Izayii 60:2 - LAWA A BOO SONBORE

² Ga, wɔlɔ tì nə́ n kɔ tán lɛ. Labara tì biribiri nə n pɛnɛ tɔrɔn ganaa. Sɛnɛ, nsɛ a paǹ li, Dɛnaa Lawa yoo, a gugurubaa n fúlu koe n la.

LAWA A BOO SONBORE 2011

² Ga, wɔlɔ tì nə́ n kɔ tán lɛ. Labara tì biribiri nə n pɛnɛ tɔrɔn ganaa. Sɛnɛ, nsɛ a paǹ li, Dɛnaa Lawa yoo, a gugurubaa n fúlu koe n la.

Izayii 60:2 ပူးပေါင်းရင်းမြစ်များ

Kiin1 8:11

Lawa a wúlu-bɔlen lɛn nə goã boe la ǹ tá giɛ̃ kion lɛ nɛ, ǹ tá ǹ dí nyɛɛ wa, tɛmaa bara lɛ taman yii. A giala Dɛnaa Lawa a gugurubaa na á goã a ná a kion lɛ pã.

Loen 102:16

Tɔrɔ kɔsɔn kɛn tá re nyɛ́ɛ biɛ Dɛnaa Lawa tɔ kɛ nɛ. Kanaa a kiin kɛn tumaa á re n nyɛnɛɛ n gugurubaa kɛ nɛ.

Loen 80:1

LOE-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Izayii 2:5

Ka zii saa, Zakɔba a sumu minin lɛn, wɔ tɔ wɔ Dɛnaa Lawa a wɔlɔ fúlu li!

Izayii 4:5

Bɛa waáraa, Siɔn kele la, ka zaman mɛn tumaa bɛ́ soe-n kɔn, á re labara boe penleen, a tɛmaa laanka tɛ buə̃ bɔ tèlò-n. Dɛnaa Lawa a gugurubaa n die n koe ǹ tumaa lɛ ka zìã gole bɛ́ lɔn,

Izayii 58:10

bɛ̀ n tá n màn-bii gii kɔn ka bòonaan nɛ, bɛ̀ n ga nɔmaa-wɔlen walan, ka bɛ-n kəni, n tɛ fúlu á re boe tèlò-n, nsɛ a wɔlɔ tì n die goɛ̃ ka penleen bɛ́ lɔn.

Izayii 58:8

Ka bɛ nɛ, n wɔlɔ fúlu n die yui tán ka baayɛlɛ a wɔlɔ fúlu bɛ́ lɔn. N baayɛrɛ lɛ á re nyɛɛ fufuu. N peperebaa á re n nyɛɛnaan boe, Dɛnaa Lawa a gugurubaa kɔ n kio lɛ.

Izayii 62:1

*Siɔn, ma a re n lɛ tiɛ̃ wa, a giala ma á n narɛ, Zeruzalɛmu, ma a re n toɛ bíi-a kooro má n maa sii zɛnɛɛ wa, a giala ma á n narɛ, ma nə n yii diɛ yǎa n peperebaa kuĩ ka wɔlɔ fúlu bɛ́ lɔn, yǎa n kirisibaa kɛ tɛ pii ka bolon tɛ bɛ́ lɔn.

Izayii 66:11

Nɛ ǹ dan nyɔ bɛ́ piɛ̃ lɔn a nɛ tiɛɛ̃n mi ka foo kɔɔ̃n nɛ a kã, ka dɔn tá re kiɛ̃ miɛ̃, a ka foo waa.

Izayii 8:22

bɛ kio, ǹ tá re n yɔrɔ diɛ tán: Sɛnɛ á ke, maǹ die koe dinsɔɔ̃ yii, wɔlɔ tì biribiri ni, nyɛ́ɛ gole ne ka tèlò tì biribiri ni, ǹ bɛ́ re ǹ noɛ̃ ǹ nə ǹ zũ bǎã mɛn nɛ.

