Izayii 64:8 - LAWA A BOO SONBORE

⁸ Dɛnaa Lawa, n nyan toa n foo yoo a la yii-n wa. N nyan toa n yiri gisĩ wɔa sãn nɛ biikoo tumaa li wa. Baalaa wɔ, n ga wɔ ganaa, wɔ tumaa nə n zaman lɛa.

LAWA A BOO SONBORE 2011

⁸ Dɛnaa Lawa, n nyan toa n foo yoo a la yii-n wa. N nyan toa n yiri gisĩ wɔa sãn nɛ biikoo tumaa li wa. Baalaa wɔ, n ga wɔ ganaa, wɔ tumaa nə n zaman lɛa.

Izayii 64:8 ပူးပေါင်းရင်းမြစ်များ

Zɔbu 10:3

Fuu ke ń nyɛɛ ma-n kɛnɛn, bɛ lɛ n kɔɔ̃nɛ n ganaa? N din gɔn màn mɛn zɛnaa, ń bɛ tii, n barka wɔ min baraan zɛnaa ǹ sii ni, bɛ lɛ n kɔɔ̃nɛ n ganaa?

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 119:73

N din gɔn na á ma zɛnaa, á ma koa lon. Yiri kɔ ma la, ma boo la man daraa n dí-pɛn kɛn ganaa.

Loen 138:8

Dɛnaa Lawa á re sii tumaa bǐɛ̃ koe, a kɔ ma la. Dɛnaa Lawa, n kɔn-narɛɛ gole kɛ a nyɛɛ duduu wa. N din gɔn na á wɔ zɛnaa, n nyan wɔ daa bii-a wa.

Loen 74:1

Asaafu a loe mɛn bɛ́ daraa koe minin la. Lawa, wàa na á baa, ń wɔ daa kɛnɛn ka lenlen? Wɔsɛn man ka tɔɔ kuru bɛ́ lɔn, n din nə wɔ lɛduə̃li lɛa, wàa na á baa, n foo á goɛ̃ yoo-n wɔ li kɛnɛn?

Loen 95:6

Ka daa wɔ wɔ, wɔ kaa tán, wɔ a guguru kɔ, wɔ n musin koa tán Dɛnaa Lawa lɛ yɔrɔ-a. A din na á wɔ zɛnaa.

Bɔ bɛ̀rɛbaa nɛ 32:12

Dɛnaa, bɛ̀ ń zɛnaa miɛ̃, Ezipti gána minin kɛn tá re pii, mà baraabaa a lɛa nɛ, n soo ǹ ne, màn mɛn bɛ́ toɛ, n nə ǹ dɛ kelen la, n nə ǹ tɔ papaã n bɔ kanaa. Dɛnaa, sabara baa n toa n foo basã, n baran baraa zɛnaa n din a zaman kɛ-n wa.

Bɔ bɛ̀rɛbaa nɛ 4:22

N die n pɛ Faarahɔn nɛ: Dɛnaa n boo diɛ kɛnɛn: «Maa nɛgiĩ bibinaa n ka Izirayeli ni.

Izayii 19:25

Dɛnaa Lawa Pàãyiidɛnaa n die barka diɛ ǹ ganaa a pɛ: «Man barka diɛ maa zaman Ezipti ganaa, ka Asiirii mɛn bɛ́ má zɛnaa ka ma gɔn nɛ, ka Izirayeli gána kɛ nɛ maa wɔ lɛa.»

Izayii 29:16

A da yaa ka nə n dinin yiri siɛ̃. Min tá boe la n dɔn-bɔle zɔɔ̃ kɔn ka gì ni? Màn zɛnaa lɛ á boe la a pɛ a zɛnaali ni: «Nsɛ bie n ma zɛnaa wa?» Dɔn lɛ á boe la a pɛ gì-bɔle lɛ nɛ: «N ba dí nyɛɛ doɛ̃ wa?»

Izayii 43:25

Ma bɛ́ màn mɛn lɛa, bɛ lɛ taman yii, ma dinsɔɔ̃ nə n sii baraan toɛ n nɛ, ma a re n yiri koɛ ǹ nɛ doo wa.

