Izayii 65:12 - LAWA A BOO SONBORE

¹² Sisia kəni, man die ka we kaa zɔ́ɔn gɔn. Ka tumaa n die n musin koɛ tán, ǹ ka bɔlɔ kuru. A giala, má lɛ dia, sɛnɛ ka n nyəə wa. Má boo da ka nɛ, sɛnɛ ka n too kɔ wa. Sii mɛn bɛ́ a kɔɔ̃n ma ganaa wa, ka n bɛ zɛnɛɛ. Sii mɛn bɛ́ a ma foo sii wa, ka n bɛ zɛnɛɛ.

LAWA A BOO SONBORE 2011

¹² Sisia kəni, man die ka we kaa zɔ́ɔn gɔn. Ka tumaa n die n musin koɛ tán, ǹ ka bɔlɔ kuru. A giala, má lɛ dia, sɛnɛ ka n nyəə wa. Má boo da ka nɛ, sɛnɛ ka n too kɔ wa. Sii mɛn bɛ́ a kɔɔ̃n ma ganaa wa, ka n bɛ zɛnɛɛ. Sii mɛn bɛ́ a ma foo sii wa, ka n bɛ zɛnɛɛ.

Izayii 65:12 ပူးပေါင်းရင်းမြစ်များ

Izayii 1:16

Ka n zoo, ka *gɔ̀ bɔ ka dinin ganaa. Kaa sii bɔbɔnɛɛn kɛn, ka bɛn pii ka ǹ bɔ ma yɔrɔ-a, ka kaa sii baraan kɛn kaa.

Izayii 1:20

Sɛnɛ, bɛ̀ ka n piã, ka woo nyɛɛnɛ ka n gòãn dii ma ganaa, gɔya sa n die ka bɔ̀n biɛ.» Dɛnaa Lawa na á pɛ.

Izayii 10:4

Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Izayii 3:25

Zeruzalɛmu, n giĩn tá re gɔya sa gɛ̀ we, n sɔraasin tá re giɛ̃ zia la.

Izayii 34:2

Dɛnaa Lawa foo n yoo-n tɔrɔn tumaa li. A foo n yoo ne ǹ zia kurun tumaa li. A n li a ǹ tumaa bɔ̀n baa ka lenlen. A n woe ǹ ne bɔlɔ kuru ǹ bǎã nɛ.

Izayii 34:5

Dɛnaa Lawa a gɔya sa á ke yii lon. Á ke gisĩ Edɔmu minin la, a tɔrɔ mɛn lɛ bɔ á koa ziziɛ̃ taman yii.

Izayii 34:6

Dɛnaa Lawa a gɔya sa n mà lɛa, a n nyɔɔ lɛa, sère ten laanka butumun mà lɛa, sère gɔ̀lɔ̀ dɔ̀ɔ̃ koron nyɔɔ lɛa. Bosraa kiwi gole kɛ nɛ, Dɛnaa Lawa *wúlu màn yɔrɔ bɔ: Basaã gole-n Edɔmu gána wɔ lɛa.

Izayii 41:28

Má ga tɛrɛɛ nɛ, ma min kɔn yɛ wa. Ǹ bii, ǹ kɔn banban a na a taasiɛn nyaa wa. Min banban, nɔ̀n nə́ boe la a n da la wa. Min kɔn banban a boo binyəə kɔ ma la wa.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 59:15

Taãn nɛ, sonbore nya. Min mɛn bɛ n nyɛnɛɛ sii baraa nɛ, maǹ bɛa dɛnaa kokoe. Dɛnaa Lawa bɛ tumaa yɛ. Peperebaa baã kɛ n sii bɔnɛɛ lɛa a yii li.

Izayii 63:6

Maa foo-yoo lɛ gɔ́ɔ̃ nɛ, má tɔrɔn yɔyɔrɛ ma gòã li. Má ǹ kã ka maa foo-yoo kɛ nɛ, má ǹ mà kaa tán furu-n.

Izayii 65:3

Bɛa tɔrɔ lɛ n giɛ ma lɛ li biikoo tumaa li. Maǹ wúlu boe dù gɔrɔn nɛ, maǹ da yon gìĩ kɔɔ̃n tiɛ̃ kɔlɔn la.

Izayii 66:16

Taãn nɛ, Dɛnaa Lawa n die kiri kuri minbuiin nɛ tumaa la, ka tɛ buə̃ laanka gɔya sa nɛ Dɛnaa Lawa á re geren mɔnɛɛ.

Zeremii 16:17

Ǹ bɛ́ sii mɛn yii zɛnɛɛ, ma yii tá a ganaa. Ǹ kɔn ba durii-n ma ganaa wa. Ma yii tá ǹ siɛ̃n ganaa.

Zeremii 18:21

A bɛ́ miɛ̃, ǹ nɛnyaanan wɔ bòo gɔn, ǹ wɔ gɔya sa gɔn! Ǹ lɔn ba re nɛ yii wa! Ǹ tá re giɔɔrɔn biɛ! Piɛ̃ busu á re ǹ zuũn dii! Ǹ nɛ tenən tá re giɛ̃ zia la!

Zeremii 34:17

Bɛ lɛ nɛ Dɛnaa Lawa á kɛ pii: – Ka ma lɛ si wa, min kɔn nə ǹ dɔɔ̃n da á bɔ bɛ̀rɛbaa-n wa. Masɛ Dɛnaa Lawa n kɛ pii: «Man die yui zia-n ka ganaa, piɛ̃ busu ni ka bòo ne. Bɛa waáraa kəni, tán a tɔrɔn tumaa gɔ̀nɔn tá re bìn diɛ ka nyɛɛnɛ.

Zeremii 35:17

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

Zeremii 7:13

Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.

Zeremii 7:27

Nsɛ Zeremii, n die n bɛ tumaa pɛ ǹ nɛ. Sɛnɛ, ǹ ba re n too koe n lon wa. N tá re ǹ bíi, sɛnɛ ǹ ba re n nyii wa.

Lawa a wúlu-bɔlen 26:25

Masɛ a lɛ kɔ kɔn la ke ka n ziziɛ̃, man die zia yiɛ ma kaa ka ganaa, ma bɛa dɔlɔ bɔ ka ganaa. Ta ka baa si ka woo n duru kaa kiwin kɛn nɛ kungɔn nə́ ǹ lɛnpɛnɛ, ma á re busu babaraa kiɛ ka ganaa, ma ka wɔ kaa zɔ́ɔn lɛn gɔn.

Zakarii 7:7

Lɛlɛ, Lawa a boo gii-dalin nə́ goã ǹ nə́ gɔn waa boon kɛn miãn da ka Dɛnaa Lawa tɔ nɛ. Bɛa biikoo li, Zeruzalɛmu laanka a lɛkoro-a kiwi tumaa goã yii-nyɛɛ la. Minin nə́ goã giã nɛ Negɛvu gána nɛ ka *Sefelaa gána kɛ nɛ.

Matiə 22:3

A ná a dí-nyalin dia mà ǹ wo minin bíi ǹ da kɔn wɔ ǹ màn bii. Sɛnɛ, bɛn nə́ n piã mà ǹsɛn ba die wa.

Matiə 22:7

Kii lɛ foo yoo. A ná a sɔraasin dia, mà ǹ wo bɛa gɛ̀-dɛlen kɛn lɛn dɛ, ǹ tɛ da ǹ kiwi ganaa.

Zaã a sɛ́wɔ 1:11

Á daa a din a gána nɛ, sɛnɛ a din tɔrɔn nə́ ǹ piã nɛ.

Timəə dí-pɛn 32:25

Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»