Izayii 60:9 - LAWA A BOO SONBORE

⁹ Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

LAWA A BOO SONBORE 2011

⁹ Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Izayii 60:9 ပူးပေါင်းရင်းမြစ်များ

Siin Giala 9:27

Lawa die a n gɔn pã a da Zafɛti lon. Lawa die a giã Sɛmu a zàã nɛ. Kanaan die a n baa a bɛ̀rɛ lɛa.»

Kiin1 10:1

Lɔ mɛn bɛ́ Saabaa gána a kii lɛa, bɛ ma mà Lawa barka nɛ, mà Salomɔn tɔ soo. Bɛ lɛ nɛ, á tɔ́n daa ga a giala-a ka boo giməən ne.

Kiin1 10:22

Bǎã sɔsɔɔ mu baa ǹ goon dɔn nə́ goã Salomɔn lon, ǹ nə́ ǹ diɛ baa-a kun ka Iraamu wɔn nɛ. Lɛ̀ sɔsɔɔ gɔ́ɔ̃ nɛ, maǹ nə́ n bɔyɛɛ ka bǎã sɔsɔɔ mu baa ǹ goon lɛn nɛ, sana nə́ ǹ nɛ, ka wɔrɔ nɛ, ka don a díi sɔ nɛ, ka káran laanka kokolo tɔrɔn kɔnɔn nɛ.

Kiin1 22:48

Bɛa biikoo li kii goã koa nɛ Edɔmu gána mìi la wa. Gánadɛnaa dinsɔɔ̃ na á goã a tan, Zudaa n kii bɔ á koa.

Kiin1 8:41

Ta tii mɛn nə boe gána sɔsɔɔ nɛ, ǹ dɛnaa ná a ba n zaman Izirayeli minin kɛn goon lɛa wa, a giala tɔrɔ kɔsɔn tá re n tɔ gole kɛ miɛ̃, ka n sii dadaran kɛn nɛ, ń zɛnaa n zaman lɛ nɛ, bɛ̀ bɛa tii lɛ daa n nyankɔ kion kɛ nɛ,

Loen 48:7

Ǹ gɔ̀nɔn na á bìn da walan kəkəkə, ka lɔ nɔna-a n nɛ yii.

Loen 72:10

Tarsisi kiwi laanka gánan mɛnɛn bɛ́ mu bii, bɛn kiin tá re min gɔ ǹ mànan diɛ la. Saabaa laanka Seebaa gánan kiin tá re màn boboe, ǹ kɔ la.

Loen 97:1

Dɛnaa Lawa lɛ n kii lɛa. Kanaa minin nə bɛ̀ baa ka foo kɔɔ̃n nɛ, haalɛ gána sɔsɔɔ minin kɛn, ka dɔn nə n nyɛnyɛɛ.

Bɔ bɛ̀rɛbaa nɛ 33:19

Dɛnaa lɛ tɔ́n pɛ: – Man die kiɛ̃ n yɔrɔ-a, ma maa bǐɛ̃ kɛ tumaa nyaa n nɛ, ma ma din tɔ pɛ n nɛ: «Dɛnaa.» Bɛ̀ min mɛn kɔɔ̃n kɔ masɛ ganaa, man makara boe bɛ ganaa, man din nyaa nɛ. Bɛ lɛ nɛ, má makara bɔ n ganaa, má n din nyaa nɛ.

Suusun 18:20

Didie á boe la a màn bii a boon paã ganaa. A bɛ́ boo mɛn diɛ, bɛ lɛ nə n doe lɛ a yii goã koo.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 2:16

Mu la ǹ goon kɛn zii sɔsɔɔ tɔ wɔ ǹ wɔn lɛa, á re yui bɛn gialaa ka ǹ mɛnɛn bɛ́ pii màn giɔ̀mɔ kakaan goɛ.

Izayii 24:15

Lɛ̀giala gánan nɛ, ka Dɛnaa Lawa guguru kɔ. Gánan mɛnɛn bɛ́ yìsi mu nə́ ǹ da bii, ka Dɛnaa Lawa, Izirayeli a Lawa tɔ bɔ.

