Izayii 65:20 - LAWA A BOO SONBORE

²⁰ Nɛnyaan tiɛɛ̃n ba re yii, a ná a beleboe wa. Min zizin ba re giɛ̃, bɛ̀ ǹ nə́ ǹ zizi kɔ wa. Min mɛn bɛ́ re giɛ̃ ten, bɛ n die goɛ̃ lɛ̀ paabiɛ. Bɛ̀ min mɛn gã a ná a dɔ lɛ̀ paabiɛ wa, bɛ n goon ka lɛn baraa bíi ni.

LAWA A BOO SONBORE 2011

²⁰ Nɛnyaan tiɛɛ̃n ba re yii, a ná a beleboe wa. Min zizin ba re giɛ̃, bɛ̀ ǹ nə́ ǹ zizi kɔ wa. Min mɛn bɛ́ re giɛ̃ ten, bɛ n die goɛ̃ lɛ̀ paabiɛ. Bɛ̀ min mɛn gã a ná a dɔ lɛ̀ paabiɛ wa, bɛ n goon ka lɛn baraa bíi ni.

Izayii 65:20 ပူးပေါင်းရင်းမြစ်များ

Zɔbu 5:26

Ka màn tɔrɔ bɛ́ miɛ lɔn, bɛ̀ ǹ tɔn kuru ǹ kaa kɔn la, n tá re zizi koe parsiini n tɔn gã.

Loen 34:12

Ka da n too kɔ, maa nɛnyaanan lɛn, man die ka darɛɛ Dɛnaa Lawa guguru-kɔ ganaa.

Izayii 22:14

Sɛnɛ, Dɛnaa Lawa Pàãyiidɛnaa boo durii kɛ pɛ ma nɛ: «Ma nə n liɛ, ma a sii baraa kɛ toɛ ka-n duduu kaa yiikoonaabaa gɔ́ɔ̃-n wa.» Dɛnaa Lawa Pàãyiidɛnaa na á pɛ kɛnɛn.

Izayii 3:11

Sɛnɛ, min baraan wɔ n ka bɔ̀n nɛ, bɔ̀n woo bɔ̀n. A giala, a baraa mɛn zɛnaa, bɛ lɛ n die kuĩ a mìi ni.

Zakarii 8:4

Dɛnaa Lawa Pàãyiidɛnaa n kɛ pii: «Giĩ zizin laanka lɔ zizin tá re wusii doo ǹ da giã Zeruzalɛmu a bǎã dadaran nɛ, ǹ nə́ bàlà doɛ, ǹ zizi kɔ taman yii.

Timəə dí-pɛn 4:40

Ma bɛ́ a landa boon laanka a gɔn waa ǹ boon mɛnɛn pii ka-n pelo, ka bɛn tamaa. Ka dinin bǐɛ̃-kɔ a lɛa nɛ, ka kaa nɛnyaanan wɔ nɛ, ǹ mɛnɛn bɛ́ re goɛ̃ ka kio. Bɛ á re toɛ dɔn, ka nyin sasa yɛ gána kɛ nɛ, kaa Lawa, Dɛnaa Lawa lɛ n koe ka la yǎa duduu.