Izayii 64:7 - LAWA A BOO SONBORE

⁷ A da yaa Dɛnaa Lawa, n din ni wɔa díi lɛa. Wɔsɛn man gì lɛa, nsɛ n dɔn-bɔle lɛa. N din nə n wɔ tumaa zɛnaa.

LAWA A BOO SONBORE 2011

⁷ A da yaa Dɛnaa Lawa, n din ni wɔa díi lɛa. Wɔsɛn man gì lɛa, nsɛ n dɔn-bɔle lɛa. N din nə n wɔ tumaa zɛnaa.

Izayii 64:7 ပူးပေါင်းရင်းမြစ်များ

Zɔbu 10:9

Ń ma zɛnaa ka gì ni. N yiri kɔ bɛ li. Ma n wusii ma nyin we tii li?

Zɔbu 8:4

Bɛ̀ n nɛnyaanan nə́ sii la Lawa la, ǹ sii mɛn zɛnaa, bɛ lɛ a gɛ̀ na á ǹ dɛ.

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 14:4

Dɛnaa Lawa pɛ: Min kɔn na a ba min baraan kɛn bii, á boo giala miɛ duduu wa? Ǹsɛn mɛnɛn bɛ́ bɔ̀n diɛ maa minin ganaa, ǹ nə́ n dinin toe ne, ǹ nə́ ǹ ba n yɔrɔ diɛ ma dinmaa la duduu wa.

Bɔ bɛ̀rɛbaa nɛ 32:12

Dɛnaa, bɛ̀ ń zɛnaa miɛ̃, Ezipti gána minin kɛn tá re pii, mà baraabaa a lɛa nɛ, n soo ǹ ne, màn mɛn bɛ́ toɛ, n nə ǹ dɛ kelen la, n nə ǹ tɔ papaã n bɔ kanaa. Dɛnaa, sabara baa n toa n foo basã, n baran baraa zɛnaa n din a zaman kɛ-n wa.

Izayii 1:15

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Izayii 27:5

Bɛ̀ min woo min nə́ n din sii wɔ masɛ gɔn, á re là nyantoro yii ma li. Sonbore, á re là nyantoro yii ma li.»

Izayii 45:9

Min mɛn bɛ́ zia diɛ a zɛnaali ganaa, bɛa dɛnaa wɔ n ka bɔ̀n nɛ. Minbuiin nɛ n ka tii donkolon bɛ́ lɔn ǹ miãn bii. Gì tá boe la a pɛ gì-bɔle ne mà a n wàa zɛnɛɛ? Mà a tàan lɛa siĩn wa?

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 54:8

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Izayii 56:4

Sonbore, Dɛnaa Lawa n kɛ pii: «Giĩbaa bɛ́ a ba min mɛnɛn lon wa, ǹ nə́ maa susu ǹ piin koɛ, ǹ nə́ ma foo siin zɛnɛɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Izayii 57:17

Izirayeli a zɛ̀rɛ laanka a din foo siin kɛn nə́ ma foo yoo, bɛ lɛ nɛ má dɔlɔ da la. Ma ba li ma yɛ doo wa. Sɛnɛ a too kakabaa taman yii, a n tɔn koe a din foo siin lɛ.

Izayii 59:16

Á yɛ mà min kɔn banban, mà min kɔn ba gòã kũ diɛ wa, bɛ́ tɔwaa baa a ganaa. Bɛ lɛ nɛ, a din tá re sii zɛnɛɛ. A peperebaa lɛ na á pàã kɔ la.

Izayii 59:2

Sɛnɛ, kaa sii baraan man ka niɛ̃ kɔn ka kaa Dɛnaa Lawa nɛ. Bɛ̀ n yaa á n bɔ á n bɔ ka li, a ná a ba li a kaa boo ma wa, kaa sii baraan lɛn lɛa nɛ.

Izayii 59:4

Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Zeremii 9:7

Minin kɛn lɛwɔn nə ka kiɛ bɛ́ lɔn gɛ̀ dii. Maǹ soɛ boe, maǹ boo paparɛ diɛ ǹ giaáran manɛ, Sɛnɛ, ǹ foo ne, maǹ kan koe ǹ ne.»

Ezekieli 22:30

Má ga min li ǹ bii, min mɛn bɛ́ re boe la a kungɔn dɔ a kiwi lɛ lɛnpɛnɛ nɛ, hinlaa a golee kungɔn lɛ a yala koo bǎã kɛ nɛ ma nyɛɛnɛ, gána lɛ a lɛa, màn mɛn bɛ́ toɛ ma baran gána lɛ yu wa. Sɛnɛ, ma min goon din yɛ wa.

Ezekieli 24:11

Fɔlɔ donkolon lɛ gɔ́ɔ̃ kooro da tɛ nàn la, màn mɛn bɛ́ toɛ a wɔ̃, màn mɛn bɛ́ toɛ a taã, màn gɔgɔrɛn mɛnɛn bɛ́ a gɔ́ɔ̃ nɛ bɛn nə yo, a soe kɛ dɔ kũ a n bɔ a gɔ́ɔ̃ nɛ.

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Ozee 7:14

Ǹ bɛ́ n lɛ mɛn dii ma li ke, bɛ̀ ǹ nə n duduwəə ǹ piìn la, taãn bie wa. Maǹ nə́ n kiɛ kun, màn mɛn bɛ́ toɛ ǹ *belee laanka duvɛ̃ yɛ. Sɛnɛ ǹ nə́ wusoo ǹ nə́ n bɔ ma kio.

Ozee 7:7

Ǹ tumaa n kakaarɛ ka kùsì fuu bɛ́ lɔn. Maǹ nə́ ǹ sii yɔrɔ-bɔlen dii, ǹ kiin tumaa n kiɛ. Sɛnɛ, ǹ kiin lɛn bii, min goon din yɛ, á ma bii wɔ wa.

Malakii 1:6

Masɛ Dɛnaa Lawa Pàãyiidɛnaa n kɛ pii Lawa a wúlu-bɔlen manɛ: Nɛ na a díi guguru koe, dí-nyali na a miilandɛnaa guguru koe. Ma din bie kaa díi lɛa man ka miilandɛnaa dɔ lɛa wa? Sɛnɛ wàa na á baa kaa ma lɛ sii, kaa ma guguru koe wa, ka n ma pɔpɔsɛ ka n nɔ̀n diɛ: «Wɔ n wɔ́ n pɔpɔsɛ ka wàa nɛ?»

Malakii 2:10

Wɔ tumaa bie di goon nɛn lɛa wa? A din Lawa goon kɛ lɛ bie á wɔ tumaa zɛnaa wa? Wàa na á baa wɔ á baraabaa zɛnɛɛ kɔn nɛ. Wɔ bɔlɔgoondɛnan baa ka wɔ digolon lɛ kɔ kɔn la ká Lawa-n kɛ-n wa.