Izayii 65:11 - LAWA A BOO SONBORE

¹¹ Sɛnɛ, kasɛn mɛnɛn bɛ́ ka n la bɔ masɛ Dɛnaa Lawa ganaa, ka yiri bɔ maa kele sonboren kɛn nɛ. Ka n màn-bii koe dì Gaadi la. Ka n duvɛ̃ lɔlɔkɔn-a koe dì Menii la.

LAWA A BOO SONBORE 2011

¹¹ Sɛnɛ, kasɛn mɛnɛn bɛ́ ka n la bɔ masɛ Dɛnaa Lawa ganaa, ka yiri bɔ maa kele sonboren kɛn nɛ. Ka n màn-bii koe dì Gaadi la. Ka n duvɛ̃ lɔlɔkɔn-a koe dì Menii la.

Izayii 65:11 ပူးပေါင်းရင်းမြစ်များ

Kiin2 21:3

Ǹ di Ezekiasi goã á wúlu bɔ ǹ bǎãn mɛnɛn papaã, asɛ wusoo á bɛn dɔ. Á wúlu bɔ ǹ bǎãn furəə dì *Baali wɔ lɛa. Á bìbì doa, dì Aseeraa nyín lɛa, ka Izirayeli gána a kii Akaabu goã á zɛnaa lɔn. Manaasee kaa tán lon gɔ̀nɔn ganaa ǹ mànan kɛn tumaa giulun á ǹ guguru kɔ.

Loen 132:13

A giala, Dɛnaa Lawa din na á Zeruzalɛmu bɔ, a n li *Siɔn na asɛ a giã ǹ bǎã baa.

Loen 137:5

Bɛ̀ ma yiri bɔ n nɛ, Zeruzalɛmu, ma gusin yiri bɔ tùtu dɛ lɛ dɔ nɛ.

Izayii 1:28

Sɛnɛ, gòãn dii wolen kɛn, ka sii baraa-zɛnaalin kɛn nɛ, bɛn tumaa wɔ n ka bɔ̀n nɛ. Min mɛnɛn bɛ́ n dɔ̀ɔ̃ we Dɛnaa Lawa nɛ, bɛn man die bɔ̀n biɛ.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Izayii 2:3

Gána gigiã á re zii siɛ, bɛ̀ ǹ nə́ pii kɔn nɛ kɛnɛn: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa a kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, a dí-pɛn lɛn man boe *Siɔn, Dɛnaa Lawa a boo lɛ n boe Zeruzalɛmu.

Izayii 56:7

ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Izayii 57:13

Bɛ̀ n gú da ǹ mɛn pinaa, n dì bɔbɔnɛɛn lɛn nə n si sii la kəni. Piɛ̃ á re ǹ tumaa goɛ, kurunkurun tá re woe ǹ ne. Sɛnɛ, min mɛnɛn bɛ giɛ mìi duru ǹ bǎã li masɛ li, bɛn tá re gána lɛ yii ǹ wɔ lɛa, maa kele sonbore kɛ nə ǹ wɔ baa.

Izayii 65:25

Don gin laanka sère nɛ á re buu soɛ̃ kun. Yàra á re buu gere soɛ̃ ka dii bɛ́ lɔn. Miɛ̃ á re n din toe ka gusuũ ni. Maa kele sonbore kɛ la, sii baraa hinlaa kakaarɛbaa a re n zɛnɛɛ doo wa. Dɛnaa Lawa na á pɛ.

Izayii 66:20

Ka dɔɔ̃nɔn mɛnɛn bɛ́ re goɛ̃ tɔrɔn tumaa bii, ǹ tá re die ǹ tumaa nɛ, sùin la, ziabaa ǹ wotoron ne, wotoron ne ǹ nə́ mɔnaa kɔ ǹ mìi lɛ, dundun sùin la ka nyɔɔmaan nɛ. Ǹ tá re die yǎa maa kele sonbore kɛ li Zeruzalɛmu, Dɛnaa Lawa na á pɛ: Bɛ n die goɛ̃ ǹ Lawa gɔ ǹ màn lɛa maa wɔ lɛa. Man die ǹ sii ka Izirayeli minin bɛ́ nɛn bɛ̀ ǹ wúlu mànan mɛnɛn kaa màn sonboren ne bɛ̀ ǹ da-n maa kion lɔn.»

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 19:4

A giala, Zudaa minin nə́ n la bɔ ma ganaa. Ǹ dinin lɛa nɛ, bǎã kɛ ba n doɛ̃ doo wa. Bɛa lawa tiin kɛn, ǹ nə́ ǹ ba ǹ doɛ̃ wa, ǹ dinin ni, ǹ digolon ne ka Zudaa kiin ni, maǹ nə́ *wúlu mànan kɔ bɛn la walan. Ǹ nə́ yii tì-an mà kaa walan.

Zeremii 2:28

Ka dìn mɛnɛn zɛnaa ka dinin wɔ lɛa, bɛn tá maa? Bɛ̀ koe ka yɛ, bɛ̀ ǹ tá boe la, ǹ da ka kirisibaa! Kaa kiwin bɛ́ mɔnaa-n lɔn, kaa dìn dɔn man mɔnaa-n miɛ̃!

Zeremii 7:18

Nɛnyaanan man gɔn goɛ, díin man tɛ koɛ. Lɔn man wùsu yiɛ ǹ nə́ mɔ̀mɔ diɛ lon a kii lɔ kɛ wɔ lɛa. Maǹ duvɛ̃ zumii lawa kɔsɔn ganaa ǹ tá ma foo yui ni.»

Timəə dí-pɛn 32:17

Maǹ wúlu mànan koe nɔ̀ɔnɔn la, a da ya bɛn dɔn bie Lawa lɛa wa. Maǹ wúlu mànan koe dìn la, a da yǎa ǹ ba ǹ doɛ̃ lɛlɛ wa. Maǹ koe dì soreen la, a da yaa, ǹ din dinin nə bɛn guguru kɔ wa.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.