Izayii 65:6 - LAWA A BOO SONBORE

⁶ Sɛnɛ, má n yiri koa bɛ tumaa li. Ma a re n lɛ tiɛ̃ doo wa. Ma á re dɔlɔ gole diɛ ǹ mìi ni bɛ taman yii.

LAWA A BOO SONBORE 2011

⁶ Sɛnɛ, má n yiri koa bɛ tumaa li. Ma a re n lɛ tiɛ̃ doo wa. Ma á re dɔlɔ gole diɛ ǹ mìi ni bɛ taman yii.

Izayii 65:6 ပူးပေါင်းရင်းမြစ်များ

Loen 107:17

Ǹ Lawa bɔlɔ tii lɛ a lɛa, gialakunun nə́ baãnaan baa, ǹ sii baraan lɛn lɛa, ǹ nə́ nɔmaa kɔ ǹ dinin la.

Loen 109:14

Ǹ die ǹ nə ǹ di laanka ǹ digolon sii baraan pɛ, ǹ Dɛnaa Lawa yiri da a nɛ.

Loen 50:21

N màn mɛn zɛnaa, a din lɛ n ke. Ma á boe la man lɛ tã kɛ lɛ-a sonbore? Ma n taasɛ mà n miãn ka masɛ nɛ? N sii mɛn la, man die n zɛ̀rɛ biɛ, ma a tumaa pɛ ma kaa tán n giulun.

Loen 50:3

Wɔa Lawa lɛ á die, a re n lɛ tiɛ̃ wa. Tɛ n wɔlɔ kuĩ a nyɛɛnɛ, piɛ̃ gole n boe a lɛnpɛnɛ.

Loen 56:8

Bɛa sii kɔkɔrɔ kɛ lɛ tumaa kio, maǹ die wusii ǹ la? Lawa, n foo-busii gɔ́ɔ̃ nɛ, minin kɛn dɛ.

Loen 79:12

Dɛnaa, tɔrɔn mɛnɛn bɛ́ wɔ miãkɛnɛn lɛa, bɛn nə́ sɔ kɔ n ganaa. Bɛa sɔ kɛ lɛ a dòo a laman sɔbaa bɔ ǹ ganaa.

Bɔ bɛ̀rɛbaa nɛ 17:14

Dɛnaa pɛ Muizu ni: «Kɛ kiɛ̃ sɛ́wɔ nɛ, a goã gũ yiri ni ǹ sii lɛa. A pɛ Zozoe ne, mà má á re Amalɛki minin papaɛ̃ ka lenlen, min din ná a ba ǹ boo diɛ kanaa doo wa!»

Izayii 26:21

A giala, á ke, Dɛnaa Lawa soo kion. A n die dɔlɔ boe minbuiin nɛn ganaa, ǹ sãn taman yii. Mà mɛn kaa, tán tá re toɛ bɛ yɛ. Ǹ min mɛnɛn dɛ, a re bɛn duri doo wa.

Izayii 3:11

Sɛnɛ, min baraan wɔ n ka bɔ̀n nɛ, bɔ̀n woo bɔ̀n. A giala, a baraa mɛn zɛnaa, bɛ lɛ n die kuĩ a mìi ni.

Izayii 42:14

Haalɛ bibi, má n lɛ tã. Ma boo kɔn da wa. Má n din kũ ka sii zɛnaa nɛ. Sɛnɛ, sisia, ma nə n lɛ dii, ka lɔ mɛn bɛ́ nɔɔrɔ koe. Ma nə n lɛ dii, má gini, maa piɛ̃ lɛ n zoɛ̃ mà a kuru.

Izayii 59:18

Minin nə kɔnbɔ ka màn mɛn nɛ, a n die bɛ sarɛɛ ǹ la. A foo-yoo kɛ na a zia baa kɔn wolen wɔ lɛa, a dɔlɔ na a zɔ́ɔn wɔ lɛa, mu gánan mɛnɛn da bii, bɛn nə kɔnbɔ ka màn mɛn nɛ a n die bɛ sarɛɛ ǹ la.

