔ lɛa, a dɔlɔ na a zɔ́ɔn wɔ lɛa, mu gánan mɛnɛn da bii, bɛn nə kɔnbɔ ka màn mɛn nɛ a n die bɛ sarɛɛ ǹ la.

Izayii 65:6

Sɛnɛ, má n yiri koa bɛ tumaa li. Ma a re n lɛ tiɛ̃ doo wa. Ma á re dɔlɔ gole diɛ ǹ mìi ni bɛ taman yii.

Izayii 66:4

Á bǐɛ̃ kɔ, ma dɔ n die koe yɔrɔ boe ǹ wɔ lɛa. Sii mɛn bɛ́ nyɛ́ɛ diɛ ǹ ganaa, man die bɛ lɛ diɛ ǹ la. A giala, má lɛ dia, min kɔn ma lɛ si wa. Má boo da, min kɔn nə n too kɔ wa. Sii mɛn bɛ́ bɔbɔnɛɛ ma yii li, ka sii mɛn bɛ́ a kɔɔ̃n ma ganaa wa, ka ǹ bɛ lɛ zɛnɛɛ.

Zeremii 13:25

Dɛnaa Lawa a da ǹ boo á ke: Zeruzalɛmu, sii mɛn bɛ́ re n yii, ma sii mɛn yɔrɔ bɔ n wɔ lɛa, bɛ á ke. A giala, n yiri bɔ ka ma nɛ ń nə n foo doa lawa kooron ganaa.

Zeremii 13:27

Áh! Má n naarɛbaa kɛ yɛ, n foo kɔɔ̃n lɛ dian kɛn nɛ, n sìi da ǹ kɔrɔbaa kɛ nɛ, kelen la, wurun ni. Má n dì bɔbɔnɛɛn kɛn yɛ. Wàa koe n ka kɛ nɛ Zeruzalɛmu ganaa? N ba li n nə n din *yoreen kɔ wa? Yǎa biĩ kəni?

Zeremii 16:18

Ma á re ǹ kiɛ ǹ gɛ̀-dɛ ǹ giɔ̀mɔ lɛ laanka ǹ sãn lɛn saraa a laman paa saraa ganaa. A giala, ǹ nə́ *gɔ̀ da maa gána lɛ ganaa ka ǹ màn nyín gere bɔbɔnɛɛn kɛn nɛ. Gána mɛn bɛ má bɔ má koa maa wɔ lɛa, ǹ nə́ bɛ pã ka màn bɔbɔnɛɛn nɛ.»

Zeremii 5:29

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Zeremii 5:9

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Ezekieli 18:6

Bɛa dɛnaa lɛa woe wúlu bɔ ǹ mànan kɛn bii kele la wa, a ba Izirayeli tɔrɔn kɛn dìn guguru koe wa. A ba we ǹ miã kɔsɔ a lɔ lɛ wa, bɛ̀ lɔ a lɛawaa tá a ganaa, a ba diɛ pìi-n wa.

Ozee 11:2

Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Lawa a wúlu-bɔlen 26:39

Ǹ min mɛnɛn yii bɛ́ re goɛ̃ koo, bɛn pàã á die nyɛɛ ǹ zɔ́ɔn gána lɛ nɛ, ǹ sii baraan kɛn taman yii. Ǹ digolon sii baraan nɛ, ka ǹ dinin wɔn lɛn nɛ, bɛn lɛn man die toɛ ǹ pàã nya.

Minin nimi 32:14

Á ke, ka dɔn man ka yoo tán ka digolon lɛn bǎã nɛ, sii baraa-zɛnaali tɔrɔn lɛa, ka n màn diɛ Dɛnaa Lawa a foo-yoo li, Izirayeli minin wɔ paǹ li.

Luku 6:38

Ka kɔn gɔ ka màn nɛ, ka zɔɔ̃ a dɔ, ka zɔɔ̃ ka munyəə, ka zɔɔ̃ ka zuzuu. Lawa wɔ a zɛnaa ǹ gɔn nɛ ka bɛ nɛ. Ka bɛ́ ka miãn gɔ ǹ màn zoɛ̃ màn mɛn ganaa, Lawa á die ka dɔn wɔ zoɛ̃ ka bɛ lɛ nɛ.»

Tesaloniki1 2:16

Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.