Izayii 61:8 - LAWA A BOO SONBORE

⁸ Taãn nɛ, kɔ sonborebaa lɛ n kɔɔ̃n masɛ Dɛnaa Lawa ganaa. Sɛnɛ, wurumubaa mɛn bɛ́ naa-n kɔn ka gɛ̀ dɛ nɛ, ma a golee bɛ li wa. Ma á re ka sarɛɛ ka peperebaa nɛ, ma á re lɛ kɔ kɔn la we ka ka nɛ, yǎa duduu.»

LAWA A BOO SONBORE 2011

⁸ Taãn nɛ, kɔ sonborebaa lɛ n kɔɔ̃n masɛ Dɛnaa Lawa ganaa. Sɛnɛ, wurumubaa mɛn bɛ́ naa-n kɔn ka gɛ̀ dɛ nɛ, ma a golee bɛ li wa. Ma á re ka sarɛɛ ka peperebaa nɛ, ma á re lɛ kɔ kɔn la we ka ka nɛ, yǎa duduu.»

Izayii 61:8 ပူးပေါင်းရင်းမြစ်များ

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Samayeli2 23:5

Lawa n bɛ lɛ miã zɛnɛɛ maa kion wɔ paǹ li. A giala, á lɛ kɔ kɔn la wɔ ka masɛ nɛ yǎa duduu. A lɛ kɔ sii mɛn ganaa, bɛa sàabiɛ wa. A n lɛ kɔ ka sii mɛn nɛ, a ba bɛ bɔyɛɛ wa. Á die sii tumaa yɔrɔ boe maa kirisibaa a lɛa, màn mɛn bɛ́ toɛ, sii mɛn bɛ́ kɔɔ̃n ma ganaa bɛ nə n zɛnaa.

Loen 105:10

A na á barka wɔ a-n doo, á baa dí-pɛ lɛa, á kɔ Zakɔba la, lɛ kɔ kɔn la duduu ni, Izirayeli minin wɔ lɛa.

Loen 11:7

A giala Dɛnaa Lawa á pepere, sii pepere n kɔɔ̃n-a. Min peperen lɛn man die yii, yii laanka yii.

Loen 32:8

Dɛnaa Lawa pɛ ma nɛ: Ma á re n darɛɛ, n doamaa bɛ́ n kɔ zii mɛn lɛ, ma á re bɛ nyɛɛ n nɛ. Ma á re doree koe n la, ma ga n walan.

Loen 33:5

Sii mɛn bɛ́ pepere, a ná a zii la, bɛ́ n kɔɔ̃n a ganaa. Kanaa tumaa piɛ̃maa-n ka Dɛnaa Lawa a bǐɛ̃baa gole kɛ nɛ.

Loen 37:28

A giala, peperebaa n kɔɔ̃n Dɛnaa Lawa ganaa. Dɛnaa Lawa ba a minin kiɛ wa, a n giɛ ǹ walan baraabaraa. Sɛnɛ, min baraa tɔrɔn kɛn, á re bɛn wɛɛ a ǹ bɔ gána lɛ nɛ.

Loen 45:7

N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Loen 50:5

á pɛ: Ka maa min sonboren lɛn sɔkɔn, min mɛnɛn lɛn nə lɛ kɔ kɔn la wɔ ka masɛ nɛ, ka *wúlu màn nɛ.

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Loen 99:4

Pàã tá n lon koe! Nsɛ lɛ, kii lɛa, n nə́ sii pepere narɛ. N din nə wɔa tɔ wɔ ǹ gɔn lɛ kiɛ̃ wɔ nɛ. N din nə sii pepere laanka a sonbore yɔrɔ boe, ń koɛ Izirayeli gɔ́ɔ̃ nɛ.

Suusun 3:6

N sii zɛnaan tumaa gɔ́ɔ̃ nɛ, toa n na a din dɔ̃, á re n nyɛɛnaan boe.

