Izayii 65:23 - LAWA A BOO SONBORE

²³ Ǹ ba re nɔmaa we kooro wa. Ǹ ba re nɛnyaanan yii ǹ nə ǹ kaa kanaa, ǹ nə́ giɛ ǹ ganaa giɛ̃ wa. A giala, ǹ dinin laanka ǹ nɛnyaanan man tɔrɔn lɛa má barka da ǹ ganaa.

LAWA A BOO SONBORE 2011

²³ Ǹ ba re nɔmaa we kooro wa. Ǹ ba re nɛnyaanan yii ǹ nə ǹ kaa kanaa, ǹ nə́ giɛ ǹ ganaa giɛ̃ wa. A giala, ǹ dinin laanka ǹ nɛnyaanan man tɔrɔn lɛa má barka da ǹ ganaa.

Izayii 65:23 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Zɔbu 21:8

Ǹ nɛnyaanan gòãn man doɛ bɛ̀ ǹ dinin tan. N tɔrɔn man pàãman biɛ ǹ dinin yii ni.

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Izayii 49:4

Má tɔ́n pɛ ma din gɔ́ɔ̃ nɛ: Man má mɛnaa ma din la, man din nɔmaa kooro, a là dɔ ná a banban. A da yaa, Dɛnaa Lawa n die peperebaa zɛnɛɛ ma nɛ, maa saraa n boe maa Lawa li.

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Izayii 61:9

Ǹ tá re kaa nɛnyaanan doɛ̃ tɔrɔn tumaa bii. Kaa nɔ̀ɔnɔn kɛn, ǹ tá re bɛn doɛ̃ bǎã tumaa nɛ. Bɛ̀ min mɛn nə́ ǹ yɛ, a n die ǹ doɛ̃ kɛ li: Maǹ tɔrɔ lɛa, Dɛnaa Lawa barka da ǹ ganaa.

Izayii 66:22

Lon dii laanka tán dii ke má ǹ zɛnaa, maǹ die goɛ̃ kaka ma yɔrɔ-a, Dɛnaa Lawa a da ǹ boo ne. A din goon ne: Ka tɔ nɛ, ka min mɛn tumaa bɛ́ re yii ka la, ǹ ba re papaɛ̃ ǹ nə n bɔ ma yɔrɔ-a duduu wa.

Ezekieli 36:29

Ma á re kaa gɔ̀ tumaa pii ma bɔ ka ganaa. Ma á re toɛ ka *belee yɛ a mɔnaa, ma a re toɛ bòo ka kũ doo wa.

Lawa a wúlu-bɔlen 26:20

Ka pàã n die nyɛɛ kooro. Ka a re tán dí nyɛɛ ka màn kɔn yɛ a-n doo wa, gána lɛ a dan dɔn ba re nɛ koe doo wa.

Lawa a wúlu-bɔlen 26:22

Ma á re don màn baraan kiɛ ka ganaa, ǹ kaa nɛnyaanan laanka kaa tɔɔn dɛdɛ ǹ nə ǹ nya, ǹ ka dinmaan dɛ ǹ ka kiɛrɛ kɔ, ka min baran min yɛ kiɛ̃ kaa ziin la doo wa.

Lawa a wúlu-bɔlen 26:29

Bòo lɛ taman yii, ka á re ka yɛ ǹ nɛnyaanan soɛ̃.

Azee 1:6

Kaa màn diɛ mɔnaa, sɛnɛ kaa kaa-piɛ siĩn kɔ wa. Ka n màn bii, sɛnɛ kaa kiɛ̃ wa, ka n màn mii, kaa mu boro dɔ a nyɛɛ wa, ka n mɔnaa we sɛnɛ a kaa nyan nyɛɛ wa, ka n saraa yii, sɛnɛ a n woe zéwo giala koo-a nɛ.

Azee 2:19

Ta màn tɔrɔ a yii dɔǹ nɛ doo wa, duvɛ̃ da nɛ, gɔ́rɔ da nɛ, grenadie da nɛ, *olivie da nɛ, ta bɛn dɔn dinin nə nɛ kɔ duduu wa, a kũ pelo ganaa, man die maa barka gisĩ ka la.»

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Nya ǹ dín 2:39

A giala, Lawa din bɛ́ á n lɛ kɔ ka màn mɛn nɛ, bɛ ǹ ka dinin wɔ lɛa ka kaa nɛnyaanan nɛ, ka minin mɛnɛn tumaa wɔlɔ bɛ́ tɔn sɔsɔɔ, Lawa n die ǹ bíi.»

Rɔmu minin 4:16

Lawa na á ná a lɛ kɔ ǹ sii lɛ zɛnaa a giala, mà Abrahamu golee li. Bɛa lɛ kɔ ǹ sii lɛ n bǐɛ̃baa ǹ màn lɛa á kɔ kooro. Bɛa yɔrɔ kɛ la, a n lɛ kɔ ka sii mɛn nɛ, bɛ n Abrahamu a nɛnyaanan tumaa wɔ lɛa. Ǹ mɛnɛn bɛ́ Lawa a dí-pɛn nə́ ǹ li, a bie bɛn dininsɔɔ̃nɔn wɔ lɛa wa. Sɛnɛ, ǹ mɛnɛn dɔn nə golee Lawa li ka Abrahamu din bɛ́ lɔn, a n bɛn dɔn wɔ lɛa. Abrahamu lɛ n wɔ tumaa a díi lɛa.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Galaasi minin 3:29

Bɛ̀ ka á Krita wɔn lɛa, bɛ n nyɛɛ kəni, mà ka n Abrahamu tɔrɔn dɔn lɛa. Lawa nə n lɛ kɔ la ka bǐɛ̃n mɛnɛn nɛ, ka dɔn tá re bɛn yii, a kɔnpɛ ka Lawa din a lɛ-kɔ kɛ nɛ.