Izayii 65:4 - LAWA A BOO SONBORE

⁴ Maǹ giɛ̃ tán gere yalan nɛ, ǹ nə́ giɛ̃ kele yalan nɛ. Maǹ birii siĩ soɛ̃. Ǹ bǎãn piɛ̃maa nɛ ka màn gɔ̀dɛnan nɛ.

LAWA A BOO SONBORE 2011

⁴ Maǹ giɛ̃ tán gere yalan nɛ, ǹ nə́ giɛ̃ kele yalan nɛ. Maǹ birii siĩ soɛ̃. Ǹ bǎãn piɛ̃maa nɛ ka màn gɔ̀dɛnan nɛ.

Izayii 65:4 ပူးပေါင်းရင်းမြစ်များ

Bɔ bɛ̀rɛbaa nɛ 23:19

«Ka da ka wuru màn-kurii bibinaan nɛ, kaa Dɛnaa Lawa a Kion. «Ka baran bòe nɛ siĩ kɔrɛ ǹ dan nyɔ mu li wa.

Bɔ bɛ̀rɛbaa nɛ 34:26

Ka toa, ka da ka kaa tán màn tumaa a nɛ bibinaa nɛ, masɛ a Kion kɛ nɛ, a giala, masɛ din Dɛnaa n kaa Lawa lɛa.» Ka baran bòe nɛ siĩ da ǹ dan nyɔ li ka kɔrɛ wa.

Izayii 66:17

Minin kɛn n dinin *yoreen koe a tɔ-a ǹ tɔn wɔ dù gɔrɔn nɛ, min mɛn bɛ́ bii, maǹ kiɛ bɛ kio. Maǹ birii hinlaa nyan soɛ̃, bɛa màn bɔbɔnɛɛn kɛn. Bɛa minin lɛn tumaa tá re gɛ̀ we kun. Dɛnaa Lawa a da ǹ boo ne.

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Ezekieli 4:14

Má tɔ́n a lɛ si má pɛ: «E! Dɛnaa Lawa, ma tɔn *gɔ̀ da ma din-a duduu wa. A saa maa nɛnyaanbaa waáraa ganaa a da kaa pelo lɛ, bɛ̀ màn mɛn gã a din li hinlaa don mànan man nə́ dɛ, máa ma bin bɛa siĩ sɔ̃ duduu wa, ma bin siĩ gɔgɔrɛ kɔn wɔ ma lɛ-n wa.»

Lawa a wúlu-bɔlen 11:7

Ka doamaa bie ka birii dɔ sɔ̃ wa. A giala, a gòon tɔ́n bii á diɛ nɛ, sɛnɛ, a ba màn-bii soɛ̃ bɛ̀ a timəə la wa. Ka ga a ganaa màn gɔgɔrɛ lɛa.

Zakarii 9:7

Siĩ gɔ̀dɛnaa ke ǹ lɛ-n, ma á re bɛ boe ma bɔ a nɛ. Mà bɔbɔnɛɛ ke a ganaa, ma á re bɛ pii ma bɔ a ganaa. Min mɛnɛn yii bɛ́ re goɛ̃ koo ǹ bii, bɛn tá re maa wɔn biɛ ka Zudaa a kiã bɛ́ lɔn, Ekrɔn minin tá re goɛ̃ ka Zebuzu tɔrɔn bɛ́ lɔn.

Minin nimi 19:11

«Bɛ̀ min mɛn nə́ n gɔn da gere woo gere ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa.

Matiə 8:28

Yezu bɛ́ á dɔ tà kio, Gadaaraa minin gána nɛ, giĩ min paa kɔ́n yoo geren bĩ ǹ bǎã nɛ, ǹ nə́ daa n da lɛ. Nɔ̀ɔnɔn man nə́ goã ǹ ganaa. Ǹ nə́ goã baraa á la yii ni, haalɛ min kɔ́n din yii ba we á boe ka bɛa zii lɛ-n wa.

Luku 8:27

Yezu bɛ́ gisĩ tán ǹ mɛn waáraa, giĩ goon nə́ bɔ kiwi goon ne, á daa n da lɛ. Nɔ̀ɔn baraan man bɛa giĩ lɛ ganaa. A kũ biikoo sɔsɔɔ ganaa a ba mɔnaa we wa. Á goã wɛɛ kiwi wa yǎa geren bĩ ǹ bǎã nɛ.

Timəə dí-pɛn 14:21

Ka nyan toa ka màn gere kɔn sɔ̃ wa. Gùlin mɛnɛn bɛ́ kaa kiwin ni, ka kɔ bɛn la, bɛn tá boe la ǹ sɔ̃. Bɛ̀ a miɛ̃ wa, ka sã tii la. A giala, kasɛn man ka gɔrɔn, kaa Lawa, Dɛnaa Lawa a zaman lɛa. Ka baran bòe nɛ siĩ kɔrɛ n dan nyɔ mu li wa.

Timəə dí-pɛn 14:3

Màn mɛn tumaa bɛ́ bɔbɔnɛɛ Dɛnaa Lawa yii li, ka nyan toa ka bɛ kɔn wɔ ka lɛ-n wa.

Timəə dí-pɛn 14:8

Ka ga birii dɔ ganaa màn gɔgɔrɛ lɛa. A giala, a gòon bii tá diɛ nɛ, sɛnɛ, a ba a màn-bii baɛ̃ a gɔ́ɔ̃ nɛ, bɛ̀ a timəə la a sɔ̃ wa. Ka nyan bɛa mànan kɛn lɛn siĩ sɔ̃ wa, ka baran n gɔn din da ǹ gere ganaa wa.

Timəə dí-pɛn 18:11

A nyan yɛ ka bii paa-kaali, kɔ́lɔnbaali lɛa, hinlaa nyín-biili lɛa wa.