Izayii 43:7

Ma tɔ bɛ́ min mɛnɛn tumaa ganaa, ma ǹ mɛnɛn tumaa da, má nyin kɔ ǹ la, ma ǹ mɛnɛn zɛnaa, ka wusoo ka da ǹ nɛ, ǹ gugurubaa da ma tɔ la.

Izayii 44:21

«Nsɛ Zakɔba n yiri kɔ ka kɛ nɛ, nsɛ Izirayeli, a giala ma n maa dí-nyali lɛa. Man má n zɛnaa máa n maa dí nya. Izirayeli, ma yiri a boe n ne wa.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 45:11

Dɛnaa Lawa, Izirayeli a Lawa sonbore n kɛ pii, asɛ mɛn na a zaman zɛnaa: Ka n zoɛ̃ li ka nɔ̀n da ma la ka biɛ̃ ǹ siin ni? Ka dí-pɛn kɔ ma la maa nɛnyaanan wɔ paǹ li? Hinlaa ma mànan mɛnɛn zɛnaa ka ma gɔn nɛ ka ǹ nɔ̀n diɛ bɛ nɛ?

Izayii 45:9

Min mɛn bɛ́ zia diɛ a zɛnaali ganaa, bɛa dɛnaa wɔ n ka bɔ̀n nɛ. Minbuiin nɛ n ka tii donkolon bɛ́ lɔn ǹ miãn bii. Gì tá boe la a pɛ gì-bɔle ne mà a n wàa zɛnɛɛ? Mà a tàan lɛa siĩn wa?

Izayii 57:16

A giala, ma ba zoɛ̃ li máa ma minin zɛ̀rɛbaa biikoo yii li wa, hinlaa ma foo goã yoo-n duduu wa. Bɛ bie wa, ma min mɛnɛn zɛnaa, bɛn yiikoonaabaa á re n sii ǹ la.

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Izayii 63:8

Izirayeli minin paǹ li, Dɛnaa Lawa pɛ: «Maǹ maa zaman lɛa taãn-taãnɛ, maa nɛnyaanan manɛ. Ǹ ba re ma yiri siɛ̃ wa.» Á n baa ǹ kirisibaali lɛa.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Malakii 2:10

Wɔ tumaa bie di goon nɛn lɛa wa? A din Lawa goon kɛ lɛ bie á wɔ tumaa zɛnaa wa? Wàa na á baa wɔ á baraabaa zɛnɛɛ kɔn nɛ. Wɔ bɔlɔgoondɛnan baa ka wɔ digolon lɛ kɔ kɔn la ká Lawa-n kɛ-n wa.

Zaã a sɛ́wɔ 8:41

Sɛnɛ, kasɛn man koe ka di a zɛnaa ǹ siin lɛ.» Ǹ nə́ tɔ́n pɛ Yezu ni: «Kikio nɛn bie ka wɔsɛn nɛ wa dɛ! Wɔsɛn Díi n goon toto dinsɔɔ̃, bɛ n ka Lawa nɛ.»

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 3:29

Bɛ̀ ka á Krita wɔn lɛa, bɛ n nyɛɛ kəni, mà ka n Abrahamu tɔrɔn dɔn lɛa. Lawa nə n lɛ kɔ la ka bǐɛ̃n mɛnɛn nɛ, ka dɔn tá re bɛn yii, a kɔnpɛ ka Lawa din a lɛ-kɔ kɛ nɛ.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Timəə dí-pɛn 32:6

Baãnaan man ka nɛ, sii-doɛ̃ nya ka-a. Ka dinin man kɛ miã zɛnɛɛ Dɛnaa Lawa-n sonbore? Táa ka a Díi n ka a din lɛ nɛ, táa ka zɛnaali ni? A din na á ka zɛnaa, á ka koa a din a minin lɛa.

Timəə dí-pɛn 9:29

A da yaa, tɔrɔn kɛn lɛn, n din a minin manɛ, ń sii kakan zɛnaa, ń nə́ ǹ waa ka pàã gole ne, ń soo ǹ ne.»