Izayii 62:6 - LAWA A BOO SONBORE

⁶ Zeruzalɛmu, má bǎã-lɛduəlin koa n kungɔnɔn la. Penleen ka tèlò-n, ǹ ba re n lɛ tiɛ̃ wa. «Kasɛn lɛ̀ waa ma yii n koo wolen lɛn, ka ǹ Dɛnaa Lawa yiri gisĩ Zeruzalɛmu ni, ka nyan nə n susu duduu wa!

LAWA A BOO SONBORE 2011

⁶ Zeruzalɛmu, má bǎã-lɛduəlin koa n kungɔnɔn la. Penleen ka tèlò-n, ǹ ba re n lɛ tiɛ̃ wa. «Kasɛn lɛ̀ waa ma yii n koo wolen lɛn, ka ǹ Dɛnaa Lawa yiri gisĩ Zeruzalɛmu ni, ka nyan nə n susu duduu wa!

Izayii 62:6 ပူးပေါင်းရင်းမြစ်များ

Izayii 52:8

N too kɔ n bǎã-lɛduə̃lin lon, Ǹ tumaa n foo kɔɔ̃nbaa ǹ lɛ-dɛ we kun. A giala, ǹ yii na a ganaa Dɛnaa Lawa n wusii die Siɔn.

Tesaloniki1 5:17

Ka baran Lawa nyankɔ lɛ da wa.

Ebrəə 13:17

Ka kaa nyɛɛnaandɛnan bɔlɔ si, ka goã doroo ne ǹ ne. Sonbore, maǹ giɛ ka telenboenən walan, a giala, ǹ tá re n bɔlɔ pii Lawa yɔrɔ-a bɛa lɛa. Bɛ̀ ka á ǹ bɔlɔ sii, ǹ tá re dí nyɛɛ ka nyɛnyɛɛ nɛ. Bɛ̀ ka a ǹ bɔlɔ sii wa, ǹ tá re nyɛɛ ka yɔrɔ-kɔsiɛ nɛ. Bɛ̀ á yɔrɔ-kɔsiɛ baa, ka dɔn dinin là ba a-n wa.

Zeremii 6:17

Má minin bɔ má ǹ koa máa ǹ nə n gɔn waa ǹ nɛ: «Bɛ̀ ka sère gɔ̀lɔ̀ bɛn wuu ma, ka yiri bɔ.» Sɛnɛ, ǹ nə́ pɛ: «Wɔ laadoo bie wa.»

Izayii 56:10

Izirayeli a wɔlɔ-lɛduə̃lin tumaa n yii tere-an lɛa. Ǹ ba sii kɔn doɛ̃ wa. Ǹ tumaa n gin lɛ tere-an lɛa, ǹ ba boe la ǹ tá gisĩ dinin wa. Maǹ waa-n tán ǹ nə́ n narɛ. Nyuù n kɔɔ̃nɛ ǹ ganaa.

Luku 18:39

Min mɛnɛn bɛ́ tɔ we nyɛɛnɛ, bɛn nə́ sɛ̀ pɛ a ganaa, bɛ̀ ǹ nə́ pii ni mà a n lɛ tã. Sɛnɛ, a na á goã màn diɛ a lɛ-dɛ li: «Davida tɔrɔ, makara bɔ masɛ ganaa!»

Izayii 62:1

*Siɔn, ma a re n lɛ tiɛ̃ wa, a giala ma á n narɛ, Zeruzalɛmu, ma a re n toɛ bíi-a kooro má n maa sii zɛnɛɛ wa, a giala ma á n narɛ, ma nə n yii diɛ yǎa n peperebaa kuĩ ka wɔlɔ fúlu bɛ́ lɔn, yǎa n kirisibaa kɛ tɛ pii ka bolon tɛ bɛ́ lɔn.

Loen 74:2

N yiri koa n din a zaman kɛ nɛ, n zaman mɛn pii, ń baa n din wɔ lɛa haalɛ lɛlɛ. N yiri koa ka *Siɔn kele kɛ nɛ, n din bɛ́ n nə́ n giã ǹ bǎã koa ǹ mɛn la ke lɛn.

KZS2 8:14

A kɔnpɛ ka ǹ di Davida a gɔn waa ǹ boon ne, Salomɔn Lawa a wúlu-bɔlen kurun kɛn kaa ǹ dí lɛ la. Á *Levii tɔrɔn dɔn koa, maǹ loe lɔ ǹ Dɛnaa Lawa tɔ́ bɔ nɛ baraabaraa, ǹ nə́ n dɔ Lawa a wúlu-bɔlen kɛn lɛ ǹ dí nyɛɛ gɔ́ɔ̃ nɛ. Kiɛnlɛ-lɛduə̃lin kurun kɛn kiɛnlɛ gogoonmaa lɛduĩ, á bɛn dɔn kaa ǹ dí lɛ la. Lawa a min Davida na á bɛa dí-pɛn lɛn kɔ.