Izayii 66:6

Ka n too kɔ bìn diɛ kɛ li boe kiwi, bìn diɛ ke boe Lawa a kion, Dɛnaa Lawa lɛn nɛ: A zɔ́ɔn nə kɔnbɔ ka màn mɛn nɛ, a n bɛ lɛ koe ǹ la.

Zeremii 16:18

Ma á re ǹ kiɛ ǹ gɛ̀-dɛ ǹ giɔ̀mɔ lɛ laanka ǹ sãn lɛn saraa a laman paa saraa ganaa. A giala, ǹ nə́ *gɔ̀ da maa gána lɛ ganaa ka ǹ màn nyín gere bɔbɔnɛɛn kɛn nɛ. Gána mɛn bɛ má bɔ má koa maa wɔ lɛa, ǹ nə́ bɛ pã ka màn bɔbɔnɛɛn nɛ.»

Ezekieli 11:21

Sɛnɛ, min mɛnɛn taasiɛ bɛ́ tɔn doa-n dì mànan laanka sii bɔbɔnɛɛn kɛn ganaa, ma á re bɛn zɛnaa ǹ siin lɛn dɔlɔ diɛ ǹ dinin mìi ni. Ma din Dɛnaa Lawa a da ǹ boo ne.»

Ezekieli 22:31

Bɛ lɛ nɛ ma foo tɔ́n yoo ǹ li, má ǹ tumaa dɛ lenlen, ka tɛ bɛ́ màn kuĩ lɔn. Má ǹ zɛnaa ǹ sii lɛ a dɔlɔ da ǹ mìi ni. Ma din Dɛnaa Lawa a da ǹ boo ne.

Ezekieli 9:10

A bɛ́ miɛ̃, min makara a die ma kuĩ ma bɛ toa walan wa. Masɛ á die kaa zɛnaa ǹ sii lɛ a dɔlɔ diɛ ka mìi ni.

Zowɛli 3:4

Dɛnaa Lawa a lɛawaa lɛ laan bɛ̀ a n doe, bɛa lɛawaa gole kɛ lɛ, a sii ń nyɛ́ɛ diɛ, wasa á re n bɔyɛɛ a tii ka wɔlɔ tì bɛ́ lɔn, mui á re n bɔyɛɛ a taã ka mà bɛ́ lɔn.

Malakii 3:16

Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Luku 6:38

Ka kɔn gɔ ka màn nɛ, ka zɔɔ̃ a dɔ, ka zɔɔ̃ ka munyəə, ka zɔɔ̃ ka zuzuu. Lawa wɔ a zɛnaa ǹ gɔn nɛ ka bɛ nɛ. Ka bɛ́ ka miãn gɔ ǹ màn zoɛ̃ màn mɛn ganaa, Lawa á die ka dɔn wɔ zoɛ̃ ka bɛ lɛ nɛ.»

Timəə dí-pɛn 32:34

Bɛ bie ma yiri-n ke wa ya? Bɛ bie koa-n ma gɔn li wa ya?

Sii-nyaan 20:12

Má geren tumaa yɛ, a bɔnboɛɛnɛn nɛ ka a dadaran nɛ, ǹ nə́ golee kii dankan lɛ yɔrɔ-a. Ǹ nə́ sɛ́wɔn lɛ bũ, geren lɛn sii-zɛnaan nə́ kiɛ̃ nɛ ǹ nɛ. Sɛ́wɔ kɔsɔ dɔ nə́ n lɛ bũ, yiikoonaabaa ǹ sɛ́wɔ n ka bɛ nɛ. Geren lɛn siin mɛnɛn bɛ́ kiɛ̃-n sɛ́wɔn lɛn nɛ, maǹ nə́ kiri kuru ǹ la bɛn lɛn li.