Izayii 61:11 - LAWA A BOO SONBORE

¹¹ Da we bɛ́ gii tán lɔn, hinlaa dù we bɛ́ boe dù gɔrɔ-n lɔn, Dɛnaa Lawa dɔ n die peperebaa laanka tɔ bɔ diɛ bɔ ganaa tɔrɔn tumaa yɔrɔ-a.

LAWA A BOO SONBORE 2011

¹¹ Da we bɛ́ gii tán lɔn, hinlaa dù we bɛ́ boe dù gɔrɔ-n lɔn, Dɛnaa Lawa dɔ n die peperebaa laanka tɔ bɔ diɛ bɔ ganaa tɔrɔn tumaa yɔrɔ-a.

Izayii 61:11 ပူးပေါင်းရင်းမြစ်များ

Siin Giala 1:11

Lawa tɔ́n pɛ: «Tán luu buruu pãlin bɔ: màn tumaa bɔ, a we ná a tan, a kɔnpɛ ka a tɔrɔ nɛ, da tumaa bɔ, a nɛ kɔ a kɔnpɛ ka a tɔrɔ nɛ.» Bɛ nə́ n zɛnaa miɛ̃.

Loen 72:16

Lawa die a gána lɛ a màn-kɔsiɛ bǐɛ̃ kɔ parsiini. A toa a kele mìi ni ǹ wuru màn tumaa ma sɔnbɔraanɛ, ǹ bǐɛ̃ kɔ ka Liban gána a kelen kɛn bɛ́ lɔn. A die a toa kiwin lɛn dɔ nə pã ka minin ni, ka don bɛ́ piɛ̃ ka buu-n lɔn.

Loen 72:3

Toa gána lɛ paǹ tumaa nɛ, minin nə là nyantoro laanka peperebaa dɔ̃.

Loen 85:11

Kɔn-narɛɛ gole laanka bǐɛ̃ duduu kaa kɔn lɛ, ǹ nə́ n sɔɔ kɔn nɛ, ka là nyantoro laanka peperebaa nɛ.

Loe kɔɔ̃n kɔɔ̃n 4:16

Haya koɛ! Gɔsɛ a lɛ̀gɔn la a piɛ̃, gusin a lɛ̀gɔn la a piɛ̃, ka yoo! Ka bɔ maa dù gɔrɔ kɛ nɛ, ka a da gìĩ kɔɔ̃nɔn kɛn gìĩ da bɔ-a. Ma din foo dùũ wɔ kɛ die a da a dù gɔrɔ lɛ nɛ, a na a da nɛ kɔɔ̃n kɔɔ̃nɔn kɛn bii.

Izayii 4:2

Bɛa pinaa lɛ nɛ, Dɛnaa Lawa a da ten kɛ n die siĩn koe parsiini. Min mɛnɛn bɛ́ re goɛ̃ ǹ yii n koo Zeruzalɛmu, gána lɛ a da nɛn tá re foo kɔɔ̃n laanka gugurubaa koe bɛn la.

Izayii 45:23

Ma nə n liɛ ka maa Lawa baa nɛ, boo mɛn bɛ́ soe ma lɛ-n sonbore ne, boo lɛa a ná a ba n bɔyɛɛ wa: Minbuiin nɛ tumaa n die kiɛ tán ǹ musin la ma yɔrɔ-a, ǹ nə n liɛ ǹ pɛ:

Izayii 45:24

«Peperebaa laanka pàã n yii Dɛnaa Lawa dinsɔɔ̃ li.» Min mɛn tumaa yɔ bɔ ma ganaa, ǹ tá re wusii ǹ da ma li, sìi nə ǹ ganaa.

Izayii 45:8

Lon, peperebaa pɛsɛ̃ ka pele bɛ́ lɔn. Labaran, ka toa a gisĩ a baa si ka la mu bɛ́ lɔn! Tán, n lɛ bũ, kirisibaa buũ kɔ, peperebaa gii! Masɛ Dɛnaa Lawa n má bɛa màn kɛ tumaa zɛnaa.

Izayii 46:13

Man die ka maa peperebaa nɛ, a wɔlɔ a sɔsɔɔ doo wa. Kirisibaa diri foɛɛ̃ nɛ. Ma dinmaa n die ne *Siɔn. Man die maa siĩnbaa kɛ koe Izirayeli la.

Izayii 48:18

Bɛ̀ ma n nə́ n yiri koa maa dí-pɛn kɛn li, bɛ̀ n yii-nyɛɛ n goɛ̃ ka tà mu bɛ́ lɔn, n peperebaa goã ka yìsi mu gole bɛ́ lɔn,

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Izayii 60:18

Kakaarɛbaa boo ba re n miɛ n gána-n doo wa. Basaã laanka kɛbɔlɔ boo á re n diɛ n gána gɔ́ɔ̃-n wa. N kungɔnɔn kɛn tɔ n die goɛ̃ "Kirisibaa", n kiɛnlɛn tɔ goã "tɔ bɔ".

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Izayii 62:1

*Siɔn, ma a re n lɛ tiɛ̃ wa, a giala ma á n narɛ, Zeruzalɛmu, ma a re n toɛ bíi-a kooro má n maa sii zɛnɛɛ wa, a giala ma á n narɛ, ma nə n yii diɛ yǎa n peperebaa kuĩ ka wɔlɔ fúlu bɛ́ lɔn, yǎa n kirisibaa kɛ tɛ pii ka bolon tɛ bɛ́ lɔn.

Izayii 62:2

Bɛa biikoo li, tɔrɔn tumaa á re n peperebaa yii. KIIN tumaa á re n gugurubaa yii. Dɛnaa Lawa tɔ dii mɛn bɔ, ǹ tá re bɛ koe n ganaa kəni.

Izayii 62:7

Ka nyan toa a susui yɛ wa, yǎa a Zeruzalɛmu zɛnɛɛ a nyɛɛ, yǎa a tɔ boe tán tumaa la.»

Matiə 13:23

Sɛnɛ, min tɛn nə kɔnboe ka tán sonbore ne màn tɔrɔ mɛnaa a nɛ. Bɛn man boo lɛ miɛ, ǹ na a giala ma, maǹ nɛ koe, ǹ tɛn wɔ n paabiɛ, ǹ tɛn wɔ n pɔsɔrɔ, ǹ tɛn wɔ n pɔsɔɔ.

Matiə 13:3

Á boo gigiã da ǹ nɛ ka boo giməə ne, á pɛ ǹ nɛ: «Giĩ goon na á soo á woo màn tɔrɔ pɛsɛ̃.

Matiə 13:8

Sɛnɛ, màn tɔrɔ lɛ kɔ́n nə́ mɛnaa tán sonbore la, á nɛ kɔ, ǹ tɛn nə́ nàn paabiɛ bɔ, ǹ tɛn nə́ nàn pɔsɔrɔ bɔ, ǹ tɛn dɔ́ na á pɔsɔɔ bɔ.»

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.