Zeremii 13:16

A laan bɛ̀ a n tèlò diɛ kɔ ganaa, bɛ̀ ka n gòã na kɔlɔ ganaa kele mìi ni, ka gugurubaa da Dɛnaa Lawa, kaa Lawa tɔ la. Ka nə n yii diɛ penleen la, sɛnɛ Dɛnaa Lawa n bɔyɛɛ a baa wɔlɔ tì biribiri lɛa, a n furuməə gole koe lɛ.

Ezekieli 10:4

Dɛnaa Lawa a siĩnbaa yoo á n bɔ lon màn yiikoonaan lɛn la, á woo kion lɛ a kiɛnlɛ-a. Kion lɛ gɔ́ɔ̃ ná goã piɛ̃-n ka tɛmaa nɛ, a sumu gɔ́ɔ̃ kɛ dɔ na á goã piɛ̃-n ka Dɛnaa Lawa a siĩnbaa kɛa tɛ-pɛ nɛ.

Lawa a wúlu-bɔlen 9:23

Muizu laanka Aarɔn kaa kɔn yɛ ka Lawa nɛ ǹ kion. Bɛ kio, ǹ nə́ soo, ǹ nə́ barka da zaman lɛ ganaa. Bɛa biikoo li, Dɛnaa Lawa ná a gugurubaa nyaa zaman lɛ tumaa nɛ.

Minin nimi 16:19

Koree lɛ ná a kiodɛnan lɛn tumaa mìi sɔkɔn Muizu laanka Aarɔn li, kɔn yɛ ka Lawa nɛ ǹ kion lɛ a kiɛnlɛ-a. Dɛnaa Lawa a gugurubaa daa n din nyaa zaman lɛ tumaa nɛ.

Matiə 15:14

Ka ǹ toa walan. Maǹ yii tere-an lɛa yii tere-an bàlà kuĩ! Bɛ̀ yii tere-a nə́ ǹ miã yii tere-a a bàlà kũ, ǹ dinin paanan tá re boe ǹ kaa nyankɔrɔ nɛ.»

Matiə 23:19

Yii tere-an lɛn! Ǹ mɛn a sii n kaka? Wúlu màn lɛ sɛ-n hinlaa, a bɔ ǹ bǎã mɛn bɛ́ biɛ Lawa a màn lɛa a gɔrɔn?

Matiə 23:24

Nyɛɛnaan sabɔle yii tere-an kɛn! Ka n kaa mi ǹ mu sɔlɛɛ bɛ̀ ka nyuun bɔ li, sɛnɛ, ka n wusii bɛ̀ ka nyɔɔmaa mui!

Zaã a sɛ́wɔ 1:1

Lɛlɛ-lɛlɛ, Lawa laan bɛ̀ a n kanaa diɛ, bɛ̀ Boo tan. Bɛa Boo lɛ na á goã Lawa li, a na á goã Lawa lɛa.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Nya ǹ dín 14:16

Lɛlɛ á tɔrɔn tumaa toa walan, didie kɔ a din a zii lɛ.

Nya ǹ dín 17:23

Bɛ̀ masɛ á koe kaa ziin lɛ, ma tá kaa dì wúlu-bɔ ǹ bǎãn yii. Má bǎã lɛ kɔ́n din yɛ á n kiɛ̃ nɛ a ganaa kɛnɛn: «Min bɛ́ a ba dì mɛn doɛ̃ wa.» Ka bɛ́ ka a màn mɛn doɛ̃ wa ka ná a guguru koe dɔn, masɛ Pooli n má daa bɛ lɛ boo da ka nɛ.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Kolɔɔsi minin 1:13

Sonbore, Lawa na á wɔ bɔ wɔlɔ tì a goledɛnaa *Sɛtaan pàã giulun, á wɔ kaa a din a Nɛgiĩ narɛɛ wole kɛ a kiibaa nɛ.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.