Izayii 64:3 - LAWA A BOO SONBORE

³ Lawa kɔsɔ a boe la a sii zɛnaa ka n bɛ́ lɔn a golemali-wɔlen man wa! Min kɔn bin bɛ ma wa, min kɔn bin bɛ dɔ̃ wa min kɔn bin bɛ yɛ wa.

LAWA A BOO SONBORE 2011

³ Lawa kɔsɔ a boe la a sii zɛnaa ka n bɛ́ lɔn a golemali-wɔlen man wa! Min kɔn bin bɛ ma wa, min kɔn bin bɛ dɔ̃ wa min kɔn bin bɛ yɛ wa.

Izayii 64:3 ပူးပေါင်းရင်းမြစ်များ

Samayeli2 7:23

Kanaa kɛ gɔ́ɔ̃ nɛ, tɔrɔ kɔsɔ mɛn goon na a tan ka n din a zaman Izirayeli minin kɛn bɛ́ lɔn? Izirayeli tɔrɔn kɛn lɛn manɛ, n din woo ǹ waa ń nə́ ǹ bɔ bɛ̀rɛbaa nɛ, ń nə́ ǹ baa n din a zaman lɛa. N din ni ń sii gole kɛ zɛnaa ǹ nɛ ka kaãbaa ǹ sii dadaran kɛn nɛ ń nə́ ǹ tɔ bɔ nɛ. N nə n zaman mɛn lɛ si Ezipti minin bɛ̀rɛbaa la, bɛa gána kɛ laanka ǹ dìn la, tɔrɔ mɛn nə n zoɛ̃ kɔn ka bɛ nɛ?

Loen 106:22

kaãbaa ǹ siin manɛ, á goã á ǹ zɛnaa walan, Kaamu tɔrɔn kɛn bii. Nyɛ́ɛ da ǹ wɔn manɛ, á ǹ zɛnaa Sawɛɛ tà lɛ-a.

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Loen 66:5

Ka da ga Lawa a nya ǹ dí ganaa, a dí lɛ á kaãbaa diɛ minbuiinin ganaa parsiini.

Loen 68:8

Lawa, n bɛ́ ń soo n zaman lɛ nyɛɛnɛ, n bɛ́ ń tɔ wɔ don gɔ́ɔ̃ nɛ, *Doa

Loen 76:12

Ka toa ka n lɛ kɔ kaa Dɛnaa Lawa la ka mànan nɛ, ka da bɛa mànan lɛn dɔn kɔ la. Ka mɛnɛn tumaa bɛ́ kun Lawa nɛ, ka da ka a gɔ ǹ mànan nɛ ká bɔ, ka ǹ kɔ nyɛ́ɛ da ǹ Lawa kɛ la.

Bɔ bɛ̀rɛbaa nɛ 34:10

Dɛnaa pɛ Muizu-n kəni: «Man die lɛ kɔ kɔn la we ka ka nɛ. N zaman kɛ lɛ yɔrɔ-a, man die sii dadaran zɛnɛɛ, siin mɛnɛn miã bɛ́ a tɔn nə n zɛnaa kanaa paǹ kɔ́n nɛ wa, ka gána kɔ́n dɔ-n wa. Zaman lɛ tumaa á re yii, mà pàã tá masɛ Dɛnaa a dí lɛ nɛ, ma bɛ́ re ǹ mɛn lɛ nyɛɛ n gɔn lɛn.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Izayii 64:1

Bɛ̀ ma n die goɛ̃ ka tɛ bɛ́ lɔn, tewonən kuĩ, hinlaa mu diɛ pipii ganaa. Bɛa yɔrɔ lɛ la, n bɛ́ màn mɛn lɛa, n zɔ́ɔn tá re n tɔ doɛ̃, tɔrɔn tumaa á re bìn diɛ n nyɛɛnɛ!

Abakuku 3:3

Lawa n boe Temaa, Lawa sonbore lɛ n boe Paran a kelen la. *Doa A golebaa lon pã, a tɔ laakalaa tán pã.

Abakuku 3:6

Bɛ̀ á gole, tán nə bìn diɛ. Bɛ̀ á ga tɔrɔn ganaa, bɛn man nyɛ́ɛ biɛ nɛ. Kelen mɛnɛn bɛ́ ǹ tan duduu, bɛn man wɔsɛ kɔn. Tentenən mɛnɛn bɛ́ ǹ tan lɛlɛ, bɛn man kiɛ, ǹsɛn mɛnɛn nə goã a kiɛ̃ ǹ zii lɛa lɛlɛ.

Timəə dí-pɛn 10:21

Ka a din lɛ tɔ saa lon, a dinsɔɔ̃ lɛ n kaa Lawa lɛa. A din na á nyɛ́ɛ da ǹ sii dadaran kɛn zɛnaa kaa lɛa, ka yii nə ǹ mɛnɛn lɛn yɛ.

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.