Izayii 62:8 - LAWA A BOO SONBORE

⁸ Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

LAWA A BOO SONBORE 2011

⁸ Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Izayii 62:8 ပူးပေါင်းရင်းမြစ်များ

Izayii 1:7

Kaa gána n kɛbɔlɔ lɛa. Tɛ kaa kiwin kũ. Tiin man kaa wurun ziziɛ̃ ka dinin yii ni. Kaa wurun man ka kɛbɔlɔ bɛ́ lɔn, ká kaa zɔ́ɔn man nə́ bɔ ǹ nɛ.

Izayii 45:23

Ma nə n liɛ ka maa Lawa baa nɛ, boo mɛn bɛ́ soe ma lɛ-n sonbore ne, boo lɛa a ná a ba n bɔyɛɛ wa: Minbuiin nɛ tumaa n die kiɛ tán ǹ musin la ma yɔrɔ-a, ǹ nə n liɛ ǹ pɛ:

Izayii 54:9

Man die sii zɛnɛɛ ka Nowee a waáraa bɛ́ lɔn. Má goã má lɛ-kɔ wɔ máa mu á re tán bii doo wa. A din goon ne, man lɛ kɔ we pelo, máa ma foo á re yui n li doo duduu wa, máa ma a re parɛɛ n li doo wa.

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Izayii 59:16

Á yɛ mà min kɔn banban, mà min kɔn ba gòã kũ diɛ wa, bɛ́ tɔwaa baa a ganaa. Bɛ lɛ nɛ, a din tá re sii zɛnɛɛ. A peperebaa lɛ na á pàã kɔ la.

Zeremii 31:5

N tá re wusii doo, n *rezɛ̃ dan zumu Samarii kelen la, a zumii wolen tá re a nɛ niɛ.

Zeremii 5:17

Maǹ màn tumaa ziziɛ̃: kaa kaa-piɛ mànan nɛ, kaa màn-biin ni, kaa nɛgiĩn laanka kaa nɛlɔn nɛ, kaa tɔɔ bisinin laanka kaa tɔɔ dadaran nɛ, kaa rezɛ̃ dan laanka kaa gɔ́rɔ dan nɛ. Zia á re kaa kiwi tamaa wolen yui, ka goã taasɛ mà ka á re yii-nyɛɛ yii ǹ mɛnɛn lɛn nɛ.

Ezekieli 20:5

A pɛ ǹ nɛ mà masɛ Dɛnaa Lawa n kɛ pii: «Ma bɛ́ má Izirayeli tɔrɔn lɛn yii gɔgɔɔ̃ ǹ mɛn pinaa, má n liɛ Zakɔba tɔrɔn lɛn nɛ. Má n din nyaa ǹ nɛ Ezipti gána nɛ, má n liɛ má pɛ: Ma din Dɛnaa Lawa n kaa Lawa lɛa.

Lawa a wúlu-bɔlen 26:16

Bɛa biikoo li, masɛ dɔ n die kɛ zɛnɛɛ ka nɛ: Man die toɛ gɔ̀nɔn-woɛ̃ ka kũ, ka pɛrɛ, bɛ lɛ nyɛ́ɛ dɛ a wurəə ka ganaa. Bɛa busun lɛn tá re kaa ga ǹ gɔn ziziɛ̃, ǹ ka pàã nya. Ka màn mɛn da kaa wuru-n, kooro ne. Kaa zɔ́ɔn man die bii.

Amɔɔsi 9:14

Man die wusii ma maa zaman, Izirayeli minin lɛn sii bɔyaa ma da a giala la. Kiwin mɛnɛn nə ziziɛ̃, ǹ tá re wusii ǹ bɛn dɔ, ǹ giã ǹ nɛ. Ǹ tá re *rezɛ̃ dan zuzumi ǹ bɛa duvɛ̃ mi. Ǹ tá re dù gɔrɔn boboe, ǹ bɛa mànan bii.

Timəə dí-pɛn 28:30

Ta kaa min mɛn na á san bɔ, min kɔsɔ n die kuĩ a waa nɛ. Ta kaa min mɛn na á kion dɔ, min kɔsɔ n die giɛ̃ a nɛ. Ta kaa min mɛn na á *rezɛ̃ da wuru bɔ, haalɛ a nɛ bibinaa din, a re niɛ wa.

Timəə dí-pɛn 28:31

Ǹ tá re kaa diin dii ka dinin yii ni, sɛnɛ, a siĩ a re we ka lɛ-n wa. Ǹ tá re kaa dundunun fore ka dinin yii ni ǹ wo ǹ ne, ǹ nə́ ǹ ba re n bɔyɛɛ ǹ da kaa piɛ doo wa. Kaa zɔ́ɔn tá re kaa sèren sii ka la, sɛnɛ, min ba re yii a n dɔ ka lɛ wa.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Timəə dí-pɛn 32:40

Ma nə n gɔn siɛ ma dia lon ma kɛ pɛ: Ma din lɛ yii n koo yǎa duduu!