Siin Giala 32:26

Ǹ bɛ́ kɔn ǹ mɛn waáraa, a kɔn-kũli lɛ bɛ́ á dɔ̃, mà a die boe la wa, á nɔmaa á Zakɔba dɛ a kiɛnpɛrɛ ganaa, a ná a gìĩ bɔ.

Siin Giala 32:12

Bǐɛ̃ kɔ, n masɛ kanbaa ma gologiĩ Ezawu ganaa, a giala, ma á nyɛ́ɛ biɛ nɛ. Nyɛ́ɛ tá ma ganaa, a tɔn da wɔ dɛ, ma laanka maa lɔn nɛ, ka maa nɛnyaanan nɛ.

Loen 74:18

Dɛnaa Lawa, n yiri koa kɛ nɛ, mà zɔ́ɔn nə́ sɔ kɔ n ganaa. Tɔrɔ gàãnaa kɔn yaa wɔ n ganaa.

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»

Korɛnti1 12:28

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Nya ǹ dín 10:31

Á pɛ ma-n kɛnɛn: «Nsɛ Kɔrnɛyi, Lawa nə́ n nyankɔ lɛ yɛ ka n bǐɛ̃ zɛnaan kɛn nɛ doobaan manɛ.

Nya ǹ dín 10:4

Kɔrnɛyi nə́ n yiin doa la ka gongon. Nyɛ́ɛ bɛ́ a ganaa, a ná a lɛ si: «Wàa mɛn nɛ, Dɛnaa?» Lon a dia dí-a wole lɛ pɛ: «Lawa nə́ n yiri kɔ n nyankɔ lɛ li, ka n bǐɛ̃n kɛn nɛ n nə́ ǹ zɛnaa doobaan manɛ.

Izayii 43:26

N bɛ́ zɛ̀rɛ koɛ ma ganaa ka sii mɛn nɛ, ma yiri gisĩ bɛ nɛ. Wɔ n ta kiri wɔ ǹ bǎã-n kun, siin mɛnɛn bɛ́ sonbore koe n la, kɔ ǹ lɛ n nə ǹ pɛ.

Loe kɔɔ̃n kɔɔ̃n 5:7

Sɛnɛ, bǎã-lɛduə̃lin mɛnɛn bɛ́ kiwi lɛ lɛduĩ, bɛn nə́ kaa ma lɛ. Ǹ nə́ ma dɛ, ǹ nə́ busu da ma-a. Ǹ nə́ maa lankana na ǹ nə́ bɔ ma-a, bɛa kungɔn-lɛduə̃lin kɛn lɛn.

Loe kɔɔ̃n kɔɔ̃n 3:3

Kiwi a bǎã-lɛduə̃lin man ke, má kaa ǹ lɛ, má nɔ̀n da bɛn la kɛnɛn: «Min mɛn lɛ bɛ́ kɔɔ̃n ma-a, ka n na bɛ-n wa?»

Loen 122:7

Lawa die a toa là nyantoro yɛ n kiwi lɛ nɛ, a die a toa là nyantoro yɛ ǹ kion sonboren kɛn nɛ.

Izayii 49:16

Á ke, má n tɔ kiɛ̃ ma gɔn tìsì bii. N tamaa ǹ kungɔnɔn kɛn, man taasiɛ we bɛn ganaa biikoo yii li.

Zeremii 14:21

N tɔ taman yii, n giã ǹ bǎã ke piɛ̃ nɛ ka n gugurubaa kɛ nɛ, n nyan nə n la bɔ bɛ ganaa wa. N nyan nə n la bɔ a ganaa wa. N lɛ kɔ kɔn la mɛn wɔ ka wɔ nɛ, n yiri kɔ ka bɛ nɛ, n nyan a sàabaa wa.

Busii pɛ 5:1

Sii mɛn wɔ yɛ, Dɛnaa Lawa yiri nyan bɔ-n wa. Ga, ǹ bɛ́ sìi mɛn diɛ wɔ ganaa, n bɛ dɔ̃.

Busii pɛ 5:20

Wàa na á baa, n yiri n boe ka wɔ nɛ biikoo tumaa li? Ma n die n la boe wɔ ganaa duduu?