Izayii 42:10

Ka loe tii lɔ Dɛnaa Lawa nɛ. A kũ tán lɛ dan ganaa, ka a tɔ bɔ, kasɛn mɛnɛn bɛ́ yìsi mu zii tɔ we, ka màn mɛn tumaa bɛ́ yìsi mu li, ka kasɛn dɔn nɛ, mu gánan mɛnɛn da bii, ka loe lɔ ka Dɛnaa Lawa tɔ bɔ nɛ.

Izayii 42:4

A foo a re ziziɛ̃ wa. A gù a re giɛ̃ wa, yǎa peperebaa yii tán tumaa la. Gánan mɛnɛn bɛ́ mu nə́ ǹ da bii, bɛn man giɛ a daraa li.»

Izayii 43:4

Taãn nɛ, n sii n kaka ma gɔn. Ma n màn sonbore lɛa, ma tá n narɛ. Bɛ lɛ nɛ man minin koe n bǎã nɛ, ma á n nyin lon koe ka tɔrɔn nɛ.

Izayii 43:6

Má pɛ gɔsɛ a lɛ̀gɔn nɛ: «Ǹ toa walan!» Má pɛ gusin a lɛ̀gɔn nɛ: «N nyan bìn da ǹ ganaa wa!» Ka maa nɛgiĩn kɛn kũ gána sɔsɔɔn kɛn nɛ, ka da ǹ nɛ, ka maa nɛlɔn kɛn kũ kanaa lɛ dan ganaa ka da ǹ nɛ.

Izayii 46:13

Man die ka maa peperebaa nɛ, a wɔlɔ a sɔsɔɔ doo wa. Kirisibaa diri foɛɛ̃ nɛ. Ma dinmaa n die ne *Siɔn. Man die maa siĩnbaa kɛ koe Izirayeli la.

Izayii 49:1

Kasɛn, gánan kɛn mu ka da bii, ka n too kɔ ma lon. Tɔrɔn mɛnɛn bɛ́ tìãlɛa, ka n yiri kɔ. Dɛnaa Lawa ma bíi, bɛ̀ ma tɔn yɛ wa. Ma bɛ́ tɔn ma dan gɔ́ɔ̃ nɛ, á ma bii ka ma tɔ nɛ.

Izayii 49:22

Dɛnaa Lawa n kɛ pii: Á ke, man die n gɔn yiɛ tɔrɔ kɔsɔn manɛ. Man die sii giala pɛ ǹ zanzan zumi ǹ wɔ lɛa. Ǹ tá re die n nɛgiĩn ni ǹ kolo-n, ǹ nə n nɛlɔn kɛn gũ ǹ kɔrɔn.

Izayii 51:5

Peperebaa mɛn bɛ́ ma á die ne, á diri. Kirisibaa biikoo dɔ. Man die kiri we tɔrɔn ganaa ka pàã gole ne. Tɔrɔn mɛnɛn bɛ́ mu nə́ ǹ gánan da bii, bɛn tá re n foo doɛ ma ganaa. Ǹ tá re n foo doɛ ma pàã ganaa.

Izayii 55:5

Á ke, n tá re tɔrɔn bíi, n nə́ n ba ǹ doɛ̃ wa. Bɛa tiin kɛn n nə́ n ba ǹ doɛ̃ wa, ǹ tá re n nanaɛ ǹ da n li. Maǹ die die masɛ Dɛnaa Lawa taman yii, n Lawa, Izirayeli a Lawa sonbore kɛa lɛa, asɛ mɛn bɛ́ li a n saa lon.»

Izayii 57:17

Izirayeli a zɛ̀rɛ laanka a din foo siin kɛn nə́ ma foo yoo, bɛ lɛ nɛ má dɔlɔ da la. Ma ba li ma yɛ doo wa. Sɛnɛ a too kakabaa taman yii, a n tɔn koe a din foo siin lɛ.