Suusun 8:20

Man tɔ we peperebaa zii la. Zii mɛn bɛ́ ǹ nə́ dí-pɛn tamaɛ la, maa wɔ n ka bɛ nɛ.

Izayii 28:17

Peperebaa n die goɛ̃ maa màn zɔ́ɔ̃ ǹ màn lɛa, kiri pepere n die goɛ̃ maa biɛ nàn lɛa.» La gii á re kaa minin sã ǹ mìi duru ǹ bǎã kɛ ziziɛ̃. Mu á re n koe kaa duru ǹ bǎã kɛ lɛ.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 5:16

Dɛnaa Lawa Pàãyiidɛnaa á re gugurubaa yii a kiri wɔ gɔ́ɔ̃ nɛ. Lawa sonbore na a sonborebaa nyɛɛ, a peperebaa zɛnaa gɔ̀ɔ̃ nɛ.

Izayii 54:10

Kelen tá boe la ǹ bìn da, tentenen tá boe la ǹ nə n zɔ̃. Sɛnɛ, kɔn-narɛɛ mɛn bɛ́ ma foo ne n wɔ paǹ li, bɛa re n bɔyɛɛ duduu wa. Ma lɛ kɔ kɔn la mɛn wɔ ka n nɛ, là nyantoro a paǹ li bɛa re bìn diɛ wa. Ma din Dɛnaa Lawa n kɛ pii n ni, maa foo basiɛ̃ gɔ́ɔ̃ nɛ.

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Izayii 56:1

Dɛnaa Lawa n kɛ pii: «Ka kɔ sonborebaa lɛ, ka peperebaa zɛnaa. Ma bɛ́ die ka kirisibaa mɛn nɛ, á dɔ á nya. Kànaa ka boɛɛnɛ ka á re maa peperebaa yii.

Izayii 66:22

Lon dii laanka tán dii ke má ǹ zɛnaa, maǹ die goɛ̃ kaka ma yɔrɔ-a, Dɛnaa Lawa a da ǹ boo ne. A din goon ne: Ka tɔ nɛ, ka min mɛn tumaa bɛ́ re yii ka la, ǹ ba re papaɛ̃ ǹ nə n bɔ ma yɔrɔ-a duduu wa.

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Zeremii 9:24

Lɛawaa á re doe, Dɛnaa Lawa a da ǹ boo ne, min mɛnɛn tumaa bɛ́ ǹ nə́ n kuru, ma á re yui bɛn gialaa.

Ezekieli 16:60

Sɛnɛ, ma lɛ kɔ kɔn la mɛn wɔ ka n nɛ n tenmaa waáraa, ma á re n yiri koɛ bɛ li. Man die lɛ kɔ kɔn la duduu we ka n nɛ.

Ezekieli 34:25

«Ma á re lɛ kɔ kɔn la we ka maa tɔɔ kuru lɛ nɛ, là nyantoro wɔ paǹ li. Ma á re don màn babaraan tumaa papaɛ̃ ma ǹ bɔ gána lɛ nɛ. Ǹ tá re giɛ̃ diə gole gɔ́ɔ̃ nɛ, ǹ yiri n bǎã goon ne, ǹ tá re nyuù din we daã nɛ.

Malakii 1:13

Ka n pii dinin: «Kɛa nɔmaa lɛa.» Ka masɛ Dɛnaa Lawa Pàãyiidɛnaa da ka gɔn dɔ̀ɔ̃ nɛ. Ka tɔɔn mɛnɛn koã, ǹ mɛnɛn bɛ́ gisiĩ ka á bɔlɔkan nɛ ka n bɛn koe masɛ la. Man siɛ lɔn ma tɔn bɛa wúlu màn kɛ miã si? Man nɔ̀n diɛ ka la.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Tesaloniki2 3:5

Dɛnaa die a Lawa narɛ ǹ foo wɔ ka nɛ, a *Krita a sii simaa kɔ ka la.