Izayii 64:2 - LAWA A BOO SONBORE

² Ń sii kakan zɛnaa. Ń gisĩ, kelen nə bìn da n nyɛɛnɛ.

LAWA A BOO SONBORE 2011

² Ń sii kakan zɛnaa. Ń gisĩ, kelen nə bìn da n nyɛɛnɛ.

Izayii 64:2 ပူးပေါင်းရင်းမြစ်များ

Loen 106:8

Sɛnɛ, á ǹ kirisibaa a din tɔ kɛa lɛa, a ná a din a Pàãyiidɛnaabaa nyaa.

Loen 46:10

A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

Loen 79:10

Wàa na á baa, n tá toɛ tɔrɔ kɔsɔn nə́ pii kɛnɛn: Ǹ Lawa lɛ á maa? Toa ǹ dɔ̃ wɔ yii ni, mà gɛ̀ dòo bɔ tan, ǹ dɔ̃ mà ǹ bɛ́ ǹ nə́ n dí-nyalin mɛnɛn dɛ, mà n tá re bɛn dɛ kɛ a gɛ̀ dòo boe.

Loen 83:13

Bɛn man nə́ goã pii kɛnɛn: Ka daa wɔ Lawa a bǎãn kɛn kũ, wɔ ǹ si.

Loen 9:20

Yoo, Dɛnaa Lawa! N nyan toa minbuiin nɛ gɔ̀lɔ̀ baa wa! Tɔrɔn tumaa bíi, ǹ da n din yɔrɔ-a, n kiri wɔ ǹ ganaa.

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Bɔ bɛ̀rɛbaa nɛ 14:4

Lawa mà asɛ á re toɛ Faarahɔn too kaka kɔ, a yoo a ǹ kio loo. Sɛnɛ, mà asɛ á re a din tɔ bɔ ǹ siin zɛnɛɛ Faarahɔn laanka a pàã din tumaa ganaa. Mà Ezipti gána minin tumaa á re doɛ̃, mà asɛ din nə Dɛnaa Lawa lɛa.» Ǹ dɔn nə́ zɛnaa miɛ̃.

Izayii 28:21

Dɛnaa Lawa n die sii zɛnɛɛ ka Perasimu a nyankɔrɔ basa bɛ́ lɔn. Bɛ̀ á re a dí nyɛɛ, a foo-yoo á die a gɔ̀nɔn diɛ bìn diɛ ganaa, ka Gabawɔ̃ nyankɔrɔ basa wɔ bɛ́ lɔn. Sɛnɛ, a n die goɛ̃ tɔwaa ǹ dí lɛa. A bɛ́ re dí mɛn nyɛɛ, bɛ n die goɛ̃ kaãbaa ǹ dí lɛa.

Izayii 37:20

Sɛnɛ, nsɛ Dɛnaa Lawa, wɔa Lawa, wɔ kirisibaa Senankeribu ganaa, a gɔn nyan dɔ wɔ-a wa. Ka bɛ nɛ Dɛnaa Lawa, kanaa a gánan tumaa á re doɛ̃ mà n dinsɔɔ̃ n Lawa lɛa.»

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Zeremii 33:9

Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Amɔɔsi 4:12

Bɛ lɛ na á toa, Izirayeli minin lɛn, ka sii mɛn zɛnaa, man die a dɔlɔ boe ka ganaa. A bɛ́ miɛ̃, Izirayeli minin lɛn, ma din bɛ́ n kaa Lawa lɛa, ka n yɔrɔ bɔ, ka da n da kaa Lawa lɛ.

Misee 1:4

Kelen kɛn man die wurii a gòãn giulun, nyankɔrɔ basan kɛn man die yaliɛ, ka zoo gón bɛ́ tɛ li lɔn, ka mu bɛ́, ǹ nə́ kaa kele baã zuməə ǹ bǎã-n lɔn.

Zakarii 14:4

Bɛa pinaa, a n die gisĩ Olivə kele la, kunu Zeruzalɛmu kiwi ganaa, a lɛ̀giala gɔn la. Olivə kele lɛ n die wɔsɛ a bii ni, a nyankɔrɔ gole goon bɔ, a kũ lɛ̀giala ganaa a wo lɛ̀nyɛɛn yaa. Kele lɛ paǹ goon nə woe gɔsɛ a lɛ̀gɔn la, goon dɔ wo gusin a lɛ̀gɔn la.

Timəə dí-pɛn 2:25

Pelo dinin, man die nyɛ́ɛ laanka foo biɛ na diɛ kanaa tumaa a tɔrɔn ganaa ka kaa sii ni. Bɛ̀ ǹ nə́ ka boo ma lɔn, nyɛ́ɛ á die ǹ kuĩ, ǹ gɔ̀nɔn tá re bìn diɛ ka nyɛɛnɛ.»