Izayii 62:9 - LAWA A BOO SONBORE

⁹ Sɛnɛ, min mɛnɛn bɛ́ re belee lɛ goɛ, ǹ dininmaan man die bii bɛ̀ ǹ tá Dɛnaa Lawa tɔ boe ka loe ne. Min mɛnɛn bɛ́ re rezɛ̃ lɛ niɛ̃, maǹ die duvɛ̃ mii maa kion sonbore kɛa sumu-n.»

LAWA A BOO SONBORE 2011

⁹ Sɛnɛ, min mɛnɛn bɛ́ re belee lɛ goɛ, ǹ dininmaan man die bii bɛ̀ ǹ tá Dɛnaa Lawa tɔ boe ka loe ne. Min mɛnɛn bɛ́ re rezɛ̃ lɛ niɛ̃, maǹ die duvɛ̃ mii maa kion sonbore kɛa sumu-n.»

Izayii 62:9 ပူးပေါင်းရင်းမြစ်များ

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Izayii 65:13

Dɛnaa Lawa n kɛ pii: Á ke, min mɛnɛn bɛ́ maa dí-nyalin lɛa, bɛn tá re màn bii. Sɛnɛ, bòo á re kasɛn kuĩ. Min mɛnɛn bɛ́ maa dí nyɛɛ, bɛn tá re màn mii. Sɛnɛ mu boro á re kasɛn kuĩ. Min mɛnɛn bɛ́ maa dí-nyalin lɛa, bɛn foo á re kɔɔ̃n koe. Sɛnɛ, sìi n die n koe kasɛn lɛ.

Izayii 65:21

Ǹ tá re kionən doe, ǹ giã ǹ nɛ. Ǹ tá re *rezɛ̃ dan zumi, ǹ nà a nɛ bii.

Izayii 65:22

Ǹ ba re kion doe, min kɔsɔn nə giã ǹ nɛ ǹ bǎã-n wa. Ǹ ba re rezɛ̃ dan zumi, min kɔsɔn na a nɛ bii wa. A giala, maa zaman lɛ a minin tá re zizi koe ka dan bɛ́ lɔn. Ma min mɛnɛn bɔ ma ǹ koa, bɛn tá re ǹ dí a là yii.

Zeremii 31:5

N tá re wusii doo, n *rezɛ̃ dan zumu Samarii kelen la, a zumii wolen tá re a nɛ niɛ.

Ezekieli 40:14

Bɛ kio, á bìbìn kɛn zɔɔ̃. Bɛn man nə́ goã gùrù yii pɔpɔsɔrɔ. Ǹ bǎã mɛn dɔ ǹ nə́ dàã lɛ lɛnpɛnɛ nɛ, bɛ n kunu bɛa bìbìn lɛn li.

Zowɛli 2:26

Ka á re màn bii sɔnbɔraanɛ ka kã ka á re loe loe, ka masɛ Dɛnaa Lawa, kaa Lawa lɛ tɔ bɔ nɛ. Ma din nə má kaãbaa ǹ siin zɛnaa ka nɛ, sìi á re maa zaman kɛ kuĩ doo duduu wa.

Zakarii 3:7

«Dɛnaa Lawa Pàãyiidɛnaa a lɛ kɔ goon nə́ ke: Ma bɛ́ boo mɛn pii n ni bɛ̀ n bɛ zɛnaa, bɛ̀ n kɔ maa dí-pɛn kɛn lɛ, n tá re maa kion lɛ a nyɛɛnaandɛnaa biɛ, ka a sumun dɔn nɛ. Min mɛnɛn bɛ́ maa dí nyɛɛ kànaa, man die n diɛ kun ka bɛn nɛ.

Timəə dí-pɛn 12:12

Ka á re n nyɛnyɛɛ kaa Lawa, Dɛnaa Lawa lɛ yɔrɔ-a walan, ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka *Levii tɔrɔn kɛn nɛ, giã nɛ kaa kiwin ni. A giala, ǹ goã ǹ nə́ bǎã kɔ Levii tɔrɔn lɛn la ǹ wɔ lɛa ka bii wa.

Timəə dí-pɛn 12:7

Ka á re màn bii kaa Lawa, Dɛnaa Lawa din yɔrɔ-a walan ka n nyɛnyɛɛ, ka dinin laanka kaa kion minin ni. A giala, ka bɛ́ re n gɔn diɛ dí woo dí ganaa, Dɛnaa Lawa á re bɛ bǐɛ̃ koe.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 16:14

Ka kaa zɔ́n lɛ zɛnaa ka nyɛnyɛɛ nɛ, ka dinin laanka kaa nɛnyaanan nɛ, kaa bɛ̀rɛgiĩn laanka kaa bɛ̀rɛlɔn nɛ, Levii tɔrɔn kɛn nɛ, gùlin ni, ka nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n ka bii.