Izayii 64:6 - LAWA A BOO SONBORE

⁶ Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

LAWA A BOO SONBORE 2011

⁶ Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Izayii 64:6 ပူးပေါင်းရင်းမြစ်များ

Samayeli2 22:46

Gána kɔsɔ minin nə́ ma lɛ wɔ, tiin nə́ ma bebele ǹ nə́ fɔ̃ ma li. Ǹ dinin nə́ soo ǹ duru ǹ bǎãn nɛ, ǹ gɔ̀nɔn nə́ bìn diɛ.

Zɔbu 14:4

Die n boe la a màn *yoreen bɔ màn gɔgɔrɛ nɛ? Bɛa dɛnaa din banban.

Zɔbu 25:4

Minbuiin nɛ n siɛ lɔn a tɔn sonbore yɛ Lawa ganaa? Lɔ a yii kɛ lɛ n siɛ lɔn a tɔn goã *yoreen ne?

Zɔbu 40:4

«Kaa, ma mìi á kiɛɛrɛ bɛ ganaa. Man die n lɛ sii mà wàa? Man die n gɔn koe ma lɛ lɛ.

Loen 1:4

Sɛnɛ, min baraan wɔ bie miɛ̃ wa: bɛn man ka kaã bɛ́ lɔn kiɛ̃ piɛ̃ li.

Loen 14:4

Dɛnaa Lawa pɛ: Min kɔn na a ba min baraan kɛn bii, á boo giala miɛ duduu wa? Ǹsɛn mɛnɛn bɛ́ bɔ̀n diɛ maa minin ganaa, ǹ nə́ n dinin toe ne, ǹ nə́ ǹ ba n yɔrɔ diɛ ma dinmaa la duduu wa.

Loen 51:5

Ma á maa sãn doɛ̃, maa sii baraa lɛ n ma yɔrɔ-a duduu.

Izayii 1:28

Sɛnɛ, gòãn dii wolen kɛn, ka sii baraa-zɛnaalin kɛn nɛ, bɛn tumaa wɔ n ka bɔ̀n nɛ. Min mɛnɛn bɛ́ n dɔ̀ɔ̃ we Dɛnaa Lawa nɛ, bɛn man die bɔ̀n biɛ.

Izayii 1:30

Ka n die goɛ̃ ka da mɛn bɛ́ a luu kaa, ka dù gɔrɔ mɛn nə́ ke mu nyaabaa a ganaa.

Izayii 43:22

Dɛnaa Lawa pɛ: Zakɔba, n lɛ dia ma la wa. Izirayeli, ma nə n nɔmaa ka ma nɛ.

Izayii 46:12

Mìi laa wolen lɛn, kasɛn mɛnɛn wɔlɔ bɛ́ sɔsɔɔ peperebaa ganaa, ka n too kɔ ma lon!

Izayii 48:1

Ka n too kɔ Zakɔba a zaman, kasɛn mɛnɛn nə yɛ Zudaa gána nɛ, Izirayeli tɔ n ka ganaa! Ka nə n liɛ ka Dɛnaa Lawa tɔ nɛ, ka n Izirayeli a Lawa nyankoe, sɛnɛ, ka parsii bie wa, ka a pepere wa.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 53:6

Wɔ tumaa n wɔ goã ka sère papaã wolen bɛ́ lɔn, didie n woe a din mìi gialaa, Dɛnaa Lawa wɔ tumaa a siɛ̃n da a mìi ni.

Izayii 6:5

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Izayii 8:17

Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la.

Ozee 4:19

Piɛ̃ á re ǹ siɛ. Ǹ wúlu mànan kɛn lɛn tá re sìi diɛ ǹ ganaa.

Ozee 7:7

Ǹ tumaa n kakaarɛ ka kùsì fuu bɛ́ lɔn. Maǹ nə́ ǹ sii yɔrɔ-bɔlen dii, ǹ kiin tumaa n kiɛ. Sɛnɛ, ǹ kiin lɛn bii, min goon din yɛ, á ma bii wɔ wa.

Lawa a wúlu-bɔlen 13:12

Sɛnɛ, bɛ̀ bɛa gɔ̀nɔn ki busu babaraa lɛ ná a giala kɔ á n soe a gɔ̀nɔn ganaa, ka a daa a busulə lɛ gɔ̀nɔn tumaa si a n kɔ lɛ, a saa a mìi ganaa a wo a gòãn yaa, Lawa a wúlu-bɔle lɛ din bɛ́ boe la a tá a paǹ mɛn yii,

Zakarii 3:3

Bɛ á zɛnɛɛ bɛ̀ Yesuwa n golee-n lon a dia dí-a wole lɛ yɔrɔ-a mɔnaa gɔgɔrɛn ná a ganaa.

Rɔmu minin 7:18

A giala, wɔ́ dɔ̃ wáa sii sonbore kɔ́n ba wɔ gɔ́ɔ̃-n wa, bɛ giala mà ǹ kɔ́n ba wɔ dinin ni wa. Ga sii bǐɛ̃ li n kɔɔ̃n wɔ ganaa, sɛnɛ, a zɛnaa ke, wɔ a boe bɛ la wa!

Rɔmu minin 7:24

Maa wɔ n ka bɔ̀n nɛ! Maa sii baraa gɔ̀nɔn kɛ lɛ n woe ma diɛ gɛ̀ nɛ! Die n die ma sii la kəni?

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Sii-nyaan 7:13

Min golen lɛn goon tɔ́n boo saa á nɔ̀n da ma la: «Minin kɛn dɔnkɛ fufun ni ǹ ganaa dien manɛ? Maǹ boe maa?»