Izayii 62:1 - LAWA A BOO SONBORE

¹ *Siɔn, ma a re n lɛ tiɛ̃ wa, a giala ma á n narɛ, Zeruzalɛmu, ma a re n toɛ bíi-a kooro má n maa sii zɛnɛɛ wa, a giala ma á n narɛ, ma nə n yii diɛ yǎa n peperebaa kuĩ ka wɔlɔ fúlu bɛ́ lɔn, yǎa n kirisibaa kɛ tɛ pii ka bolon tɛ bɛ́ lɔn.

LAWA A BOO SONBORE 2011

¹ *Siɔn, ma a re n lɛ tiɛ̃ wa, a giala ma á n narɛ, Zeruzalɛmu, ma a re n toɛ bíi-a kooro má n maa sii zɛnɛɛ wa, a giala ma á n narɛ, ma nə n yii diɛ yǎa n peperebaa kuĩ ka wɔlɔ fúlu bɛ́ lɔn, yǎa n kirisibaa kɛ tɛ pii ka bolon tɛ bɛ́ lɔn.

Izayii 62:1 ပူးပေါင်းရင်းမြစ်များ

Loen 137:6

Bɛ̀ n sii goã ma yiri-n wa, bɛ̀ ma Zeruzalɛmu da nyɛɛn wa, maa foo kɔɔ̃n sii tumaa nyɛɛn wa, ma lɛwɔn dama ma kəərin li.

Loen 51:18

N bie giɛ li, mà ma *wúlu màn kɔ n la wa. Haalɛ wúlu màn mɛn bɛ́ ǹ nə́ tã á kukũ lenlen, bɛ kɔn bie n yii kiɛ̃ wa.

Suusun 4:18

Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe.

Izayii 26:2

Ka kiɛnlɛn bũ! Tɔrɔ mɛn bɛ́ Lawa bɔlɔ sii, a n bɔlɔgoondɛnaa lɛa ka toa bɛ wɔ!

Izayii 46:13

Man die ka maa peperebaa nɛ, a wɔlɔ a sɔsɔɔ doo wa. Kirisibaa diri foɛɛ̃ nɛ. Ma dinmaa n die ne *Siɔn. Man die maa siĩnbaa kɛ koe Izirayeli la.

Izayii 48:18

Bɛ̀ ma n nə́ n yiri koa maa dí-pɛn kɛn li, bɛ̀ n yii-nyɛɛ n goɛ̃ ka tà mu bɛ́ lɔn, n peperebaa goã ka yìsi mu gole bɛ́ lɔn,

Izayii 51:9

N yii kaa Dɛnaa Lawa, n yii kaa! N pàã gole nyaa. N yii kaa ka lɛlɛ lɛlɛ bɛ́ lɔn. N din bie ń goã ń màn baraa Rahabu dɛ, ń yìsi mu li ǹ tɔɔ babaraa piɛ̃ wole kɛ fɔ̃ wa?

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 54:14

Peperebaa n die pàã koe n la. Giã tìãlɛa mɛnaa ma la ganaa, nyɛ́ɛ ba re n kuĩ doo wa. N wɔlɔ sɔsɔɔ kɔ nyɛ́ɛ ganaa, a ba re n mɔrɛ n ganaa doo wa.

Izayii 58:8

Ka bɛ nɛ, n wɔlɔ fúlu n die yui tán ka baayɛlɛ a wɔlɔ fúlu bɛ́ lɔn. N baayɛrɛ lɛ á re nyɛɛ fufuu. N peperebaa á re n nyɛɛnaan boe, Dɛnaa Lawa a gugurubaa kɔ n kio lɛ.

Izayii 60:1

Yoo lon Zeruzalɛmu, n tɛ pɛ! A giala, tɛ fúlu n boe n wɔ lɛa. Dɛnaa Lawa a gugurubaa kɛ n fúlu boe n nɛ.

Izayii 60:2

Ga, wɔlɔ tì nə́ n kɔ tán lɛ. Labara tì biribiri nə n pɛnɛ tɔrɔn ganaa. Sɛnɛ, nsɛ a paǹ li, Dɛnaa Lawa yoo, a gugurubaa n fúlu koe n la.

Zeremii 33:9

Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Misee 4:2

Gána gigiã á die zii siɛ, bɛ̀ ǹ nə́ pii kɔn nɛ: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa kɛa kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, dí-pɛn boon lɛn man boe *Siɔn, Dɛnaa Lawa a boo lɛ n boe Zeruzalɛmu.

Zakarii 2:12

Dɛnaa Lawa Pàãyiidɛnaa a da ǹ boo á ke, asɛ mɛn dí gole wɔ ma gɔn, mà ma pɛ tɔrɔn kɛn manɛ ǹ nə́ ka kokoo: «Min woo min yoo ka gialaa, ǹ dɛnaa na á n gɔn sã masɛ din yii ni.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Luku 10:2

Á pɛ ǹ nɛ: «Kaa-piɛ lɛ lɛ á gole, sɛnɛ, a dí-nyalin manə ǹ ba tɛ wa. Lawa mɛn bɛ́ wuru lɛ a dɛnaa lɛa, ka bɛ lɛ nyankɔ a dí-nyalin dia kaa-piɛ lɛ taman yii.

Tesaloniki2 3:1

Bɛ tumaa kio, dɔɔ̃nɔn lɛn, ka Lawa nyankɔ wɔa lɛa, màn mɛn bɛ́ toɛ, Dɛnaa a boo kɛ wo nyɛɛnɛ, a guguru kɔ, ka a bɛ́ n zɛnɛɛ ka li lɔn.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.