Izayii 60:4

N yii saa lon n ga n paǹ tumaa li: Ǹ tumaa nə n lɛ soekɔn, ǹ nə́ die n li. N nɛgiĩn man boe sɔsɔɔ die, maǹ nə n nɛlɔn guĩ ǹ kolo-n.

Izayii 60:6

Nyɔɔmaa kuru gigiã á re n gána piɛ̃, Madiã gána laanka Ɛfaa gána a nyɔɔmaa tenən kɛn tumaa á re boe Sabaa. Ǹ tá re die sana laanka da yon gìĩ kɔɔ̃n nɛ, ǹ loe lɔ min tumaa yɔrɔ-a, ǹ Dɛnaa Lawa tɔ bɔ nɛ.

Izayii 66:12

Dɛnaa Lawa n kɛ pii: Á ke, man die là nyantoro diɛ baa si ganaa Zeruzalɛmu ka tà bɛ́ lɔn, tɔrɔ kɔsɔn naforo kɛ baa si ka mu zii bɛ́ lɔn á pã á toɛ̃. Man die ka tamɛɛ ka lɔ bɛ́ a nɛnyaan tiɛɛ̃n tamɛɛ lɔn: a n diɛ a kolo-n, a bɔ a da a gòã la, a na a là wɔraa.

Zeremii 3:17

Bɛa waáraa kəni, maǹ die Zeruzalɛmu bíi, «Dɛnaa Lawa a kii dankan.» Tɔrɔn tumaa n die n soekɔn ka Dɛnaa Lawa tɔ nɛ Zeruzalɛmu. Ǹ ba re koe ǹ foo kakabaa kɛ laanka ǹ taasiɛ baraan kɛn lɛ wa.

Zeremii 30:19

LOE laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

Ezekieli 39:7

Ma á re ma tɔ a sonborebaa kɛ nyɛɛ maa minin Izirayeli tɔrɔn kɛn bii. Ma a re toɛ ǹ ma tɔ sonbore kɛ ziziɛ̃ doo wa. Bɛa biikoo li kəni, tɔrɔ kɔsɔn tá re doɛ̃, mà ma din nə Dɛnaa Lawa sonbore lɛa, Izirayeli gána nɛ.

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Misee 7:12

Bɛa pinaa kɛ lɛ nɛ, kaa minin tá re wusii ǹ da ka li. A saa Asiirii ganaa a wo Ezipti yaa, ǹ tɛn tá re boe walan. A saa Ezipti ganaa a wo Efrati tà kɛ yaa, ǹ gialakunun tá re boe walan. Ǹ tɛn tá re boe kɔ̀ mun lɛ-a ǹ tɛn dɔ á re boe kele yiin ni.

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Zakarii 14:14

Zudaa minin tá re zia biɛ Zeruzalɛmu kiwi. Ǹ tá re ǹ miãkɛnɛn naforon tumaa sii ǹ la: Sana nɛ, wɔrɔ nɛ, ka mɔnaa damata nɛ.

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Zaã a sɛ́wɔ 17:26

Má n tɔ nyaa ǹ nɛ, ma á die wusii ma nyaa ǹ nɛ doo, màn mɛn bɛ́ toɛ, n masɛ narɛ lɔn, bɛa kɔn-narɛɛ kɛ lɛ goã ǹ dɔn lon, masɛ dɔ́ goã kunun ǹ ni.»

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 4:26

Sɛnɛ, lɔ wɔsiɛ kɛ n goon ka lon a Zeruzalɛmu kɛ nɛ, a din nə wɔa náa lɛa.

Zozoe 9:9

Ǹ ná a lɛ si kɛnɛn: «N dí-nyalin lɛn bɛ́ boe gána mɛn nɛ die, á sɔsɔɔ taãn-taãnɛ. Dɛnaa Lawa lɛ, n Lawa lɛa, bɛ lɛ a lɛa nɛ. A giala, wɔsɛn ná a boo ma. A sii mɛn tumaa zɛnaa Ezipti gána nɛ,