Izayii 65:13 - LAWA A BOO SONBORE

¹³ Dɛnaa Lawa n kɛ pii: Á ke, min mɛnɛn bɛ́ maa dí-nyalin lɛa, bɛn tá re màn bii. Sɛnɛ, bòo á re kasɛn kuĩ. Min mɛnɛn bɛ́ maa dí nyɛɛ, bɛn tá re màn mii. Sɛnɛ mu boro á re kasɛn kuĩ. Min mɛnɛn bɛ́ maa dí-nyalin lɛa, bɛn foo á re kɔɔ̃n koe. Sɛnɛ, sìi n die n koe kasɛn lɛ.

LAWA A BOO SONBORE 2011

¹³ Dɛnaa Lawa n kɛ pii: Á ke, min mɛnɛn bɛ́ maa dí-nyalin lɛa, bɛn tá re màn bii. Sɛnɛ, bòo á re kasɛn kuĩ. Min mɛnɛn bɛ́ maa dí nyɛɛ, bɛn tá re màn mii. Sɛnɛ mu boro á re kasɛn kuĩ. Min mɛnɛn bɛ́ maa dí-nyalin lɛa, bɛn foo á re kɔɔ̃n koe. Sɛnɛ, sìi n die n koe kasɛn lɛ.

Izayii 65:13 ပူးပေါင်းရင်းမြစ်များ

Loen 34:10

Dɛnaa Lawa kasɛn mɛnɛn bɔ a din wɔn lɛa, ka nyɛ́ɛ baa nɛ. A giala, min mɛnɛn bɛ́ nyɛ́ɛ biɛ nɛ, màn kɔn ba re nyaabiɛ bɛa dɛnan ganaa wa.

Suusun 13:25

Min mɛn bɛ́ sii sonbore zɛnɛɛ, á re màn-bii a kã. Sɛnɛ, min mɛnɛn bɛ́ sii baraa zɛnɛɛ, bɛn tá re bòo koe.

Izayii 1:19

Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Izayii 41:17

Nɔmaa wolen laanka doobaan man giɛ mu li. Sɛnɛ, ǹ ba yii wa. Mu boro nə́ ǹ lɛwɔn laa. Á bǐɛ̃ kɔ, á ke! Masɛ Dɛnaa Lawa n die ǹ lɛ sii. Masɛ Izirayeli a Lawa, ma a re n la boe ǹ ganaa wa.

Izayii 41:18

Man die tà mu diɛ baa si ganaa kele mìi kooro-an la, ma mu yalan bũ nyankɔrɔ basa nɛ. Man die diə gole bɔyɛɛ ma baa pɛrɛ gole lɛa, ma tán gere baa mu bǎã lɛa.

Izayii 42:17

Sɛnɛ ǹ tá re wusii ǹ kio ne, sìi á re ǹ kuĩ, ǹsɛn mɛnɛn foo bɛ́ doa-n dìn ganaa, ǹ nə́ pii màn nyínin manɛ: «Wɔa lawa n ka ka dinin ni.»

Izayii 44:11

Á ke, min mɛnɛn bɛ́ n parɛɛ bɛ ganaa, bɛn wɔ n ka sìi ni. Ǹ zɛnaa wolen man minbuiin nɛn lɛa! Ǹ tumaa nə n sɔkɔn, ǹ daa, nyɛ́ɛ nə ǹ kuĩ, sìi nə n kɔ ǹ lɛ!

Izayii 44:9

Min mɛnɛn bɛ́ dì nyínin zɛnɛɛ, ǹ ba màn kɔn lɛa wa. Ǹ màn nyín siĩnin kɛn dɔn là banban. Bɛa nyínin kɛn lɛn manɛ ǹ dinin siéren lɛa. Siéren manɛ, ǹ yii na a màn kɔn yii wa, ǹ nə́ ǹ ba sii kɔn doɛ̃ wa. Maǹ sìi diɛ ǹ ganaa.

Izayii 49:10

Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

Izayii 5:13

Bɛ lɛ nɛ, Dɛnaa Lawa á kɛ pii: «Ǹ tá re maa zaman goɛ, ǹ wo ne bɛ̀rɛbaa ǹ bǎã nɛ, a giala, ǹ ba màn kɔn giala miɛ wa. Bòo tá re ǹ min dadaran dii, mu boro nə ǹ zaman dɛ.»

Izayii 50:11

Sɛnɛ, kasɛn man tɛ koɛ ka n ka dinin lɛnpɛnɛ ka kiɛ tɛdɛnan nɛ. Á bǐɛ̃ kɔ, ka wo bɛa tɛ lɛ nɛ ka kaa kiɛn tɛdɛnan lɛ nɛ. Dɛnaa Lawa din nə die bɛ zɛnɛɛ, ka n die wɛɛ tán fuu gole gɔ́ɔ̃ nɛ.

Izayii 61:7

Dɛnaa Lawa pɛ: «A laan sìi ka kũ, ka ǹ die là màn paa yii. A laan ǹ nə́ sɔ baraa kɔ ka ganaa, ka ǹ die n lɛ dii ka foo kɔɔ̃n nɛ ka gii kɛ taman yii. A giala, ka gii n die goɛ̃ paa ǹ gána nɛ. Foo kɔɔ̃n mɛn bɛ́ a nyɛɛ wa, ka ǹ die goɛ̃ bɛ gɔ́ɔ̃ nɛ.

Izayii 62:9

Sɛnɛ, min mɛnɛn bɛ́ re belee lɛ goɛ, ǹ dininmaan man die bii bɛ̀ ǹ tá Dɛnaa Lawa tɔ boe ka loe ne. Min mɛnɛn bɛ́ re rezɛ̃ lɛ niɛ̃, maǹ die duvɛ̃ mii maa kion sonbore kɛa sumu-n.»

Izayii 66:14

Ka á re bɛ yii, ka foo á re kɔɔ̃n koe, ka wen nə wusoo ǹ yiikoonaabaa yɛ ka buu bɛ́ lɔn la kio. Min mɛnɛn bɛ́ dí nyɛɛ Dɛnaa Lawa nɛ, á re n pàã nyɛɛ bɛn manɛ. Sɛnɛ, a zɔ́ɔn kɛn tá re a foo yoo kɛa gugurubaa yii.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Izayii 8:21

Zaman tá re n bibiĩ gána lɛ nɛ, ǹ nə́ nɔmaa nɛ, bòo nə́ ǹ ganaa. Bɛ lɛ taman yii, ǹ foo á re yui, ǹ lɛn baraa bíi ǹ kii laanka ǹ Lawa li. Ǹ tá re n yɔrɔ diɛ lon,

Zeremii 22:22

Piɛ̃ á re n kiãn tumaa goɛ, a wo ǹ ne. Ǹ nə n sanan tumaa goa ǹ wo ǹ ne. Nsɛ, sìi á re n koe n lɛ, n yii a gugurubaa tumaa nya, n zɛnaa ǹ sii baraan kɛn tumaa taman yii.

Ozee 4:10

Ǹ tá re màn-bii, sɛnɛ ǹ ba re kiɛ̃ wa. Ǹ tá re kɔrɔbaa zɛnɛɛ, sɛnɛ, ǹ ba re nɛ yii wa. A giala, ǹ nə́ Dɛnaa Lawa guguru kɔ toa walan.

Malakii 3:18

Tɔtɔbaa mɛn bɛ́ min sonbore laanka min baraa niɛ̃ kɔn, min mɛnɛn bɛ́ Lawa guguru koe, ka min mɛnɛn bɛ́ ǹ ba a guguru koe wa, ka á re bɛ yii doo.